Levitico 16:30 - Biblia Mixe de Quetzaltepec

³⁰ Jä'ä ko jä'ä xëëw jëtu'un xypyata'antë miitsëty ja pokymyä'kxën ma Tiosën ets wa'ats mwë'ëmtëty ma ja nëë poky xymyëët'atën.

Levitico 16:30 ပူးပေါင်းရင်းမြစ်များ

Jeremias 33:8

Nma'kxta'ajäämpyës tëkokyë yë pyokyëty mëti'ipë të tuuntëkoytyën maas ëjtsën; nimä'kxta'ajäämpyës tëkokyë y'ëxëëk winma'any ets ko të xykyäjpxy kumëtoownaxtës.

Efesios 5:26

Paaty jëtu'un tuuny ets ja mëpëjkpëtëjk y'itëty oy ets wa'ats mëët ja aaw ayuk,

Salmos 51:2

Pujkës jä'tskës ja n'ëxëëk'ajtën. Tukniwijtstutkës ja nnëë npoky.

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

Salmos 51:10

Wintsën, pëjkta'ak ma ëjtsën tu'uk jot winma'any wa'atspë ets mooykyës yë jot winma'any oypyë ets mëtëypyë.

Salmos 51:7

Yajwatskës yë njot nwinma'any mëët yë po'tn ets jëtu'un wa'ats nwë'ëmëtyës, pujkës ets poop nwë'ëmëtyës tä tsajp o'pkyën.

Levitico 23:27

Ma myajkxëëpetyën ja mëwëxtujkpo'opë, jä'ä mëpaat ja pokymyä'kxën y'ity. Jä'ä mye'eymyuktëty ets wa'ats xyajnaxtëty ya'atë nyänyiye'eypyätë, m'ayuu'atëp jä'ä ets ja Tios xymyo'otëty ja wintsë'kën, ma jëtu'un'äämpyë xymyëjjawëtëtyën.

Levitico 23:28

Ni pën mëpaat jää kyatuny, jä'ä ko jää jëtu'un ja näpyokymyä'kxë y'ita'any ma ja mWintsën Tios tma'kxa'anyën ja mpokyëty, mëti'ipë të xytyuuntëkoy të xykyajpxtëkoytyën.