Levitico 16:11 - Biblia Mixe de Quetzaltepec

¹¹ Mëëtkyëjxm ja Aarón ja kyë'ëmpoky, yë'ë ja Tios tyukwintsë'ëkëp ja tsajpkaa ets ja pokymyä'kxën tpaatëty, näjyëtu'un ja y'u'unk y'ëna'k ets y'u'unk tyo'oxytyëjk.

Levitico 16:11 ပူးပေါင်းရင်းမြစ်များ

Levitico 16:6

Ets ënät tukwintsë'ëkëty ja Tios ja tsajpkaa, mëti'ipë ja kyë'ëmpoky tyuknikëpäjtu'utëpën ets näjyëtu'un ja y'u'unk y'ëna'k ets ja y'u'unk tyo'oxytyëjk.

Hebreos 9:7

Ma ja mëmäjtskpë ja tëkotën yi'iyë teety jap tëjkëp winjëmëjt; ko jap tyëkë myënëjkxyp ja jëyujk ne'pyny ets ja pyoky tukunaxy ets ja mayjyä'äy ja pyoky näjyëtu'un mëti'ipë tyuuntëpën oy jëtu'un tkatuknipëjktaakëtë.

Hebreos 7:27

Ka'ap jyëtu'unëty ijxtëm ja wiinkëtypë ja teety wintsënëtyën jëpom jëpompë tyaktën ja wintsë'kën ko pyokytyuntë, ets ko ja naax kajpn näjyëtu'un pyokytyuntë. Jesús tu'k'ok ojts je'eyë twintsë'ëkë ja Tios ko ojts yë'ë kë'ëm wyintsë'kën'aty ets ja ja'ay ja pyoky ojts nimä'kxtaayë.

Levitico 16:3

Yë Aarón ko jap tyëkëja'anëty tsajptëkoty, yë'ë mëpaat tmëtëkë tu'uk yë tsajpkaayä'äy ayääkë, mëti'ipë yë pyoky tyuknikëpäjtu'utëpën ets tu'uk yë kupixyny yä'äy mëti'ipë nyino'okëpën.

Levitico 16:33

Ets ja näypyuj näjyä'ätsë tunëty jap ma ja it naaxwiinyëtën wa'atspë, ma ja wit tëjkën ma ja näpyaatë y'ityën mëët ja Tios ets ma ja wintsë'këntyaknën. Jëtu'un tpaatëty ja näpyokymyä'kxë mëët ma ja naax kajpn ja nëë poky tmëët'atën ets näjyëtu'un ja teetyëjk ja jyä'äjëty.

Levitico 9:7

Tä yë Moisés t'ënëmaay yë Aarón: Winkon jam ma wintsë'këntyaknën ets yak jam yë wintsë'kën mëët yë pokykyëjxm ets ja jëyujk mëti'ipë mnino'okäämpyën ets pokymyä'kxën xypyaatëty ma ja mpokyëtyën ets näjyëtu'un mëëtkyëjxm ja Israel ja'ayëty ja nyëë pyokyëty ets ja pokymyä'kxën tpaatëty, jëtu'un tä ja Wintsën të tni'ënä'ämën.