Levitico 17:15 - Biblia Mixe de Quetzaltepec

¹⁵ Ko tu'uk yë Israel ja'ay ëkë jaaypyaat jaaypyo'kxy tsu'utsëty yë jëyujk, mëti'ipë najts'ookën, nëjkxëp yë wyit tpujy ets nëjkxëp kë'ëm nyäpyujy nyäjye'etsyë wa'ats ets ëxëëk jëtu'un wyë'ëmëty tyimkutsu'ujëty, oknëm wa'ats jatëkok wyë'ëmëty.

Levitico 17:15 ပူးပေါင်းရင်းမြစ်များ

Deuteronomio 14:21

Yë jëyujk najts'ookë këtii xytsyu'utstë. Wa'ats mnäyaj'itëtëty, jä'ä ko miitsëty yë'ë yë Wintsën mkajpn'ajtëtëp. Pën yajpatp yë jaaypyaat jaaypyo'kxy ma miitsëtyën, yë'ë jyëkyäjptëp tsu'utstëty, nän jyëkyejpy xytyukmëtooktëty ja jaaypyaat jaaypyo'kxy mëti'ipë tu'u'am'ajtëpën. Yë tsajppax u'unk tsu'utsy këtii xyajkëëwjëtitëty mëët yë tyaak yë tyi'tsk nëë.

Levitico 22:8

Ka'ap mëpaat tsu'utsy yë jëyujk tsajpkaa yë nyitsu'uty, mëti'ipë jëtu'unyë muum të y'ookyën, ëkë mëti'ipë yë jëyujk të yaj'ookyën. Këtiipë yë'ë mëët nyäyaj'ëxëëkëtëty. Ëjts jëtu'un Wintsën.

Éxodo 22:31

Miitsëty wa'ats mëpaat m'itë maas ëjtsën, këtii xytsyu'utstëty yë jëyujk, mëti'ipë muum ja jëyujk ëxëëk të tyunyën, ëkë të yaj'ookyën, yë'ë tëy mo'otëp yë uk, wä'än tsu'utsy.

Levitico 11:25

Pën tääpë jëyujk'ooky tyoompy, ëxëëk wyë'ëmëty, kopkpëky ko yë wyit tpujëty yajxon ets ëxëëk wyë'ëmëty jëtu'un kootspaat.

Apocalipsis 7:14

Ets n'ëtsooyës: Wintsën, mijts mnija'ap. Ets xynyëmaayës: Yë'ë mëti'ipë mëj ëyo'on të tyajnaxtën ets të pyokywya'atstën mëët ja nye'pyny ja Kupixyny U'unk.

Ezequiel 44:31

Yë teetytyëjkëty ka'ap nëjkx nijëna'a tsu'utstë yë jëyujk najts'ookë, ëkë mëti'ipë jëyujk të yaj'ookyën.

Ezequiel 4:14

Ënätës n'ëtsooy: Wintsën ëjts ka'apës nijëna'a jëtu'unpë ëxëëkpë një'kxy; ëjts ka'apës nijëna'a ntsu'uty yë jëyujk tok mëti'ipë kë'ëm o'kpën, ëkë mëti'ipë jëyujk yaj'o'këpën ets ka'apës nijëna'a ntsu'uty yë jëyujk ka'apë tsyu'utsyëtyën.

Levitico 15:5

Pën tyoompy ja it naaxwiinyëtë ma tääpë ja'ay të myä'äyën, nëjkxëp tpujy yë wyit ets tsyi'iwëty ets jä'ä nëjkx yajtijy ëxëëk.

Números 19:21

Ya'atë ënä'ämën xëmëkyëjxm y'itëty. Pën ënäty ja myëku'uk ja kënu'kxynyëë tyuknixijkxyp kopkpëky ko ja wyit tpujëty. Pën ja kënu'kxynyëë ënäty të tony ëxëëk nëjkx wyi'imy ets jëtu'un tyimkutsu'ujëty.

Números 19:19

Ja ja'ay mëti'ipë ënäty wa'ats yajpatpën, yë'ë mëpaat tuknixijkxy ja kënu'kxynyëë, ja mëti'ipë ëxëëk yajpatpën, ko kyomtëkëëk xëëwpätëty ets ko wyëxtujkxëëwpätëty. Kom wëxtujk xëëw tëë ënäty wa'ats wyi'imy. Ënät ja ja'ay wyit tpujëty mëti'ipë ënäty ëxëëk të yajpaatyën ets näjyëtu'un tsyi'iwëty xyëtsëty, ëxëëk jyaak wë'ëmëty jëtu'un kyutsu'ujëty.

Números 19:8

E ja ja'ay mëti'ipë ënäty ja tsajpkaato'oxy të tnino'okyën, nëjkxëp ja wyit tpujy ets tsyi'iwëty, mëët ja nëë mëti'ipë winë yajtukkënu'kxpën ets ëxëëk nëjkx wyi'imy tsuupaat Tios wintum.

Levitico 15:21

Pën jam najxp ma ënäty yë'ë të myä'äy të pyo'kxyën, kopkpëky ko wyit tpujëty ets kë'ëm nyäpyujëtëty wa'ats mëët yë nëë ets ëxëëk wyë'ëmëty tyimkutsu'ujëty jëtu'un.

Levitico 15:10

Pën tyoompy ma ënäty tääpë ja'ay të y'u'unyën, mëti'ipë tukjënajkëpën yë myëjaaw ma ye'etyëjk'ajtënën, ëxëëk wyë'ëmëty tsuupaat. Pën myënëjkxypyën ya'atë jëtu'unpë, nëjkxëp ja wyit twinpujy ets näjyëtu'un kë'ëm nyäpyujëtëty mëët yë nëë wa'ats ets ëxëëk nëjkx yajtijy tyimkutsu'ujëty jëtu'un.

Levitico 7:24

Yë nyi'on yë jëyujk mëti'ipë muum o'kpën, ëkë mëti'ipë muum yë kaa jëyujk majtsëtëpën, jyëkyäpëp oy tii xyajwa'antëty, je'eyëp ko këtii xytsyu'utstëty.

Levitico 11:40

Pën ja nyitsu'uty tsyu'tsëp ja jëyujk, mëti'ipë kë'ëm të y'ookyën, nëjkxëp tpujy ja wyit ets wyë'ëmëty ëxëëk tyimkootsëty jëtu'un. E pën näjyëtu'un jyu'tpëtsëëmpyën jutjoty ja jëyujk'ooky, ëxëëk näjyëtu'un nëjkx wyi'imy ets nëjkxëp tpujy ja wyit.

Éxodo 22:30

Näyjyëtu'un ja më''ëka'anypë tyajja'tyën ja y'u'unk myääy ja mtsajpkaato'oxy, ëkë mtsajppax mkupixyny nëjkx xymyo'oyës. Jyëkyäpëp je'eyë wëxtujk xëëwën myëët'atëtëty yë tyaak, e ma ënäty tuktujk xëëw y'apäjnë, jää xymyooynyëtyës.

Levitico 11:24

E miitsëty ëxëëk nëjkx mwë'ëmtë: Ko pën tonëty yë jëyujk'ooky, ets jëtu'un tyimkutsu'ujëty.

Levitico 11:27

Oymyëti'ipë jëyujkëty mëti'ipë taxk yë tyekyën, ko tyänë, yë'ë tyuktënääpy yë tyeky, jä'ä xytyijtëty ko ëxëëkjëyujk yë'ë. Pën jëtu'unpë ja jëjuyjk'ooky tyoompy ëxëëk wyë'ëmëty tu'kxëëwpaaty.

Levitico 11:28

Näyjyëtu'un pën muum yajpëtë'kpyën jëtu'unpë jëyujk'ooky, kopkpëky ko yë wyit tpujëty ets jëtu'un wyë'ëmëty ëxëëk koonëm kyootsëty, jä'ä ko miitsëty ëxëëk mëpaat tääpë jëyujk xytyijtë.

Levitico 11:31

Ma ja jëyujkëtyën, tyaapë ëxëëk xytyijtëty. Pën tyoompy jëtu'unpë jëyujk'ooky, kopkpëky ko ëxëëk wyë'ëmëty tu'kxëëwpaaty.

Levitico 11:32

Ja it naaxwiinyëtë ma ënäty jëtu'unpë ja jëyujk'ooky yajpaatyën, ëxëëk wyë'ëmëty: wä'än kyepykyijxyëty, wyitkëjxyëty, pyo'okëjxyëty, xya'këjxëty, ëkë oy tyuunpäjnkëjxmëty, jap mëpaat yaj'apëkë nëëjoty ets jëtu'un ëxëëk wyë'ëmëty koonëm kyootsëty, ko jëtu'un y'itëty, tääts jatëkok wa'ats wyë'ëmëty.

Levitico 11:39

Ko tu'uk yë mjëyujkëty y'ooktëty, mëti'ipë ënäty miitsëty mtsu'utsantëpën ets pën tonëty ja jëyujk'ooky, ëxëëk nëjkx wyi'imy ets tyimkootsëty jëtu'un.