Levitico 18:3 - Biblia Mixe de Quetzaltepec

³ Këtii jëtu'un winë xytyuntëty tä yë Egiptë ja'ayëtyën, ja kajpn ma ojts miitsëty mjuuky'atën. Këtii näjyëtu'un winë xytyuntëty tä yë ja'ayëtyën mëti'ipë jam tsënaaytyëpën Canaán, ma ja naax kajpnën ma miits nwoownëjkxa'antën; ni yë'ë xykyapatuunëtëty mëti'ipë yë'ëjëty y'ënä'ämën'ajtëpën.

Levitico 18:3 ပူးပေါင်းရင်းမြစ်များ

Levitico 20:23

Këtii jëtu'un winë xytyuuntëpëty, tä ja ja'ayëty winë tuntën, mëti'ipës yam n'ëxwopäänpyën ma ja nyaax kyajpnëtyën mijts mwintuuyëty. Jä'ä ko yë'ëjëty aakyë'ë jëtu'un tyuuntëp, mëti'ipës n'ëtujkpyën, paatykyëjxm ka'ap n'ëkupëjknëtës.

Éxodo 23:24

Këtii näjyëtu'un winë ëxëëkjaty xytyunëty ijxtëm yë'ëjëty y'ëtë'ëtstën y'ëna'antën. Këtii xywyinkoxtänëty mëti'ipë yë'ëjëty tyios'ajtëpën ets ni xykya'ëwtatëty, ni'ikyë mëpaat xytyukwop xytyukka'atsë yë nyaaxpotsyëty mëti'ipë y'ëwtajtëpën.

Ezequiel 23:8

Jëtu'un jap tyimtso'ontäky Egiptë ja jyot nyini'kx tmo'oy oypyënëty ets ka'ap jëtu'unpë tuunk t'ëxmajtsy. Ma y'ëna'k'ajtyën may ja ye'etyëjk ojts myëëtko'knëty ets tyajtëkooy ja y'akiixyajtën ets y'awinpijty to'oxykyujeny.

Romanos 12:2

Këtii m'ëkjuuky'ajnëtëty ijxtëm ja ja'ayëtyën mëti'ipë ja naaxwiinyëtë winma'any yajtuuntëpën, yajtëkatstë ja mwinma'anyëty ets ja mjuukyajtënëty, jëtu'un xynyijawëtëty mëti'ipë ja Tios tsyojkpyën, mëti'ipë oyën, mëti'ipë y'oyjya'apën ets mëti'ipë mëtëyën.

Salmos 106:35

Ni'ikyë ojts mëët nyäxyëpiinënëtë ja ja'ayëty ka'apë ja Tios t'ëwtatën, ets ojts tyukjajtënëtë ja y'ëxëëktu'un y'ëxëëk kajpxënëty;

Deuteronomio 12:4

Jä'ä ko yë Wintsën mëti'ipë Tios'ajtpën, ka'ap jyëtu'unëty yaj'ëwtaty.

Deuteronomio 9:4

Ko ënäty ja Wintsën të tyajjëwa'kta'ay ja ja'ay, mëti'ipë jam tsënaaytyëpën, këtii nëjkx m'ëna'antë: Tioskujuuyëp mëët ya'atë mëjnäkyumayë, ma ya'atë Wintsën të xymyo'oyëmën yë naax kam. Jä'ä ko pën yë Wintsën y'ëxwojptääpy tääpë yë naax kajpn, yë'ëkyëjxm jëtu'un tuny, ko ja nyëë pyokyëty mëj këjää oy të wyinku'ujtnë jam Tios wintum.

2 Reyes 17:8

jëtu'un ojts winë tuunëtë tä ja naax kajpn ja jyot wyinma'anyëtyën ets ja tyu'unën kyajpxënëtyën mëti'ipë ënäty ja Wintsën të t'ëxwojpta'ayën ma yë'ëjëtyën; jëtu'un tä ënäty myinyën kuja'ay kukeetsy ma ja ënä'ämën kutujkënën mëti'ipë ja yajkutujkpë ja'ayëty yajwë'ëmtën.

Deuteronomio 29:17

ma tääpë kajpnëtyën tëë kë'ëm ntimy'ijxëmë mëti'ipë ka'ap tyiosëtyën, mëti'ipë tyijtëpën yë'ëjëty wintsën ets ka'ap wyintsënëty, tä yë tsaatsetsyën kepy tsyetsyën, ëkë mëti'ipë oytyunyën mëët yë pu'ts pujxn poop pujxn ets ënät t'ëwtatë.