Levitico 18:18 - Biblia Mixe de Quetzaltepec

¹⁸ Këtii xymyëëtsëënëty ja mto'oxytyëjk ja myëkä'äx mëti'ipë to'oxytyëjkën ets ijxkëm xymyëëtko'knääpyë, pën juuky'ajtpnën yë mto'oxytyëjk, këtiipë nyämyëtsiptsoonëtëty.

Levitico 18:18 ပူးပေါင်းရင်းမြစ်များ

Malaquías 2:15

¿Ti këtii yë'ëjëty yë Tios të tyajkojy yë jot nini'kx ets jot ja'awënë? ¿E këtii yë'ëjëty yë Tios tsoky tjawë ets ja'ay yë y'u'unk y'ok tmëët'atëty mëti'ipë mëjjaw kënu'kxyjyawëtëpënë? Kë'ëm xykyëwent'atëty yë mjot mmëjaawëty ets këtii xytyukxi'iktëty ja m'ayukëty mëti'ipë ojts xytyukwinwanëtën ja to'oxytyëjk mëti'ipë mpëjktën m'uktën ko mpi'k ëna'k'ajtë.

Génesis 30:15

E yë Lea tyaa y'ëtsooy: ¿Mijts ka'ap xy'ëkim mëjpëjktä'äky koos ojts ja niye'etyëjk xypyëjkë? E tyam xypyëjkëjaanpës ënät näjyëtu'un ya'atë ujtstëëm mëti'ipë yë nmaankës të tmëja'tyënë. Ënät ojts yë Raquel y'ënä'äny: Mëëtkyëjxm yë mmaank yë y'ujtstëëm, mijts ënät ya'atë tsu'um mëët yë Jacob ma'ajëty.

Génesis 29:28

Tä tkupëjky yë Jacob, ko ojts ja xyëëw tyajkä'pxy mëët ja Lea, ënät ja Labán myooyë näjyëtu'un ja Raquel ets to'oxytyëjk'atëty.

Génesis 4:19

Yë Lámec mäjtsk ojts yë tyo'oxytyëjk tmëëtsëënë. Tu'uk jä'ä xyëëwajtyp Ada, e ja mëmäjtskpë jä'ä xyëëwajtyp Silá.

Éxodo 26:3

Mëkoxk nëjkx xy'axuuymyuky, yajxon xyajnäynyiwitsëtëty ets jatu'kpëky mëkoxk näjyëtu'un xy'axuuymyukëty,

Levitico 18:17

Këtii xymyëëtko'knëty yë to'oxytyëjk mëët yë nyëëx ets näjyëtu'un yë y'oknëëx mëti'ipë nyëëx'ajtypyën yë myaank, tääpë jëtu'unpë mëj këjää yë kyupoky, jä'ä ko yë'ëjëty tu'kja'ay yë'ëjëty.

Levitico 18:19

Këtii yë to'oxytyëjk xymyëëtko'knëty, pën yë'ë tukjënajkëp yë jyot myëjaaw ma u'unk maay tyajja'tyën naaxwiiny.