Levitico 18:25 - Biblia Mixe de Quetzaltepec

²⁵ Näyjyëtu'un yë nyaax kyajpnëty ojts y'ëxëëkë, e kajtsës ojts jëtu'unyë nyajninaxy, ojtsës ntukukëpety ja y'ëxëëk'ajtënëty ets ojts ja kajpn tukwa'ats wyi'imy. Ja mëti'ipë ënäty jap tsënaaytyëpën ojts y'o'kta'atë.

Levitico 18:25 ပူးပေါင်းရင်းမြစ်များ

Levitico 18:28

Ka'ap mëpaat ëxëëk mjatë mkëpätë, jëtu'un tä tääpë ja'ayëty jyajtën kyëpäjtën, ma ënäty miitsëty ka'ap jam mja'tënëm.

Jeremias 2:7

Ëjts ojts yaa miitsëty nyajmintë ma jyi'kxynyaaxjotëtyën ets xyjyë'kxtëty xypyëktëty ja aaytyëëm ujtstëëm, aakyë'ë oyjyätyëtypë mëti'ipë yaa pëtsëëmpën kamjoty tu'ujoty. E miitsëty ojts mintë ets xyaj'ëxë'këtyë ja nnaaxës, je'eyës ojts njot kyu'kxpëky maas ja nkajpnën.

Jeremias 9:9

¿Ets ënät ka'ap ntëytyuntëtyësë? ¿Këtii ënät ntukukëpätëtyës yë nyëë pyokyëty ijxtëm të y'ëtë'ëtstënë? Ëjts Wintsën, ëjts ënaanp.

Salmos 106:38

Ojts nanëkoo tyaj'o'knëtë mëti'ipë ënäty ka'ap tii poky tmëëtëtyën, ja jyot nye'pynyëty ja nyëëxëty ets ja myaankëty, ojts tukwintsë'kënëtë ja ka'apë tiosëtyën, jampë Canaán yajpaatyën. Jëtu'un'äämpy ja naaxwiinyëtë ojts tyaj'ëxëëkëtë mëët ja jot ne'pny.

Oseas 2:13

Jënaak xëëw jënaak jëmëjt yë poom të tukwintoy të tukwino'oktën yë y'awinaxëty jëtu'un xëëw jëtu'un jëmëjtës näjyëtu'un ntëytyuna'antë, ko ijty tmëjjawë yë y'awinax pyëjktäkpy yë kyë'ëjiits yë nyantsëm ets tpanëjkxy ja y'atsoky ye'etyëjk etsës xy'ijxtëkooy xyjyä'äytyëkooynyës. Ëjts Wintsën, ëjts jëtu'un ënaanpës.

Jeremias 23:2

Yë Wintsën mëti'ipë yë Israel ja'ayëty Tyios'ajtëpën, jëtu'un t'ënëëmë yë kupixyny këwent'ajtpë mëti'ipë y'ënä'ämtëpën ja nyaax kyajpn: Miitsëty jëtu'unës yë nnaax nkajpn të xytyuunëtë tä ja'ay ni'ikyë twojpwä'kxyën yë kupixyny ets ni'ikyë të tyajke'eky, ka'ap të tkëwent'aty. E kajts wyi'ixëty ëjts ntukumëtowäämpyës yam ja tyëko'oyënëty. Ëjts Wintsën, ëjts ënaanp.

Jeremias 16:18

Jëyëjp nëjkx ntukumëtoyës ja pyokyëty, mäjtsk oknipety nëjkx ntukumëtoyës ja tyëko'oyënëty mëët yë'ë ko të t'ëxëëktuntë ja it naaxwiinyëtë mëët ja y'awinaxëty ëxëëkpës n'ixyën ets ka'ap të twintsë'ëkëtë ja it naaxwiinyëtë mëti'ipës ojts njatukumaytyën.

Jeremias 14:10

Jëtu'un yë Wintsën tnikäjpxy yë Israel kajpn: Ya'atë naax kajpn yi'iyë tyäty tsyojkpy ets nyaxëty tyëkëty oymyaajëty. Paaty ka'ap n'oyjyawës. Tyam nyëë pyoky yam Nja'amyätsäämpyës etsës nyajtëwa'any wi'ixtsow ko je'eyë pyokytyuny.

Jeremias 5:29

¿Ets ënät ka'ap tkumëtowtëty mëët ijxtëm y'ëtë'ëtstënë? ¿Ets ënät ka'ap ntëytyuntëtyës ijxtëm jyä'äy'atënë? Ëjts Wintsën, ëjts ënaanp.

Jeremias 5:9

¿Ets ënät pën y'ënaanpëty ko ka'apës ntëytyuna'anyë? ¿Ets ënät n'ënaanpëtyës ko ka'ap ntukëpätëtyës ja nyëë pyokyë?

Isaías 26:21

Jä'ä ko ja Wintsën jap pyëtsëma'any ma yajkutukyën ets tpaye'eyä'äny ja nëë poky ma ja naaxwiinyëtë ja'ayëtyën; ja naaxwiinyëtë ka'ap tjëkyepy tkuyu'utsëty ja y'o'kpë, kopkpëky nyitë'kxa'any pën ënäty të y'ookyën.

Deuteronomio 18:12

Jä'ä ko yë Wintsën ëxëëk yë jëtu'unpë t'ixy. E pën yë Wintsën y'ëxwojptääpy yë ja'ay ma ja nyaax kyajpnën, yë'ëkyëjxm t'ëxwojpta'aja'any ko ja ëxëëktu'un ëxëëkajpxën tyajtu'uye'eytyë.

Romanos 8:22

Nnija'awëm ko tu'kë'ëyë mëti'ipë ja Tios y'oytyuunën, ëyoow jotëkooytyëp jä'äjëty tyam ijxtëm tu'uk ja to'oxytyëjkën mëti'ipë u'unkpaataanpën.

Oseas 9:9

Ko ëxajë mjëtitë mëët yë wit meeny jä'ä të mnätyuk'ëxëëktunëtë, tä ojts jyäty kyëpetyën jam Guibeá. E yë Wintsën jyä'ämyätsäämpy yë m'ëxëëktu'un m'ëxëëk kajpxënëty ets mtuktëytyunanëtëp yë mnëë mpokyëty.

Isaías 24:5

Jä'ä ko ja ja'ayëty tëë tyaj'ëxëëkëtë ja naaxwiinyëtë, ka'ap të tpatuntë ja ënä'ämën tëyajtën ijxtëm jyapaatyën, tëë tkumëtoownaxtë ja ënä'ämën tëyajtën ets ka'ap të tuntë ijxtëm ojts tnikajpxtën.

Salmos 89:32

Kopkpëky ko nëjkx ntukumëtowtës ja y'ëxëëktu'un y'ëxëëk kajpxënëty mëët ja näywyop näkya'atsë.

Deuteronomio 9:5

E paaty ka'ap yë'ëkyëjxmëty ko miitsëty oy mja'ay'atë ets ko mëtowtë myajmo'otë ja kuma'ayën; yë Wintsën paaty t'ëxwojpta'ay tääpë ja'ay jä'äkyëjxm ko ja tyu'unën kyajpxënëty ka'ap myëtëyëty ets näjyëtu'un mëët ko tniwa'aka'any ja y'ayuk, mëti'ipë tyukwinwa'anëyën ja Abraham, Isaac ets Jacob, miits ja m'ap m'okëty.

Oseas 8:13

Yi'iyë tsyojkën'ajtëp yë wintsë'kën ets tyaktë yë wintsë'kën ets tsu'utstë yë tsu'utsy mëti'ipë të tukwintsë'ëkëtën ja y'awinaxëty; e ëjts Wintsën ka'apës jotkujk näjyawëty: Nja'amyätsäämpyës yë y'ëxëëktu'un y'ëxëëk kajpxënëty ets ntuktëytyunäämpyës yë nyëë pyokyëty, nyajwinpitäämpyës jap jatëkok Egiptë.

Levitico 18:26

E miitsëty Israel ja'ayëty ets jaaypyaat jaaypyo'kxyëty mëti'ipë tsënaaytyëpën ma miitsëtyën, patuntë jëtu'un yë n'aaw n'ayukës ets n'ënä'ämënës ntëyajtënës, këtiipë xytyuntëty mëti'ipë ka'ap y'oyëtyën.

Deuteronomio 21:23

Yë jyot nyini'kx ka'ap mëpaat wyi'imy tu'ktsuupaat këxtëy ma ënäty të y'ookyën, ënätyë xyajnaaxtëkëtëty ko ënäty të tsyu'ujënyë jä'ä xëëw. Jä'ä ko yë Wintsën mëti'ipë mTiosajtëpën pyojkpy yë ja'ay mëti'ipë kutëy o'kpën kepykyijxy, miitsëty ka'ap mëpaat nëkoo ja it naaxwiinyëtë xyaj'ëxëëkëtë mëti'ipë ja mWintsën mo'ojanëtëpën ets xyjyä'ä'atëty.

1 Reyes 21:26

Ka'ap mëtëy tii t'ëktuunë, je'eyë të twinkoxtënaaynyë ja awinax ets ja tsaapotsy ka'apë jyuukyëtyën, jëtu'un tä ijty yë Amor ja'ayëty y'ëtë'ëtstën, mëti'ipë yë Wintsën y'ixkäjxtaayën ma ja Israel ja'ayëty jam nyajxtën.

Esdras 9:11

mëti'ipë ojts xyjyatuk'ëne'emyën ja mkäjpxynyajxpëtëjk. Ojts xyjyatuk'ëwaanëtës, ko ja naax kajpn ma ënäty ëëts ntëkëja'antën ëxëëk ja yajpaaty ets aak toon aak mä'tstëp yë ja'ay, ko aakjä'ä ja ëxëëkpë tyuunk'ajtëp.