Levitico 18:8 - Biblia Mixe de Quetzaltepec

⁸ Këtii yë wintsë'kën xyajtëkoyëty ma nteetyën ets ja kyutëjk xymyëëtko'knaayëty.

Levitico 18:8 ပူးပေါင်းရင်းမြစ်များ

1 Corintios 5:1

Jëtu'un yajnijawëy'äty ko tam ma miitsëtyën nitu'uk mëti'ipë ëtëtsnajxpën. Yë'ë mëj tëko'oyën nyäxy ko ja'ay kyutaak to'oxytyëjk'aty. Jampaat jëtu'unpë ka'ap yajkupëky ma ja ja'ayëtyën mëti'ipë ka'ap ja Tios tmëpëktën.

Levitico 20:11

Pën myëëtko'knaayëp ja tyeety ja tyo'oxytyëjk, wintsë'kën yajtëkoopy ma ja tyeetyën. Paaty tääpë ja'ay nëjkxëp y'ooky, mëët ja to'oxytyëjk näjyëtu'un ets kë'ëm ënäty nyätyunëtë.

Deuteronomio 27:20

Poky yë ja'ay wyë'ëmëty mëti'ipë myëët'ajtypyën yë tyeety yë tyo'oxytyëjk. Jä'ä ko tyeety jëtu'un ënäty yë myëyajtën wyintsë'kën yajtëkooyëp. Ënät ja ja'ay y'ëtsowtëty: Oy, jëtu'un'atëp.

Deuteronomio 22:30

Ni pën tkajëkyäpëty tmëëttsëënëty ja to'oxytyëjk mëti'ipë ja tyeety tyo'oxytyëjk'ajtypyën. Jä'ä ko jëtu'un y'ëtë'ëtsëty, ja tyeety ënäty ja myëyajtën wyintsë'kën yajtëkooyëp.

Amós 2:7

Tyiytyuuntëp ets ka'ap tmëj'ixtë yë ëyoopëja'aytyëjk, ko jya''amëtoyë ja ëyoopëja'ay ets jeexyë tpaye'ey, ka'ap tpaye'ey. Yë u'unkteety ets myaank tu'ukyë ja to'oxytyëjk tukmujknëtë ets tmëët tsëënëtë, tyajnipäxëtëkëtë jëtu'un ja nxëëwës.

Génesis 49:4

Pyaatäämpy ja xëëw jëmëjt ma mijts ka'ap m'ëk jëyëjp'ajnëty, jä'ä ko jëtu'un mijts mja'ay'äty tä mëj nëëkomën, mëti'ipë ka'ap tjëkyepy yaj'ëtukëtyën. Mijts ka'ap të xywyinkutsë'ëkë yë nmaapäjnës, mëëtko'knaay ja to'oxytyëjk mëti'ipës ënäty mëët jëtu'unyë ntsëënën.

Ezequiel 22:10

Tam mëti'ipë myëëtko'knaaynyëpën ja tyeety ja tyo'oxytyëjk ets tam mëti'ipë myëëtko'knääpyën ja to'oxytyëjk mëti'ipë ëmaay'ajtpën.

Génesis 35:22

Jam ënäty yë Israel të tsyënaaytyaknpëjknëtë ko yë Rubén ojts tmëëtko'knë yë Bilhá, mëti'ipë ënäty ja tyeety të tmëmäjtsk to'oxytyëjk'atyën. Ko yë Jacob tnija'awëy ko ënäty jëtu'un yë Rubén të y'ëti'itsy, ënät ojts yajxon jyantyjyoot'anpëky. Yë Jacob yë y'u'unk y'ëna'këty nimajkmäjtsk ojts y'itë.

Deuteronomio 23:1

Mëti'ipë ja'ay nakën yë y'ëxtsyaapajk, ëkë tuktsukë yë ye'etyëjkajtën, ka'ap tjëkyepy jam yajpaatëty ma ja Wintsën ja nyaax kyajpnën.