Levitico 16:18 - Biblia Mixe de Quetzaltepec

¹⁸ tääts pyëtsëmëty ets nëjkx ja näypyuj näjyä'ätsë tpaaty jam ma wintsë'këntyaknën mëti'ipë jam ijtpën Tios wintum. Tääts tpëjkë'ëkëty wäänë ja ne'pny ets tukuutsëty ja wintsë'këntyakn ja wyaj ets txijkxjëtitëty näjyëtu'un ma ja pya'ajën;

Levitico 16:18 ပူးပေါင်းရင်းမြစ်များ

Levitico 4:7

Ënät nëjkx näjyëtu'un tukuutsy wäänë ja ne'pny ja wintsë'këntyakn ja nyiwajën, ma jam ja poom tyoyën, mëti'ipë jam ijtpën Tios wintum ma ja wit tëjkën ma näpyaatë y'ityën. E ja ne'pny mëti'ipë ënäty natëjkëpën jam nëjkx txijkxjëtity ma ja potsyën, ma wintsë'kën yajyäkyën, ma ja jëyujk nyitoytyën mëti'ipë jam ijtpën ma ja wit tëjkën; ma ja näpyaatë y'ityën mëët ja Tios.

Levitico 16:16

jëtu'un tyajwa'atsëty ja Tios ja jyëën tyëjk mëëtkyëjxm ja Israel ja'ay ja y'ëxëëk'ajtënëty, kyäjpxykyumëtoownajxënëty ets ja nyëë pyokyëty. Näyjyëtu'un mëpaat tuny ja wit tëjk ma ja näpyaatë y'ityën mëti'ipë kajpn itkujky yajpatpën ma yë'ëjëty tsyëënëtën mëët ja y'ëxëëk'ajtënëty.

Levitico 4:18

Ets wäänë tukuutsëty ja wintsë'këntyakn ja nyiwaj, mëti'ipë jamën Tios wintum ma ja wit tëjkën ma ja näpyaatë y'ityën. E ja ne'pny mëti'ipë natëjkëpën nëjkxëp txijkxjëtity jap tëkotsyow ma ja jëyujk yajnino'oktën ma ja näpyaatë y'ityën.

Éxodo 30:10

Ya'atë wintsë'këntyakn wa'ats mëpaat y'ity mëti'ipë yë Tios yë'ë të yajtuknipëjktaakën, winjëmëjt yë Aarón tukuutsëty yë kupixyny nye'pny, mëti'ipë yajyajkpën ma ja nëë poky yajtukunaxyën, winjëmëjt xykyë'ëyaktëty tu'uk yë wintsë'kën mëti'ipë mnatyukunaxëtëpën mëëtkyëjxm ja mpokyëty ets jëtu'un myajpokywyinmä'kxtëty.

Hebreos 2:11

Ja mëti'ipë yajkënu'kxtën ets mëti'ipë kënu'kxpën, tu'ukyë ja Tyeetyëty, ja Tios Teety. Paaty ja Tios U'unk ka'ap tuktsëtyuny ets xytyijmëty mëkä'äx.

Juan 17:19

Yë'ë koos yë'ëjëty nmëmay nmëtajtë paatyës kë'ëm nnäkyënu'kxyë, ets näjyëtu'un yë'ëjëty yajkënu'kxtëty mëët ja tëyajtën.

Levitico 4:25

Tääts ja teety wäänë ja ne'pny tukpatijëty yë kyë'ë ets txijkxjëtitëty jam ma ja wintsë'këntyakn ja nyiwajën, ma ja jëyujk nyitoytyën. E ja ne'pny mëti'ipë ënäty jaaknatëjkëpën jam txijkxjëtitëty ma ja wintsë'këntyakn ja tyënaaypyäjnën.

Levitico 16:17

Pën jap yë Aarón yajpaaty ma Tios yë jyëën tyëjkën ets ja pokymyä'kxën tpaata'any, ni pën mëpaat jap kyayajpaaty ma ja wit tëjkën ma ja näpyaatë y'ityën, koonëm pyëtsëmëty. Ko ënäty tëë t'ëxajë ja pokymyä'kxën, jëtu'un yë'ë, y'u'unk y'ëna'k ets tëkokyë yë Israel ja'ayëty,

Números 28:22

Nëjkxëp näjyëtu'un ëpëky xyaktë tu'uk yë tsajppax mëti'ipë ja nëë poky mtukuyaktëpën.

Ezequiel 43:20

Ënät nëjkx ja nye'pny wäänë xypyëjkë ets xytyuknijaaxëty ja wintsë'këntyakn ja nyiwaj ets ja tyäk taxkpëky ets ma ja nyi'awitsën. Jëtu'un nëjkx wa'ats wyë'ëmta'ay mëët ja nëë poky.

Ezequiel 43:22

Komjëpom wiinkpë wintsë'kën xyakëty, mëti'ipë ja poky kyunajxypyën, tu'uk yë tsajppax ayääkë oypyë mëkpë, ets teetytyëjkëty näjyëtu'un nëjkx tyajwa'atstë ja wintsë'këntyakn tä ënäty të tuntën mëët ja tsajpkaa ayääkë.

Ezequiel 45:19

Nëjkxëp yë teety wäänë tpëjkë'ëky ja jëyujk ne'pny mëti'ipë nye'pny'äjtypyën ja wintsë'kën ko ja poky yajtukunaxy ets nëjkx tkëxkoy maajaty ja tsajptëjk xenyën mëti'ipë yajpatpën tëja'ptsow ets maajaty taxkpëky ja tyäkën ja wintsë'këntyakn ets maajaty ja xenyën ja taxkpë japë tëkotsyowën.