Levitico 18:27 - Biblia Mixe de Quetzaltepec

²⁷ Jëtu'un ojts wiinkjaty winë tuntë yë ja'ayëty, mëti'ipë tsënaaytyën ma tääpë naax kajpnëtyën, ma ënäty miitsëty ka'ap jam mja'tënëm.

Levitico 18:27 ပူးပေါင်းရင်းမြစ်များ

Ezequiel 22:11

Tam mëti'ipë jyiiky myëku'uk myëëtko'knääyëpën ja tyo'oxytyëjk ets tam mëti'ipë ja'ay myëëtko'knaaynyëpën yë myaank yë tyo'oxytyëjk ets t'atsip'ajnë yë'ëpaat yë kyu'uty to'oxytyëjkpë.

Ezequiel 16:50

Amëj akëjxm ojts jyä'äy'ajnëtë ets tuunëtë ëxëëkpës n'ixyën; paatykyëjxmës të nyajkutëkoy tä të xy'ixyën.

2 Crónicas 36:14

Näyjyëtu'un ja Judá ja'ayëty ets ja teetytyëjkëty, ojts ja jyot wyinma'any tyajtëkooynyëtë ets ka'ap ja Wintsën ojts t'ëkmëj'ijxnëtë; jëtu'un winë tuunëtë tä ja ja'ayëtyën mëti'ipë ka'ap ja Wintsën t'ixy'atën ets ka'ap t'ëkwitsë'kënëtë ja Wintsën ja jyëën tyëjk, mëti'ipë ënäty ja Wintsën të tnikäjpxyën ko yë'ë tëjk'ata'any mëti'ipë jam Jerusalén yajpatpën.

2 Reyes 21:2

Je'eyëp ko ja tyu'unën kyajpxën ka'ap ja Wintsën ojts oy t'ixy, jä'ä ko näjyëtu'un winë tuuny ëxëëkjaty tä ja kajpnëtyën mëti'ipë ënäty ja Wintsën të t'ëxwopyën ko ja Israel ja'ayëty jam jyajtë:

2 Reyes 16:3

jëtu'un ojts winë ëxëëkjaty tuny tä ja wiinkëtypë yajkutujkpëtëjk y'ëtëtstën, ni'ikyë ojts tu'uk ja myaank tkë'ëyajknë ets wyintsë'kën'atëty, ëxëëkjaty winë tuuny tä ja naax kajpnën mëti'ipë ja Wintsën yajkutëkooyën ko ja Israel ja'ayëty jam jyajtë.

1 Reyes 14:24

Näyjyëtu'un ja ja'ayëty kë'ëm ijty ja jyot nyini'kx tyajknëtë tukwintsë'ëkëtë ja tyiosëty ets jëna'ajëty yi'iyë tyimniye'eymujkëtyëp, tuunëtë tkajpxnëtë ja ëxëëkpë ets ja tëkatsypë ja jot winma'any, näjyëtu'un tä ja mëti'ipë ijty ja wiink naax wiink kajpn tyuuntëp kyajpxtëpën, mëti'ipë ja Wintsën të t'ëxwojpta'ayën ma ja Israel ja'ayëtyën.

Deuteronomio 27:15

Poky yë ja'ay wyë'ëmëty mëti'ipë yajkojpyën yë awinax, ja awinax mëti'ipë pujxn mëët y'oytyunyëtyën ets ja ja'ay mëti'ipë tyuunk'ajtypyën janty'oy ja ijxën tmo'ojëty ets ënät tpëjkta'akëty muum yu'utsytyuuy. Yë jëtu'unpë y'ëxëëk'ijxyp yë Wintsën. Ënät ja ja'ay y'ëtsowtëty: Oy, jëtu'un'atëp.

Deuteronomio 25:16

Jä'ä ko yë Wintsën y'ëxëëk'ijxyp, ko tii oy kyayajtuny.

Deuteronomio 23:18

Këtii xykyupëktëty ets jap ma ja Wintsën ja tsyajptëjkën pën tkëpätëty ja y'ayajk y'ako'onën ëkë ja wyaantakën mëët ja meeny mëti'ipë ënäty jam pyätypyën ma ja jyot nyini'kx tookyën. Jä'ä ko tääpë tu'unën kajpxën y'ëxëëk'ijxyp yë Wintsën.

Deuteronomio 20:18

Këtiipë mtukjatëtëty ja ëxëëktu'un ëxëëkajpxën ma ja wyintsën tmëjjaw tjaantyjyawëtën ets ja mWintsën xymyëtëkooynyëtëty.

Levitico 18:24

Nitii mëpaat mëët mkanätyukyaj'ëxëëkëty, mëti'ipë të yajnikäjpxyën, jä'ä ko yë'ë jëtu'un mëët nyätyuk'ëxëëktunëtë yë naax kajpn mëti'ipës n'ëxkaxantëpën ma miitsëtyën.

Oseas 9:10

Jëtu'un yë Wintsën y'ënä'äny: Koos mpaty yë Israel, jëtu'unës jotkujk näjya'awëy tä ja'ay tpaatyën yë tsatsym jam të'ëts'itjotm. Yë m'ap m'okëty jëtu'unës n'ijxy tä yë higos tsojk tsyaamë'ëkyën. E ko jam jyajtë Baal-peor wiink tios ojts nyätyukmëkënu'kxëtë ets ojts tuntë winë ëxëëk tä y'ëxëkëtyën yë y'awinaxëty mëti'ipë ënäty tsyojkën'ajtëpën.

Levitico 18:26

E miitsëty Israel ja'ayëty ets jaaypyaat jaaypyo'kxyëty mëti'ipë tsënaaytyëpën ma miitsëtyën, patuntë jëtu'un yë n'aaw n'ayukës ets n'ënä'ämënës ntëyajtënës, këtiipë xytyuntëty mëti'ipë ka'ap y'oyëtyën.

Levitico 18:28

Ka'ap mëpaat ëxëëk mjatë mkëpätë, jëtu'un tä tääpë ja'ayëty jyajtën kyëpäjtën, ma ënäty miitsëty ka'ap jam mja'tënëm.