Levitico 16:20 - Biblia Mixe de Quetzaltepec

²⁰ Ko ënäty ja Aarón tëë wa'ats tyajwë'ëmta'ay winë ets ja wit tëjk ma ja näpyaatë y'ityën ets ja wintsë'këntyakn. Ënät tni'ënä'ämëty ets tyajmintëty ja tsajppax mëti'ipë juukyën,

Levitico 16:20 ပူးပေါင်းရင်းမြစ်များ

Ezequiel 45:20

Näyjyëtu'un nëjkx yajtuny ma wyëxtujk xëëwpetyën ja po'o, jää nëjkx xyaktë yë wintsë'kën mëti'ipë yë nëë poky mtukunaxtëpën ma ënäty të mpoky tyuntën ajotkumonë oy jëtu'un të xykyawinmaytyë ëkë të xykyajawëtë ko të mtëkoytyë. Jëtu'un nëjkx ja tsajptëjk wa'ats wyi'imy.

Levitico 16:16

jëtu'un tyajwa'atsëty ja Tios ja jyëën tyëjk mëëtkyëjxm ja Israel ja'ay ja y'ëxëëk'ajtënëty, kyäjpxykyumëtoownajxënëty ets ja nyëë pyokyëty. Näyjyëtu'un mëpaat tuny ja wit tëjk ma ja näpyaatë y'ityën mëti'ipë kajpn itkujky yajpatpën ma yë'ëjëty tsyëënëtën mëët ja y'ëxëëk'ajtënëty.

Apocalipsis 1:18

Ëjts jëtu'un mëti'ipë juukyajtpën. Tëës n'ëk'o'kpë ets tëëjës jatëkok njuukpyiky. Xëmëkyëjxmës tyam njuuky'ajnë. Ëjts nmëët'ajtypës ja o'kën kutujkën ja nyi'ëwatsn.

Hebreos 7:25

Paaty myäyë tyaj'ëwaatsëpëtsëmëty xëmëkyëjxm mëti'ipë myëwinkoontëpën ja Tios, jä'ä ko jyuuky'äty xëmëkyëjxm ets tninu'kxta'akëty ma ja Tiosën.

Colosenses 1:20

ets mëët yë'ëkyëjxm ojts tëkokyë nyänyimä'kxta'ayë ets jam yajpaatëty ma yë'ëjën, naaxwiinypë ets tsajpjotmëpë, ets jëtu'un ja jotkujk'ajtën tpaatëty tëkokyë winë ko ja Kristë ja nye'pyny të temy të tje'etsy kruutskëjxm.

2 Corintios 5:19

Jëtu'un yajja'akyukë ko ja Tios të tyajnämyë'oypyikyë ja naaxwiinyëtë ja'ay, ka'ap ja tuuntëko'oy kajpxtëko'oyën të tmëjpëjktä'äky, ëëts të xytyuknipëktë etsës ntuk'ëwaanëtëty ja ja'ay ya'atë aaw ayuk.

Romanos 8:34

¿Pën xy'ëkyajnitujkëmëp? Kristë Jesús mëti'ipë ojts y'ookyën ets mëti'ipë ojts jyuukpyikyën ets tam yajpaaty Tios y'aka'anytsyow ma xynyinu'kxtakëmën.

Romanos 4:25

Jesús, ojts yajkë'ëyäky ets y'ookëty mëët ko ënäty ëëtsajtëm npokymyëët'ajtëmë, e ojts jyuukpyiky ets ëëtsajtëm wa'ts nwë'ëmëty.

Levitico 8:15

Ënät ja Moisés ojts ja tsajpkaa tyaj'ooky ets ojts ja nyine'pny tpëjkëyë, ja ne'pny jam ojts txijkxëtity ma ja wintsë'këntyakn ja nyiwajën ets wa'ats wyë'ëmëty. Jä'ä ja ne'pny mëti'ipë ojts nyatëkën, jam ojts txijkxëtity ma ja wintsë'këntyakn ja nyitekyën ets kënu'kxy wyë'ëmëty ets jam ja pokymyä'kxën yajpaatëty.

Levitico 6:30

Ja jëyujk mëti'ipë ënäty jap të yajmënëjkxyën ma ja wit tëjkën ma ja näpyaatë y'ityën, ni pën mëpaat tkatsu'utsy, jä'ä ko ya'atë wintsë'kën poky ënäty të yajtukunaxy jam ma ja Tios ja jyëën tyëjkën ets ja nëë poky tmä'kxëty. Tääpë wintsë'kën jëënjoty mëpaat nyitooytyä'äy.

Levitico 16:19

ets mëët yë kyë'ëwa'axy wëxtujk'ok tuknixijkxëty yë ne'pny ja potsy ma ja wintsë'këntyaknën. Jëtu'un'äämpy ënäty wyä'ätsy ja wintsë'këntyakn ma ja Israel ja'ayëty ja nëë poky tmëët'atën ets ënät tkënu'kxëty.

Levitico 16:21

ets tpëjkta'akëty jam ja kyë'ë ma ja tsajppax ja kyëpajkën ets tmaaywyajtsta'ajëty tëkokyë ja Israel ja'ayëty ja y'ëxëëktu'un y'ëxëëk kajpxënëty, kyäjpxykyumëto'ownajxënëty ets nyëë pyokyëty. Jëtu'un'äämpy ja nëë poky jam tpëjktakta'ajëty ma ja tsajppax ja kyëpajkën ets tu'uk ja ja'ay tuknipëkëty mëti'ipë nëjkx tnajtsmatsën jam të'ëts itjotm.