Levitico 18:30 - Biblia Mixe de Quetzaltepec

³⁰ Paaty yë'ë jëtu'un patuntë yë n'aaw n'ayukës, këtiipë näjyëtu'un m'ëtëtstëpëty tä tääpë ja'ayëty y'ëtëtstën, mëti'ipë jam tsënaaytyën ma ënäty miitsëty ka'ap mja'tënëm. Këtii yë'ë mnätyukyaj'ëxëëkëtëty. Ëjts jëtu'un Wintsën, mëti'ipë miitsëty mTiosajtëpën.

Levitico 18:30 ပူးပေါင်းရင်းမြစ်များ

Levitico 20:23

Këtii jëtu'un winë xytyuuntëpëty, tä ja ja'ayëty winë tuntën, mëti'ipës yam n'ëxwopäänpyën ma ja nyaax kyajpnëtyën mijts mwintuuyëty. Jä'ä ko yë'ëjëty aakyë'ë jëtu'un tyuuntëp, mëti'ipës n'ëtujkpyën, paatykyëjxm ka'ap n'ëkupëjknëtës.

Levitico 22:9

Ënëëmëtë ets tpatuntëty ja n'aaw n'ayukës. Këtiipë tii poky tsëëmë'ëktëty, mëët ko tkumëtoownaxtë. Këtiipë y'ooktëty. Jä'ä ko ëjts Wintsën, mëti'ipë yë'ëjëty të yajwa'atsëtën.

Deuteronomio 11:1

Tsoktë jawëtë yë mWintsënëty ets patuntë yë y'ënä'ämën tyiyajtën, yë y'aaw y'ayuk ets kyutujkën.

Levitico 18:29

Pën ja ëxëëkpë tyuunpy, kopkpëky ko nëjkx yajjo'otsy ma ja myëkunaax myëkukajpnën.

Levitico 19:1

Ënät ja Tios ojts tmëkäjpxy ja Moisés ets t'ënëmaay:

Deuteronomio 12:31

E miitsëty këtii jëtu'un winë xytyuntëty ma mWintsën Tiosëtyën, tä yë'ëjëty y'ëtë'ëtstën. Jä'ä ko yë'ëjëty aakjëtu'un winë tuntë tä yë Wintsën t'ëxëëk'ixyën. Yë'ëjëty ëxëëk y'ëtë'ëtstë y'ëna'antë ko yë tyiosëty tmëjjawëtë; yajknëtëp ja y'u'unk y'ëna'këty ko ja wyintsënëty ja wyintsë'kën tmo'oja'antë.

Jueces 20:6

E koos ooky ja to'oxytyëjk ojts ntuk'ijxpety, ënätës ja nyini'kx të ntsujktakë, tääts të nkäjxwa'kxta'ayës kajpn'apëtsëmy mapaat yë Israel ja'ayëty tsyëënëtën ets nijawëtëty ni'ëmukë mëti'ipë ya'atë ja'ayëty mëj këjää të tuuntëkoytyën.

1 Reyes 14:24

Näyjyëtu'un ja ja'ayëty kë'ëm ijty ja jyot nyini'kx tyajknëtë tukwintsë'ëkëtë ja tyiosëty ets jëna'ajëty yi'iyë tyimniye'eymujkëtyëp, tuunëtë tkajpxnëtë ja ëxëëkpë ets ja tëkatsypë ja jot winma'any, näjyëtu'un tä ja mëti'ipë ijty ja wiink naax wiink kajpn tyuuntëp kyajpxtëpën, mëti'ipë ja Wintsën të t'ëxwojpta'ayën ma ja Israel ja'ayëtyën.

1 Reyes 21:26

Ka'ap mëtëy tii t'ëktuunë, je'eyë të twinkoxtënaaynyë ja awinax ets ja tsaapotsy ka'apë jyuukyëtyën, jëtu'un tä ijty yë Amor ja'ayëty y'ëtë'ëtstën, mëti'ipë yë Wintsën y'ixkäjxtaayën ma ja Israel ja'ayëty jam nyajxtën.

Esdras 9:1

Ko ya'atë y'ëkkëjxy y'ëknajxy, ënät ojts ja mëjja'aytyëjk xynyimintës ets xy'ënëmaaytyës: Yë Israel ja'ayëty ets näjyëtu'un yë teetytyëjkëty ets Leví ja'ayëty je'eyëm yowë mëët ye'eymyuk nyajxmuktë yë Canaán ja'ayëty, Hit ja'ayëty, Ferez ja'ayëty, Jebús ja'ayëty, Amón ja'ayëty, Moab ja'ayëty, Egiptë ja'ayëty ets Amor ja'ayëty, jya'ijxtëp ko tääpë ja'ayëty ka'ap oy nyëëye'ey tyu'uye'eytyë.