Levitico 17:10 - Biblia Mixe de Quetzaltepec

¹⁰ Ëjts ëxëëkës n'ixa'any ko tu'uk yë Israel ja'ay ëkë jaaypyo'kxyjyä'äy, mëti'ipë tsënääpyën ma miitsëtyën, tjë'kxëty yë ne'pny, wä'än twi'ixtsowëty. Yë'ë kopkpëkyës ko nyaj'ookëty ma ja nyaax kyajpnën.

Levitico 17:10 ပူးပေါင်းရင်းမြစ်များ

Levitico 17:11

Jä'ä ko tëkokyë mëti'ipë juukyajtpën mëët yë'ëkyëjxmëtën jyuuky'äty ko ne'pny tmëëtëty, yë ne'pny tëë yë miitsëty nmo'otë ets yë'ë yë mjuukyajtënëty xytyukkuyaktëty jam ma wintsë'këntyaknën.

Deuteronomio 12:23

Yë'ë tëy yë nye'pyny këtii xyjyë'kxëtëty, jä'ä ko yë'ë juukyajtën'ajtp. Paatykyëjxm ka'ap mëpaat yë ne'pyny mëti'ipë juukyajtën'ajtpën xy'ajë'kxmuktë mëët yë nyitsu'utsy.

Deuteronomio 12:16

Yë tëy yë nye'pny këtii xyjyë'kxëtëty, mnitajtëp naaxkëjxy.

Levitico 3:17

Ya'atë ënä'ämën xëmëkyëjxm y'itëty ets u'unk ok yajpaatëty, oy jëtu'un maa mtimjyuuky'atëty, ka'ap mëpaat ja jëyujk on xyjyë'kxtë ets ni nye'pny mëpaat xykyajë'kxtë.

Jeremias 44:11

Paaty ëjts maas nWintsën'atyën, mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, ëjts ënaanp: Tëës ntuknipëjktaakë ko nyajmina'anyës yë ëyo'on jotmay ma miitsëtyën ets nyajkutëkoyä'änyës yë Judá ja'ayëty.

1 Samuel 14:33

E kajts ojts tyëkoy'äty ja ja'ay mëti'ipë ojts tnikäjpxyën ma ja Saulën. Tam ja ja'ay pyokytyuntë jä'ä ko tam ja tsu'utsy tsu'tsnëtë mëët ja nyine'pny. Paaty yë Saúl y'ënäny: Miitsëty ninu'un ja oypyë xykyatsoktë. Paaty, yajmëjkëpiptë yaa tu'uk yë mëjtsaa.

Levitico 26:17

Ëjts nmëtsipës n'awinpita'any mëët miitsëty, ja ja'ayëty mëti'ipë ënäty mëtsip'ajtëtëpën, ëxëëk nëjkx mtunëtë ets yë'ë nëjkx y'ënä'ämtë ma ja mnaax mkajpnëtyën, mëti'ipë ënäty m'ëxëëk'ijxëtëpën, jëtu'unyë mkä'äktëty mputëty, oy ënäty ni pën mkapapo'ojëtë.

Génesis 9:4

Yë'ë tëy ka'ap xyjyë'kxtëty yë ne'pny, tsu'utsy mëti'ipë ne'pnytyuk'ookën këtii yë xyjyë'kxtëty. Jä'ä ko yë ne'pny, yë'ë juukyajtën'ajtp.

Ezequiel 44:7

Miitsëty je'eyës yë ntsajptëjk xyaj'ëxëëkëtë ko jap xyajnaxtë jaaypyaat jaaypyo'kxy, ja ja'ay mëti'ipë ka'ap tmëët'atyën ja nkäjpxytyu'unënës ma jyot wyinma'anyën ets ma jyot nyini'kxën.

Ezequiel 15:7

Mëtsipës nänyikajpxa'anyë ma yë'ëjëtyën. Jyakukä'äktëp tu'kpëky ja jëën je'eyëp ko nän jëënjoty nëjkx kyukääkëtë. E koos ënäty ëjts nänyikäjpxyë mëtsip ma yë'ëjëtyën jäänëm nëjkx xy'ixkaptës ko ëjts Wintsënajtp.

Ezequiel 14:8

Tyamës mëët näy'ixëtëty tääpë ja'ay ets ntëytyunäämpyës yam mëti'ipë nëjkx ijxpät wyi'imyën, mëti'ipë nëjkx ja'ay tnimëtya'aktën etsës njo'otsa'any maas yë nnaax nkajpnën. Ets nëjkx miitsëty xynyijawëtë ko ëjts Wintsën.

Salmos 34:16

Yë Wintsën mëtsip nyäyajnaxyë ma ja'ayën mëti'ipë ëxëëk ëtëtstëp ënantëpën, ets jëtu'un tpo'otan tjo'otsanë yë xyëëw yaa naaxwiiny.

Deuteronomio 15:23

Yë'ë tëy yë nye'pny këtii yë xyjyë'kxëty, je'eyë xynyaaxnitajëty ëkë xy'ixtämëty tä nëëjën.

Levitico 19:26

Këtii nitii xytsyu'utsëty mëti'ipë ne'pnymyëëtën. Këtii xytyuunk'atëty yë nasja'awën, ëkë ma ja'ay tii t'akäjpxyën tii tunan jatanëp.

Ezequiel 33:25

Paaty mijts, jëtu'un xy'ënëëmëty: Jëtu'un yë Wintsën y'ënä'äny: Miitsëty mëët yë tsu'utsy yë nyine'pny xyjyë'kxëtë, wiink tios m'ëwtajtëp, myajja'ay o'ktëp, ¿m'ënantëp ënät miits xyjyä'ä'atëty yë naaxwiinyëtë mëti'ipë të myajtukwinwanëtën?

Jeremias 21:10

Jä'ä ko tëëjës ntuknipëjktaakë koos nyajmina'any yë ëyo'on jotmay ma ya'atë naax kajpnën, jëtu'un tä jeexyë oyajtën nyajminyënës. Ya'atë naax kajpn yë'ëjës ntukë'ëtëjkëp yë Babilonyë yajkutujkpë ets tyajtooytyëkoyëty. Ëjts Wintsën, ëjts ënaanp.

Hechos 15:20

Nikë oy ko ja noky nkäjxmëty ets ntuk'ëwa'anëmëty ko yi'iyë ka'ap ja jëyujk tsu'utstëty mëti'ipë ëxëëkën, mëti'ipë ja tsaamëxan të yajtukwintsë'ëkën; ets näjyëtu'un ka'ap tkupëktëty ja pëjkën ukën ka'apë myëtëyëtyën, ets ko ka'ap tsu'utstëty ja jëyujk najts'ookëpë, ëkë ja yo'kpenypë, ëkë ja mëti'ipë kë'ëm o'kpën ets ja ne'pnymyëëtpë.

Hebreos 10:29

¿wi'ix jëtää tkapaatëty ja tëytyu'unën mëti'ipë ja Tios U'unk kyamëjpëjktäkpyën, mëti'ipë jëtu'un tyuuntëpën ijxtëm jeexyë t'atään tuktääntën; mëti'ipë pyäjxtëpën ja Jesús ko të y'ooky ets ka'ap t'oyjya'awëtë ja Kënu'kxymyëkajtën, mëti'ipë tsojkëtëpën? Tääpë ne'pny yë'ë myë'ijtyp ja käjpxytyu'unën ets yë'ë mëët të yajkënu'kxtë.

Hechos 15:29

ka'ap ja jëyujk xytsyu'utstëty mëti'ipë tsaamëxan të yajtukwintsë'ëkën, ka'ap ja ne'pyny xyjyë'kxtëty, ka'ap ja jëyujk xytsyu'utstëty mëti'ipë ka'anëm wyintaxynyëmën, ets ka'ap mëpaat xytyuunk'atë ja pëjkën ukën ka'apë myëtëyëtyën, ma ja wiink ye'etyëjk ëkë ja wiink to'oxytyëjk xymyëët'ajnëtën. Pën mpatuuntëp ya'atë, oypyë ënäty mtuuntëp. Tios mkënu'kxëtëp.

1 Samuel 14:32

paatykyëjxm ojts ka'ap t'ëkmëmëtaknëtë ja yuu ets tniwa'këtyë amëjaawtony ja mëti'ipë ënäty ja myëtsip të tukyajni'o'ktu'utën, ojts tyaj'ooktë ja tsajpkaa kupixyny ets jëtu'unyë tsu'tstë tsuxk mëët ja nyine'pny

2 Samuel 23:17

jëtu'un y'ënäny: Tiosës xypyutëkëp etsës ka'ap ya'atë nëë n'uukëty, jä'ä koos n'uukëty jëtu'un ënäty tpaaty tääjës jeexyë nye'pny n'ukën ja ja'ayëty mëti'ipë ojts të tyajtsoontën. Jëtu'un ka'ap t'uky. Ya'atë jëtu'unpë ja mëkwinma'any yë'ë ojts tuntë ja nitëkëëkpë ja ja'ayëty mëti'ipë jotmëkëtyën.

Amós 9:4

ko ënäty të myënëjkxëtë yë myëtsip wiink naax wiink kajpn tsumy matsy, tëypyujxnës nëjkx jam nkexy ets yajkupujxta'atëty. Nëjkxëpës xëmë n'ijx'itë ets ëxëëk jyattëty kyëpätëty.

Éxodo 30:33

Pën muum kë'ëmwinma'any yajkojpy yë on jëtu'unpë tä tyaapë y'ixëtyën, ëkë muum oypyënëty tukuja'axnëtëty; pën ënäty jëtu'un ëtëtspën, kopkpëky ko nëjkx yajjo'otsy ma ja myëkunaax myëkukajpnën.