Levitico 16:24 - Biblia Mixe de Quetzaltepec

²⁴ Jap ma tsajptëjkën jap nëjkx nyäpyujy nyäjye'etsyë wa'ats ets ënät tnino'okëty ja jëyujk mëti'ipë ja Tios yajtukwintsë'këpën. Jëtu'un ja Aarón ja pokymyä'kxën tpaatëty ets näjyëtu'un ja naax kajpn.

Levitico 16:24 ပူးပေါင်းရင်းမြစ်များ

Hebreos 9:10

Ka'ayën ukën ja je'eyë nyikäjpxyp ets wi'ix ja ja'ay wa'ats nyäyaj'itëtëty, nëkëjxypyë ënä'ämën yë'ë, yë'ë tyuuntëp xëmë koonëm ja Tios tyajtëkatsëty.

Levitico 22:6

Ëxëëk nëjkx yajtijy tyimtsu'ujëty jëtu'un ets ka'ap tjëkyäpëty tjë'kxëty, mëti'ipë wa'atsën, pën ka'ap jëyëjp nyäpyujy nyäjye'etsyë.

Levitico 14:9

Ko wëxtujk xëëw nëjkx yë wyääy tnëkä'pta'ay, nëjkxëp nyäy'awaayjyepyë, nëjkxëp yë wyiinxëwaay tjepy ets tëkokyë yë nyi'u'kxy. Nëjkxëp yë wyit tpujy ets näjyëtu'un tsyi'iwëty xyëtsëty, täänëm wyë'ëmëty wa'ats.

Éxodo 28:40

Näyjyëtu'un mëti'ipë pyëjkta'aktëpën yë Aarón yë y'u'unk y'ëna'k, oytyun kanaak yë nijän ets näjyëtu'un yë wëën ets kupit mëti'ipë oy yajkëxë'ëkëtëpën.

Éxodo 28:41

Jëtu'un xyoxëty ja m'ajty Aarón ets ja y'u'unk y'ëna'k ets xytyukkujaaxëty ja waaytsyooy ma kyëpajkën ets xymyëtuntëtyës jëtu'un tä teetytyëjkëtyën.

Levitico 16:25

Ja wintsë'kën ja nyi'on jam tnino'kta'ajëty ma wintsë'këntyaknën.

Levitico 9:7

Tä yë Moisés t'ënëmaay yë Aarón: Winkon jam ma wintsë'këntyaknën ets yak jam yë wintsë'kën mëët yë pokykyëjxm ets ja jëyujk mëti'ipë mnino'okäämpyën ets pokymyä'kxën xypyaatëty ma ja mpokyëtyën ets näjyëtu'un mëëtkyëjxm ja Israel ja'ayëty ja nyëë pyokyëty ets ja pokymyä'kxën tpaatëty, jëtu'un tä ja Wintsën të tni'ënä'ämën.

Ezequiel 42:14

Ko yë teetyëjk jap tyëkëtëty ka'ap tjëkyepy pyëtsëmtëty tëja'p, ko pyëtsëma'antëty jap yë wyit tjäntëty mëti'ipë myëteety'ajtëpën, jä'ä ko wa'ats yë wyit tyujkxyëty tmëët'atë; ko yë naax kajpn tmëwinkona'antëty wiink wit tyuktëkëtëp.