Levitico 16:8 - Biblia Mixe de Quetzaltepec

⁸ Ets t'ijxpëtsëmëty ja mäjtskpë ja tsajppax ets yaj'ixëty pën mëti'ipë ja Tios tuka'ajëpën ets mëti'ipë tuka'ajëpën ja Azazel.

Levitico 16:8 ပူးပေါင်းရင်းမြစ်များ

Jonás 1:7

E ja ja'ayëty mëti'ipë yajye'eytyëpën ja kepy nëëwinye'epyë, jëtu'un nyäy'ënanëtë nixim niyam: Tsojk n'ijxpëtsë'ëmëmë suertëjoty ets nija'awëmëty pën yë poky myëët'ajtyp ko ya'atë ëyo'on tyunyë jyätyë. Ënät t'ijxpëtsëëmtë suertëjoty, Jonás ojts tyuka'ayë ja suertë, yë'ëtëm ënäty pokymyëët.

Proverbios 16:33

Yë naaxwiinyëtë ja'ay yaj'ijxpëtsëëmëp wi'ix yë xyëëw jyuukyajtën myinyën, yë Wintsën yë'ë nyija'ap wi'ix të tuknipëjktaakë.

Ezequiel 48:29

Ya'atë jëtu'un ja naax kajpn mëti'ipë nëjkx tkuma'ayën'atë ja Israel ja'ayëty ets jëtu'un'äämpy nëjkx xyajwa'kxtë. Ëjts Wintsën, ëjts yam jëtu'un yë ënä'ämën nyäjkpy.

Números 33:54

E jä'ä nëjkx xyajwa'kxtë ijxpëtsëmy. Jëtu'un xynyijawëtëty jënu'unjaty tyuka'ajëtën ja ja'ayëty tu'kunaax tu'kukajpnëpë ma ja tu'kja'ayjyätypyën. Pën nimay ja ja'ayëty tyu'kunaax'at tyu'kukajpn'atë, mëj yë nyaax xymyo'otëty. E pën niwäänëty, wäänë yë nyaax xymyo'otëty. Tu'kkajpnjaty ja nyaax pyaatëtëty, jëtu'un tä ënäty tyuka'ajëtën.

Números 26:55

Yë naax jëtu'un nëjkx wyä'kxy wi'ixëty ja xyëëw pyo'o tyuka'ajëtën. Tu'ukjaty ja ja'ayëty nëjkxëp ja nyaax tpaaty, jëtu'un tä ënäty ja jyä'äy të nyikääkëtyën ma ja tyeety ja y'ap y'okën

Levitico 16:7

Okts näjyëtu'un tukwintsë'ëkëty ja Tios mäjtskpë ja tsajppax, jam ma yajnitëkën ja wit tëjk ma näpyaatë y'ityën.

Levitico 16:9

Ja tsajppax mëti'ipë ënäty ja Tios tuka'ajëpën yë'ë ja Aarón tyukwintsë'ëkëp ja Tios mëëtkyëjxm ja nëë poky.

Levitico 16:10

Ja tsajppax mëti'ipë tuka'ajëpën ja Azazel, jëtu'unyë juuky tmo'ojëty ja Tios ets tpaatëty ja pokymyä'kxën, ok tnajtsmatsëty ets nyëjkxëty jam wintë'ëtstum ma ja Azazel yajpaatyën.

Levitico 16:26

E ja ja'ay mëti'ipë ënäty ojts të tnajtsmatsën ja tsajppax jam të'ëts itjotm, mëti'ipë ja Azazel jyä'ä'ajtypyën, yajxon ja wyit tpujëty wa'ats ets näjyëtu'un kë'ëm nyäpyuj nyäjyä'ätsëtëty wa'ats, täänëm tyëkëty ma ja naax kajpnën.