Levitico 16:21 - Biblia Mixe de Quetzaltepec

²¹ ets tpëjkta'akëty jam ja kyë'ë ma ja tsajppax ja kyëpajkën ets tmaaywyajtsta'ajëty tëkokyë ja Israel ja'ayëty ja y'ëxëëktu'un y'ëxëëk kajpxënëty, kyäjpxykyumëto'ownajxënëty ets nyëë pyokyëty. Jëtu'un'äämpy ja nëë poky jam tpëjktakta'ajëty ma ja tsajppax ja kyëpajkën ets tu'uk ja ja'ay tuknipëkëty mëti'ipë nëjkx tnajtsmatsën jam të'ëts itjotm.

Levitico 16:21 ပူးပေါင်းရင်းမြစ်များ

2 Corintios 5:21

Kristë nitii poky ojts tkatuny, je'eyë ko ëëtskyëjxm ja Tios pyëjktakë ijxtëm jeexyë ja poky tmëët'atyën, jëtu'unts ja Tios xyaj'ëwaatsëpëtsë'emëty mëët ja Kristë.

Isaías 53:6

Ëëtsajtëm jëtu'unyë ojts axit ako'owë njajta'ayëmë tä kupixynyën, xim yam ja në'ë tu'u ojts npëjkëmë; e yë Wintsën yë'ë ojts tkexy ja tyuunpë ets jam tkëxpëjktaay ma yë'ëjën ja npoky'ajtëmë.

Salmos 51:3

Ëjts nja'apës kë'ëm ko tëës nkäjpxykyumëtoownaxy; yë nnëë npokyës ninu'un jap kyatimjyëwä'äky maas yë njot nwinma'anyën.

Esdras 10:1

Tam ënäty ja Esdras jyiiytyä'äky nyu'kxtä'äky koxtänë ma Wintsën Tiosën jam tsajptëkotm, ko nyimiinë ja Israel ja'ayëty ye'etyëjkpë to'oxytyëjkpë, näjyëtu'un tyëjkëtyë jëëytyakpë nu'kxtakpë.

Romanos 10:10

jä'ä ko aawjoty jootjoty tsyoony ets nmëpëjkmëty ko npata'anëm ja mëtëypyë ja nipaye'eyën, ets mëët ja aaw ayuk yajnikäjpxy ko Jesukristë yë'ë mëët yajpaata'any ja nitsokën.

Proverbios 28:13

Mëti'ipë ja'ay kyuyu'tsypyën yë pyoky, ka'ap oy jyuuky'ata'any; e mëti'ipë nyikäjpxypën ko tyuuntëkoy nëjkxëp yajpokymye'kxy.

Salmos 32:5

Ënät të nmëmaaywyätsy ets ka'apës nitu'uk ja mpoky të nkuyu'utsy; tëës ja npoky nmaaywyajtsta'ay e mijts, Wintsën, tëës xypyokymye'kxy.

Levitico 26:40

E jä'ä nëjkx xyjyajawëtë ja mpokyëty ets ja pyokyëty ja mteety mtaakëty, mëët ko ënäty ka'ap oy të xymyëtuntës ets ko ënäty ka'ap të tuntë këwentë ja n'aaw n'ayukës.

Éxodo 29:10

Ok xymyënëjkxëty ja tsajpkaa ëna'k ma ja wit tëjkën ma ja näpyaatë y'ityën. Ets ja Aarón mëët ja y'u'unk y'ëna'k, ënät jam ja kyë'ë tkëxkontëty ma ja jëyujk këpajkën.

Levitico 5:5

Ko yajnijawëty ja mëti'ipë ënäty ja jëtu'unpë të t'ëy të tkäjpxyën, nyikajpxëp jëtu'un mëti'ipë ënäty të tuuntëkoyën.

Levitico 1:4

Ets tkëxkonëty yë kyë'ë ma ja tsajpkaa ja kyëpajkën jëtu'un yajkupëkëty, mëti'ipë ënäty tyukunaxäämpyën ja nyëë pyoky.

Levitico 16:20

Ko ënäty ja Aarón tëë wa'ats tyajwë'ëmta'ay winë ets ja wit tëjk ma ja näpyaatë y'ityën ets ja wintsë'këntyakn. Ënät tni'ënä'ämëty ets tyajmintëty ja tsajppax mëti'ipë juukyën,

Levitico 16:22

E ko ja tsajppax tyëkooynyëty jam të'ëts itjotm, yë'ë myënëjkxtaaynyëp ja nyëë pyokyëty ma ka'ap pën tsyëënë jyuuky'ätyën.