Levitico 17:4 - Biblia Mixe de Quetzaltepec

⁴ ets ka'ap jam tmënëjkxëty ma ja wit tëjkën ma ja näpyaatë y'ityën ets jeexyë yë'ë tukwintsë'ëkë. Pokytyuunp jëtu'un ënäty, mëët ko ja ne'pny temy tje'etsy, kopkpëky ko nëjkx yajjo'otsy ma ja myëkunaax myëkukajpnën.

Levitico 17:4 ပူးပေါင်းရင်းမြစ်များ

Génesis 17:14

Pën ka'ap ja ye'etyëjkajtën yajnitsujktu'uty, kopkpëky ko yajwijtspëtsëmëty ma miitsëtyën. Jä'ä ko ka'ap ënäty ja nkäjpxytyu'unënës të twinkutsë'ëkë.

Salmos 32:2

Xoontä'äky yë ja'ay yajpaaty mëti'ipë ka'ap nëkoo ëxëëkjaty myäy tyäjyën ets mëti'ipë ka'ap tjëkyepyën wi'ix yë Wintsën pyoky'ixëtëty.

Éxodo 12:15

Ja tsajpkääky mëti'ipë mkaytyëpën ka'ap tii tsooy tmëët'atëty ets wëxtujk xëëw y'itëty. Paaty ma ënäty më''ëka'any tsyo'ontä'äkyën ja mëtu'kxëëwpë, kamaa yë tsooy kyayajpaatëty ma ja mjëën mtëjkëtyën, e pën jëtu'un ja tsajpkääky kyääpy tsooymyëëtpë, ma ya'atë ja wëxtujk xëëwpë ënäty të yajpëjktä'äkyën, nëjkxëp yajjo'otsy ma ja Israel kajpnën.

Éxodo 12:19

Ka'ap mëpaat nitu'kjënu'un yë tsajpkääky tsyooy yajpaaty ma mjëën mtëjkëtyën, jëtu'un tyu'uye'eyëty ja xëëw po'o, koonëm wëxtujk xëëw kya'pxëty. Jä'ä ko pën ja tsajpkääky kyääpy tsooymyëët, nëjkxëp yajjo'otsy ma ja Israel ja nyaax kyajpnën, oy yë'ëjëty mëti'ipë Israel ja'ay'ajtpën ets oy tyimyë'ëjëty ja jaaypyaat jaaypyo'kxy.

Éxodo 30:33

Pën muum kë'ëmwinma'any yajkojpy yë on jëtu'unpë tä tyaapë y'ixëtyën, ëkë muum oypyënëty tukuja'axnëtëty; pën ënäty jëtu'un ëtëtspën, kopkpëky ko nëjkx yajjo'otsy ma ja myëkunaax myëkukajpnën.

Éxodo 30:38

Pën jëtu'unpë yë on yajkojpy tä tyaapën ets tyajxuuka'any tyajjoka'any kë'ëm, kopkpëky ko nëjkx yajjo'otsy ma ja myëkunaax myëkukajpnën.

Isaías 66:3

E tää yë ja'ay mëti'ipë tu'uk yë tsajpkaa yaj'o'kpyën, ets tu'uk näjyëtu'un ja'ay tyaj'ooky; ko tyaj'ooky tu'uk kupixyny, tu'uk uk tyo'kwiity; ko tyäky yë ujtspajk, näjyëtu'un tyäky yë ëtsëm ne'pny; nyo'ktëp xyaamtëp yë poom ets y'ëwtajtëp awinax. Mëti'ipë ja'ay jëtu'un ëtëtstëpën, oy nyäyjyawëtë ko jëtu'un y'ëtë'ëtstë.

Ezequiel 20:40

Tëkokyë yë Israel ja'ayëty jam nëjkx xy'ëwtatës maas yë wa'atspë nkopkën, jampë yajpaatyën nkajpnjotmës. Ëjts Wintsën ëjts ënaanp. Jamts jotkujk n'ëxajëtëty; jam n'amëtowa'antë yë ayajk ako'onën ets tmëmintëty mëti'ipë më''ëka'any yajpëtë'ktëpën ma nyaax kyamëtyën ets oy tyimtiijëty tiijës xytyukmëyoxantëp.

Levitico 1:3

Pën yë'ë tsajpkaa yakäämpy tä tu'uk yë wintsë'kënën, yë'ë yakëp yë oypyë mëkpë ets mëti'ipë kä'pxyën, jam tyaj'ookëty ma yajnitëkën yë wit tëjk ma näpyaatë y'ityën ets jam ja wintsë'kën tyakëty ets Wintsën tkupëkëty.

Levitico 17:10

Ëjts ëxëëkës n'ixa'any ko tu'uk yë Israel ja'ay ëkë jaaypyo'kxyjyä'äy, mëti'ipë tsënääpyën ma miitsëtyën, tjë'kxëty yë ne'pny, wä'än twi'ixtsowëty. Yë'ë kopkpëkyës ko nyaj'ookëty ma ja nyaax kyajpnën.

Levitico 17:14

Jä'äxë ko yë ne'pyny yë'ë jëtu'un yajjuuky'ajtp. Paaty miitsëty n'ënëëmëtë, ko këtii yë ne'pny xyjyë'kxtëty, jä'ä ko yë'ë juukyajtën'ajtp. E pëntsëtën jyi'kxyp kopkpëky ko y'ookëty.

Levitico 17:3

Pën yaj'o'kpy tu'uk yë tsajpkaa, tu'uk yë kupixyny ëkë tu'uk yë tsajppax naaxjoty kajpnjoty, ëkë jam muum kajpnpë'am,

Levitico 17:5

Ya'atë paatykyëjxm yajnikäjpxy ets Israel ja'ayëty tukwintsë'ëkëtëty ja Wintsën yë jëyujk mëti'ipë ënäty muum wintë'ëtstuuy yaj'o'ktëpën ets tukninëjkxtëty yë teety ma yajnitëkën ja wit tëjk ma näpyaatë y'ityën ets yë'ë tukwintsë'ëkëty yë Wintsën mëët yë'ëkyëxm ko ënäty tuna'antë ja nay'ëëw'oy näykyajpx'oyë.

Levitico 17:9

ets ka'ap tmënëjkxëty jam ma ja wit tëjkën ma ja näpyaatë y'ityën ets jeexyë yë'ë tukwintsë'ëkë, kopkpëky ko nëjkx yajjo'otsy ma ja myëkunaax myëkukajpnën.

Levitico 18:29

Pën ja ëxëëkpë tyuunpy, kopkpëky ko nëjkx yajjo'otsy ma ja myëkunaax myëkukajpnën.

Levitico 20:16

Pën tu'uk yë to'oxytyëjk myëët'ajtyp yë jëyujk tsajpkaa, jëtu'un tä jeexyë yë naaxwiinyëtë ja'ay tmëët'atyën. Kopkpëky ko nëjkx y'ooky ja to'oxytyëjk ets ja jëyujk mëti'ipë ënäty mëët jëtu'un të y'ëti'ityën ets kë'ëm jëtu'un ënäty nyätyunyë.

Levitico 20:18

Pën tu'uk yë naaxwiinyëtë ja'ay myëëtko'knääpy yë to'oxytyëjk, mëti'ipë tukjënajkëpën yë myëjaaw ma u'unk maay tyajmëxu'unk'atyën ets mëët y'ijtmuky. Yë'ë jëtu'un ënäty kyamëjpëjktäkpy ma ja to'oxytyëjk jëtu'un ja amay jotmay tmëëtëtyën ets näjyëtu'un ja to'oxytyëjk kë'ëm jëtu'un ënäty kyanämyëjpëjktä'äkyë. Paaty yë'ëjëty kopkpëky ko nëjkx yajjo'otstë ma ja myëkunaax myëkukajpnëtyën.

Levitico 20:3

Ëjts ntëytyunäämpyës ets nyaj'ookäämpyës tääpë ja'ay, mëët ko ënäty të t'ëxëëktuny ja n'ijtaknës ets ko ënäty ja nxëëwës ja wa'atspë të tjaamteeny të tnaaxteeny. Ko ja y'u'unk të tkë'ëyajkpë ma ja wiink tiosën mëti'ipë xyëëwajtypyën Moloc.

Levitico 3:2

Pën ja ayajk ako'onën yäjkpyën jam ja kyë'ë tkëxkonëty ma ja tsajpkaa ja kyëpajkën mëti'ipë ënäty ja Tios tyukwintsë'këpën ets jam tyo'kumëty ma ja wit tëjk yajnitëkën, ma ja Tios jap kyëtä'äkyën; ënät ja teetytyëjkëty jam txijkxjëtitëty ja tsajpkaa ne'pny ma ja wintsë'këntyakn ja pya'ajën.

Levitico 7:18

E pën jää tsyu'tsyp ja tsu'utsy ma tyëkëëkxëëwpetyën, ja nyitsu'uty ja jëyujk'ooky mëti'ipë të wyintsë'kën'atyën, ko ja nay'ëëw'oy näykyajpx'oyë y'ity. Ja wintsë'kën ka'ap nëjkx y'ëkyajkupëjknë ets ka'ap nëjkx tyuny, jä'ä ko ja nyitsu'uty nëjkxëp jää yaj'ëxtijnë. Pën ënäty ja jëtu'unpë tsyu'utyp, jä'ä jëtu'un ja poky tukëtakpäjta'ajëtëp.

Juan 10:7

Ënät ja Jesús ojts y'ënëmaaykyojënëtëpë: Tëy miits nëëmëtë, ëjts jëtu'un ijxtëm ja kemy aawën ma ja kupixyny nyaxtën.

Juan 10:9

Ëjts jëtu'un ijxtëm ja kemy aawën. Pën tëjkëp ma ëjtsën yë'ë nitso'okaanp. Jëtu'un nyaxa'any ijxtëm ja kupixyny tyëkëtën pyëtsëmtën ets jap jyi'kxypyaatë.

Juan 14:6

Ënät ja Jesús y'ëtsoowë: Ëjts jëtu'un tu'u'ajtp, ja tëyajtën ets ja juukyajtën. Ëjtskyëjxm je'eyë tjëkyepy pën jya'tëty ma ja Tios Teetyën.

Romanos 4:6

Näyjyëtu'un ja David ojts tnimëtyä'äky ko jotkujk ja ja'ay yajpaaty mëti'ipë ja Tios wa'ats yajnajxëpën ets ka'ap ja pyoky yajmëjpëjktä'äky.

Romanos 5:13

Naamka'anëm ënäty ja ënä'ämën yaa naaxwiiny, pokytyuunpëm ja ja'ay ijty; e oy ja ja'ay jyapokytyuuny, ka'ap ja wi'ix yaj'ixy jä'ä ko ka'anëm ënäty tii ja ënä'ämën.

Romanos 5:20

Ko ja ënä'ämën ojts kyëjääjë ënät ojts ja poky näjyëtu'un kyëjääjë; je'eyëp ko ja poky ojts kyëjääjë, wäänëni'ik ja Tios ojts ja y'oyjyot y'oywyinma'any kyëjääjë.

Deuteronomio 21:8

E paaty yam myajpëjktsoy Wintsën, pokymyä'kx yë naax kajpn, yë Israel kajpn, mëti'ipë të xyjyuutyën jam ëyo'ontum. Ets këtii yë'ë xypyoky'ixëty mëët ko ya'atë ja'ay të y'ooky, mëti'ipë ka'ap tii poky të tunyën. Jëtu'un'äämpy nëjkx ja Wintsën ja nëë poky tme'kxy mëët ma ya'atë ja'ay të y'ookyën.