Levitico 18:4 - Biblia Mixe de Quetzaltepec

⁴ Yë'ë kuuytyuntë mëti'ipës të nikäjpxyën, patuntë yë n'ënä'ämën ntëyajtënës ets jëtu'un mjuuky'atëty oy tsuj, tä ja ënä'ämën tnikäjpxyën, jä'ä ko ëjts Wintsën, mëti'ipë miits mTiosajtëpën.

Levitico 18:4 ပူးပေါင်းရင်းမြစ်များ

Levitico 18:2

Jëtu'un xy'ënëëmëty yë Israel ja'ayëty: Jëtu'un y'ënä'äny ja Wintsën: Ëjts jëtu'un Wintsën, mëti'ipë miits mTiosajtëpën.

Juan 15:14

Miits jëtu'un nmëku'ukja'awëtyëp, pën mtuuntëp mëti'ipë ntuk'ënä'ämtëpën.

Ezequiel 36:27

Mpëjkta'akäämpyës jap ma miitsëtyën ëjts yë njot nwinma'any ets xypyatuntëty ja n'ënä'ämënës ntëyajtënës ets ja mëti'ipës të nkäjpxyën;

Ezequiel 20:19

Jëtu'unës n'ënëmaaytyë: Ëjts Wintsën, ëjts jëtu'un xyTyios'ajtëp. Patuntë yë n'ënä'ämënës, ntëyajtënës,

Salmos 119:4

Mijts Wintsën të xynyikäjpxy ets mtëyajtën yajpatunëty ijxtëm pyäätyën.

Deuteronomio 6:1

Ya'atë ënä'ämën'ajtp tëy'ajtën'ajtp ets ja aaw ayuk mëti'ipë Wintsën të xytyuk'ëne'emyënës ets ntukni''ixëtëty ets yë'ë xypyatuntëty ko ënäty jam myajpatnëtë ma ja it naaxwiinyëtën mëti'ipë mjä'ä'atantëpën.

Levitico 20:22

Yë'ë jëtu'un mpatuntëp yë n'aaw n'ayukës ets n'ënä'ämënës ntëyajtënës. Patuunta'atë jëtu'un tëkokyë. Këtiipë ëxëëk mjatëty mkëpätëty ma ja naax kajpnën ma nwoownëjkxtën ets jam mjuuky'atëty.

Levitico 19:37

Paaty tuntë jëtu'un, tääjës yë n'aaw n'ayuk të nkäjpxyën ets tääjës yë n'ënä'ämën ntëyajtën y'ënä'änyën. Patuntë, ëjts ënaanp. Ëjts jëtu'un Wintsën.

Levitico 18:26

E miitsëty Israel ja'ayëty ets jaaypyaat jaaypyo'kxyëty mëti'ipë tsënaaytyëpën ma miitsëtyën, patuntë jëtu'un yë n'aaw n'ayukës ets n'ënä'ämënës ntëyajtënës, këtiipë xytyuntëty mëti'ipë ka'ap y'oyëtyën.

Lucas 1:6

Nimäjtskëty oy ijty yë Tios tmëtuntë, pyatuuntëp ja Wintsën ja y'ënä'ämën ets ka'ap tii poky tmëët'atë.

Ezequiel 37:24

Yë ntuunpës David, yë'ë nëjkx yajkutuky ma yë'ëjëtyën ets yë'ëjëty nëjkxëpës xymyëmëtowtë ets nëjkx tkuuytyuntë ja n'ënä'ämënës ntëyajtënës.

Salmos 105:45

jëtu'un tmëët'atëty ja wintsë'kën ets tpatuntëty ja ënä'äm tëyajtën, mëti'ipë ja Tios ënäty të tyuk'ijxpëkëtën. Tukxoontä'äky yë Tios yë xyëëw nyaxëty.

Levitico 18:5

Yë'ë patuntë ëjts yë n'aaw n'ayukës ets n'ënä'ämënës ntëyajtënës, pën jëtu'un tyuunpy, nëjkxëp oy tsuj jyuuky'äty. Ëjts jëtu'un Wintsën.

Levitico 19:19

Yë'ë jëtu'un patun ëjts yë n'ënä'ämën ntëyajtënës. Këtii yë mtsajpkaa xyajnäymyukëtëty mëët yë wiink jëyujk. Këtii kanaakpëky winë xynyi'ipëty ma mkam mtu'ujën. Këtii näjyëtu'un yë mwit xypyëjkta'akëty mëti'ipë kanaakwit mëët xyuyëtyën.