Levitico 18:26 - Biblia Mixe de Quetzaltepec

²⁶ E miitsëty Israel ja'ayëty ets jaaypyaat jaaypyo'kxyëty mëti'ipë tsënaaytyëpën ma miitsëtyën, patuntë jëtu'un yë n'aaw n'ayukës ets n'ënä'ämënës ntëyajtënës, këtiipë xytyuntëty mëti'ipë ka'ap y'oyëtyën.

Levitico 18:26 ပူးပေါင်းရင်းမြစ်များ

Levitico 18:5

Yë'ë patuntë ëjts yë n'aaw n'ayukës ets n'ënä'ämënës ntëyajtënës, pën jëtu'un tyuunpy, nëjkxëp oy tsuj jyuuky'äty. Ëjts jëtu'un Wintsën.

Juan 15:14

Miits jëtu'un nmëku'ukja'awëtyëp, pën mtuuntëp mëti'ipë ntuk'ënä'ämtëpën.

Juan 14:15

Pën xytsyojktëpës miits, mpatuntëp ja n'ënä'ämënës.

Lucas 11:28

Tääts ja Jesús y'ëtsooy: Yë'ë wäänëni'ik akujk jotkujk yajpatp mëti'ipë ja Tios ja y'aaw y'ayuk myëtoow'ijtëpën ets tpatuntë.

Lucas 8:15

Ja tëëmt mëti'ipë ojts kyä'äyën jë'kxynyaaxjoty, jëtu'un yë'ë ijxtëm ja ja'ayën mëti'ipë ja Tios ja y'aaw y'ayuk y'amëtoow'ijtëpën ëmuumtu'ukjot ets tpatuntë, jëtu'unts ja jyuukyajtën tyajtu'uye'eytyë ijxtëm ja Tios tyukmëtsokëtën.

Deuteronomio 12:32

Tiits miitsëty yë'ë xëmë mtuntëp mëti'ipë të ntuk'ënä'ämtën, këtii nitu'uk xyajni'ikëtëty ets nitu'uk xykyajëpëktëty.

Deuteronomio 4:40

Kuuytyuntë ja y'ënä'ämën tyiyajtën mëti'ipë tyam ya'atë xëëw nmooytyëpën, jëtu'un'äämpy oy mjuuky'atëty ets ja m'u'unk m'ëna'këty, jam ma ja itjotmën mëti'ipë ja Tios mo'ojanëtëpën, nëjkxëp jam jeky mjuuky'atë.

Levitico 18:30

Paaty yë'ë jëtu'un patuntë yë n'aaw n'ayukës, këtiipë näjyëtu'un m'ëtëtstëpëty tä tääpë ja'ayëty y'ëtëtstën, mëti'ipë jam tsënaaytyën ma ënäty miitsëty ka'ap mja'tënëm. Këtii yë'ë mnätyukyaj'ëxëëkëtëty. Ëjts jëtu'un Wintsën, mëti'ipë miitsëty mTiosajtëpën.

Levitico 17:10

Ëjts ëxëëkës n'ixa'any ko tu'uk yë Israel ja'ay ëkë jaaypyo'kxyjyä'äy, mëti'ipë tsënääpyën ma miitsëtyën, tjë'kxëty yë ne'pny, wä'än twi'ixtsowëty. Yë'ë kopkpëkyës ko nyaj'ookëty ma ja nyaax kyajpnën.

Levitico 17:8

Ënëëmë näjyëtu'un, ko wä'än yë'ëjëty yë Israel ja'ayëty ëkë wä'än yë'ëjëty jaaypyaat jaaypyo'kxy mëti'ipë yajpatëpën ma miitsëtyën, ko tii wintsë'kën tyaktëty nino'oky nixämy,

Levitico 18:25

Näyjyëtu'un yë nyaax kyajpnëty ojts y'ëxëëkë, e kajtsës ojts jëtu'unyë nyajninaxy, ojtsës ntukukëpety ja y'ëxëëk'ajtënëty ets ojts ja kajpn tukwa'ats wyi'imy. Ja mëti'ipë ënäty jap tsënaaytyëpën ojts y'o'kta'atë.

Levitico 18:27

Jëtu'un ojts wiinkjaty winë tuntë yë ja'ayëty, mëti'ipë tsënaaytyën ma tääpë naax kajpnëtyën, ma ënäty miitsëty ka'ap jam mja'tënëm.

1 Reyes 14:24

Näyjyëtu'un ja ja'ayëty kë'ëm ijty ja jyot nyini'kx tyajknëtë tukwintsë'ëkëtë ja tyiosëty ets jëna'ajëty yi'iyë tyimniye'eymujkëtyëp, tuunëtë tkajpxnëtë ja ëxëëkpë ets ja tëkatsypë ja jot winma'any, näjyëtu'un tä ja mëti'ipë ijty ja wiink naax wiink kajpn tyuuntëp kyajpxtëpën, mëti'ipë ja Wintsën të t'ëxwojpta'ayën ma ja Israel ja'ayëtyën.