Levitico 16:4 - Biblia Mixe de Quetzaltepec

⁴ Yë'ë myëtëkëp jap ja oywyit mëti'ipë kënu'kxyën, mëët ja pya'tk'ëxmots mëti'ipë oywyitën, mëët ja wyëën ets ja kupit aak oywyitpë. Ya'atë wit aakyë'ë mëti'ipë kënu'kxyën, paaty ko tuktëkëja'anëty, jëyëjp mëpaat yajxon tsyi'iy xyitsy.

Levitico 16:4 ပူးပေါင်းရင်းမြစ်များ

Éxodo 30:20

Jëtu'un nyäpyuj nyäjyä'ätsëtëty, ko koo jap tyëkëtëty ma ja wit tëjkën ma ja näpyaatë y'ityën mëët ja Tios, näjyëtu'un ko jam yajpaatëty ma wintsë'këntyaknën ets ja wintsë'kën tnino'oka'antëty Tios wintum, jëtu'un'äämpy ka'ap nëjkx y'ooktë.

Hebreos 7:26

E jëtu'un yë Jesús, të nyäxy Mëj teety wintsën mëti'ipë ënäty nyajmëyajtëmën. Yë'ë kënu'kxy, wa'ats, ka'ap poky tmëëtëty, ka'ap pyokyjä'äyëty ijxtëm ëëtsajtëmën, wäänë këjxm yë'ë y'ity këtiinëm ja tsajp.

Levitico 6:10

Yë teety yajxon mëpaat yë nyi'kx kyopk tyajnitujkta'ay mëët yë wit ets ja pya'tk'ëxmots mëti'ipë linë wit mëët xyuyëtyën; ënät tpëjkmujkta'ajëty ja jaam ma ënäty ja jëyujk të tyooykyëtä'äkyën ets nëjkx jam pë'am tpëjktä'äky ma ja wintsë'këntyaknën.

Hebreos 10:22

Tsojk nmëwinko'onëm ja Tios ëmuumtu'ukjot ets tsojk nmëpëjkëmë; wa'ats ja jot winma'any nmëët'ajtmëty ets ja jot nini'kx.

Hebreos 2:14

Jëtu'un ijxtëm ja ja'ay tu'kjëëky tu'kmëku'ukpë ja jot ne'pyny tmëët'atën, jëtu'un ja Jesús y'ijty mëët ja Tios ets mëët ja o'kën tmëmëtaktaay ja ëxëëkpë, mëti'ipë ijty o'kën tëko'oyën myëët'ajtypyën.

Filipenses 2:7

y'ëxmajtstaay tu'kë'ëyë mëti'ipë jyä'ä'ajtypyën ets ojts nyäpyëjktä'äkyë jëtu'un ijxtëm tu'uk yë mëtuunpën, jëtu'un ojts myëxu'unk'aty ijxtëm naaxwiinyëtë ja'ay myin kye'exyën.

Lucas 1:35

Tääts ja tsajpjotmëtë kukäjpxy y'ëtsooy: Minaanp ja Kënu'kxymyëkajtën ma mijtsën, Tios ni'ik këjxmëpë myëk'ajtën myajnitukëtëp ijxtëm tu'uk ja yootsën, paaty ya'atë mëxu'unk mëti'ipë minaanp ja'taanpën, wa'ats yë'ë, Tios U'unk yë'ë.

Isaías 53:2

Wintsën kë'ëm të t'a'ixë ets tyuunpë yääkëty pyätëty tä aay ujtsën wintë'ëtstuuypyë. Ka'ap ijty oy yaj'ixy ets ka'ap ijty nijënu'un ja wyiin jyëjp tyäky, ja jyot nyini'kx aak tëkatsy ets aak ma'at ijty;

Levitico 16:24

Jap ma tsajptëjkën jap nëjkx nyäpyujy nyäjye'etsyë wa'ats ets ënät tnino'okëty ja jëyujk mëti'ipë ja Tios yajtukwintsë'këpën. Jëtu'un ja Aarón ja pokymyä'kxën tpaatëty ets näjyëtu'un ja naax kajpn.

Éxodo 40:12

Woownëjkx ënät yë Aarón mëët yë y'u'unk y'ëna'k jam ma yajnitëkën ja tsajptëjk ets jam xy'ënëëmëty ets tsyi'iwtëty.

Éxodo 29:4

Tä ënät xywyoownëjkxëty yë Aarón mëët yë y'u'unk y'ëna'k jam ma yajnitëkën ja wit tëjk ma näpyaatë y'ityën ets xy'ënëëmëty, ko jam tsyi'iwtëty.

Éxodo 28:2

Oytyun yë wyit tyujkxy yë m'ajty Aarón mëti'ipë oy tsuj yajkëxë'ëkëtëpën.

Levitico 16:23

Ënät jap tyëkëty ma ja wit tëjkën ma näpyaatë y'ityën ets tjänëty ja linë wit mëti'ipë oywyitën mëti'ipë ënäty të tuktëkën, ko të tyëkëja'any jap ma ja Tios ja jyëën tyëjkën ets jap tëkoty tyajwë'ëmëty.

Levitico 16:32

Ja teety mëti'ipë ënäty të yajwin'ixyën, mëti'ipë ja kutujkën myëët'ajtypyën ets ja tyeety tkutëkëty, yë'ë winë tyunëp ma ënäty ja pokymyä'kxën yajpaata'anyën. Nëjkxëp ja oywyit tuktëkë mëti'ipë kënu'kxyën.

Ezequiel 9:2

Ënätës të n'ixy nitëtujk ja ja'ay tyëkëtë jam ma tëjkëtyaknën anëkëjxytsyow, aaktam tkë'ëkap'atë yë pyujxnëty mëti'ipë myëtsiptunantëpën. Tam näjyëtu'un itkujky tu'uk ja ja'ay nyijkxy yë'ë wyit'ajtyp linë wit, tam tmëëtëty wyëënkëjxy mëti'ipë tyukjääpyën. Ënät të tyëkëtë jap tsajptëkoty ets të wya'ak'oyëtë ma ja wintsë'këntyaknën mëti'ipë tsuxkpujxn mëët y'oytyunyëtyën.

Ezequiel 44:19

E ka'anëm ënäty jap tëja'p pyëtsëmtë ma naax kajpn y'ëwxityën ko tjäntëty ja wyit mëti'ipë jap tsajptëkoty myëtuuntëpën ets wiinkpë wyit tuktëkëtëty mëti'ipë myëpëtsëmtëpën tëja'p këtiipë ja wa'atsajtën ja naax kajpn jä'ä nyinaxëtëty.

Levitico 6:3

Ko y'ënta'akëty, ko ka'ap të tpaaty mëti'ipë ënäty ja wiink ja'ay të tyajtëkoyën ets Tios tukajpxpätëty, y'ëna'anëty ko ka'ap tnijawë mëti'ipë jyanija'apën, yë jëtu'unpë ja'ay,