Levitico 16:2 - Biblia Mixe de Quetzaltepec

² ets t'ënëmaay: Ënëëmë yë m'ajty Aarón ets këtii oy jëna'a tyëkëty jap ma tsajptëjkën, jëxkë'p ma wit atëëytyuk yajpaatyën, ma jap y'ityën yë Tios yë kyaaxë, këtiipë y'ookëty; jä'ä ko ëjts näynyikëxë'ëkanëpës yootsjoty ma ja kaaxë yajpaatyën.

Levitico 16:2 ပူးပေါင်းရင်းမြစ်များ

1 Reyes 6:16

Ojts näjyëtu'un jap tëkotsyow t'apëjktuky, mëkoxk xajpkën ets yajxon t'oytyuuny, ma jap yaj'ëwtatëtyën ja Wintsën, jap ma yajtijyën ëmaaytyëkot, wa'atspë.

1 Reyes 8:6

Tä ja teetytyëjkëty ojts jap tmëtëkëtë ja Wintsën ja kyaaxë tsajptëkoty, ma ja tëkot ja kënu'kxypyën, jap tkëxkëëytyë ma ja kyäknpa'tkën ja Wintsën ja kyukajpxpë,

2 Crónicas 5:14

e mëët ko jap wyintujktëkooy tsajptëkoty mëët ja yoots nëma'a, tääts ja teetytyëjkëty ka'ap ojts t'ëkjëkyäjpnëtë wi'ix ja wintsë'kën tkë'ëyaktëty jä'ä ko ja Wintsën ja myëj'ajtën y'oyajtën tëë ënäty ja tsajptëjk tyajwintuky.

Éxodo 30:10

Ya'atë wintsë'këntyakn wa'ats mëpaat y'ity mëti'ipë yë Tios yë'ë të yajtuknipëjktaakën, winjëmëjt yë Aarón tukuutsëty yë kupixyny nye'pny, mëti'ipë yajyajkpën ma ja nëë poky yajtukunaxyën, winjëmëjt xykyë'ëyaktëty tu'uk yë wintsë'kën mëti'ipë mnatyukunaxëtëpën mëëtkyëjxm ja mpokyëty ets jëtu'un myajpokywyinmä'kxtëty.

Levitico 16:13

Jap t'apëkëty ja poom ma ja jëënpajkën jam Tios wintum, ja jok mëti'ipë jap pëtsëëmpën yë'ë nyijok nyiwiixëp ja kaaxë akë'ë, këtiipë ja Aarón y'ookëty.

Levitico 16:34

Ya'atë ënä'ämën tëyajtën xëmëkyëjxm y'itëty ma miitsëtyën, ma tu'kjëmëjtpë nyäxyën yë xëëw jëmëjt, tu'k'okjaty mëpaat miitsëty xymyëjjawëtë ja xëëw ma ja pokymyä'kxën y'itëtyën mëët ma tyuuntëkoy kyajpxtëkoytyën yë Israel ja'ayëty. Ets jëtu'un ojts winë tuntë, tä ja Tios ja Moisés ojts tuk'ëne'emyën.

Levitico 23:27

Ma myajkxëëpetyën ja mëwëxtujkpo'opë, jä'ä mëpaat ja pokymyä'kxën y'ity. Jä'ä mye'eymyuktëty ets wa'ats xyajnaxtëty ya'atë nyänyiye'eypyätë, m'ayuu'atëp jä'ä ets ja Tios xymyo'otëty ja wintsë'kën, ma jëtu'un'äämpyë xymyëjjawëtëtyën.

Levitico 8:35

E paaty miitsëty, wëxtujk xëëw wëxtujk koots jam mwë'ëmtëty ma yajnitëkën ja wit tëjk ma näpyaatë y'ityën ets xytyuntëty jëtu'un tä ja Wintsën ja y'ënä'ämën tyiy'ajtënën, e pën ka'ap jëtu'un xytyuntë m'ooktëp miitsëty, jä'ä ko jëtu'un yë Wintsën të xytyuk'ëne'emyës.

Números 17:10

Ënät ja Tios jatëkok t'ënëmaay yë Moisés: Pëjkta'ak jatëkok ja Aarón ja tyajk kaaxë wintuuy mëti'ipë myë'ijtypyën yë käjpxytyu'unën, jëtu'un jap pëjkë'ëky wyë'ëmëty mëti'ipë tyuk'ixtëpën yë Israel ja'ayëty mëti'ipë käjpxy kyumëtoownajxtëpën. Ko ka'ap nëkoo wiinkjaty y'ëwtëty kyajpxtëty ëjts nwintuuyës, këtiipë y'ooktëty.

Números 18:7

Mëti'ipës tëy ntsojkpyën, mijts ets mmaank, tyam ntuknipëktë ets ja teety'ajtk xytyuntëty. Miits ja wintsë'këntyakn mkë'ë'am'atëp ets miits jap winë myajwintu'upëktëp jëxkë'p'äämpy ma wit mëët y'atëëytyukyëtyën. Ya'atë tuunk miits mpatëtëp. Jä'ä ko miits të nmo'otë ya'atë kutujkën ets ya'atë tuunk xyajtu'uye'eytyëty, mëti'ipë teetytyëjkëty mëpaat tuntën. Pën tii winë tyuunpy kë'ëmwinma'any, tä yë teetyëjk winë tuntën. Nëjkxëp yajni'ënä'ämë ets y'ookëty.

Números 4:19

Këtiipë y'ooktëty, ko toontëpëty ja mëti'ipë wa'ats ets kënu'kxy yajpatëpën, mëti'ipë tëy tyuntëp. Yë Aarón mëët yë myaank ëna'k yë'ë mëpaat tuk'ëwaanëtë tii tyuntëpën ets mëti'ipë myënëjkxtëpën ko ënäty muum nyëjkxtë.

Números 4:5

Ko ja naax kajpn tyu'utëkëtëty, yë Aarón mëët yë y'u'unk y'ëna'k yë'ë nëjkx tyajënaktë ja wit'atëëytyuk, mëti'ipë ja Tios ja wyittëjk mëët yajtuk'atëëytyukyën ma yajnitëkën ets yë'ë tuknipä'äntëty ja kaaxë mëti'ipë ja käjpxytyu'unën myë'ijtypyën.

Mateo 27:51

Ojts jap tsajptëkoty kyë'ëtswä'kxy këëkujkm ja wit mëti'ipë ja tsajptëjk y'ayä'ptujkpyën, tyimtso'ontä'äky naaxkëjxy ets kyë'ts këpejty. Ojts ja naaxwiinyëtë yu'kxy ets ojts pyu'uwä'kxy ja tsaa,

Hebreos 6:19

Ya'atë ëwxijt mä'kxtujkën yë'ë mëk yaj'ijtyp ja njoot'ajt nwinma'any'ajtëm, jëtu'un ijxtëm ja pujxnën nëëjotypë two'on'ityën ja kepy nëëwinye'epyë. Yë'ë ja ëwxijt mä'kxtujkën mëti'ipë të tuknaxyën ja wit'atëëytyuk japë tsajptëkoty yajpaatyën mëti'ipë tsajpjotm ijtpën,

Hebreos 9:25

Ka'ap ja Kristë të tyëkë tsajpjotm ets kanaak ok të tyäky ja wintsë'kën ijxtëm ijty ja teety wintsën winjëmëjt tmëtëkëtën ja ne'pny jap tsajptëkoty, mëti'ipë ka'ap yë'ë tne'pny'atën.

Hebreos 9:3

Ma ja mëmäjtskpë tëkotën jä'ä xyëëwajt Tëkot ni'ik wa'atspë;

Hebreos 9:5

Jam kaaxë nëkëjxm yajpaatë ja querupines këxkojy, mëti'ipë yajknikëxë'ktëpën ja Tios ja myëj'ajtën jyääntyajtën ets tnikë'ëtë ja kaaxë mëët ja kyäknëty. E tyam ka'ap y'ëkkopkpëky'ajnë ets kä'pxy yajnimëtyakta'ajëty.

Apocalipsis 15:8

Ets y'ujtstaay ja Tios ja tyëjk mëët ja jok, jä'ä ja Tios ja myëj'ajtën jyääntyajtën ets ja kyutujkën; ni pën mëpaat jap kyatëkë, koonëm jyëjpkëxëty ja ëyo'on mëti'ipë ja wëxtujkpë tsajpjotmëtë kukäjpxy myëët'ajtëpën.