Levitico 16:10 - Biblia Mixe de Quetzaltepec

¹⁰ Ja tsajppax mëti'ipë tuka'ajëpën ja Azazel, jëtu'unyë juuky tmo'ojëty ja Tios ets tpaatëty ja pokymyä'kxën, ok tnajtsmatsëty ets nyëjkxëty jam wintë'ëtstum ma ja Azazel yajpaatyën.

Levitico 16:10 ပူးပေါင်းရင်းမြစ်များ

Levitico 14:7

Wëxtujk'ok tuknixijkxëty ja ja'ay mëti'ipë ënäty tso'okaanpën ma ja pu'uts pa'am pyikyën y'ixyën ets nikajpxëty, ko wa'ats yajpatnë, ja joon mëti'ipë juukyën nëjkxëp t'ëxmatsy.

Levitico 16:8

Ets t'ijxpëtsëmëty ja mäjtskpë ja tsajppax ets yaj'ixëty pën mëti'ipë ja Tios tuka'ajëpën ets mëti'ipë tuka'ajëpën ja Azazel.

Levitico 16:9

Ja tsajppax mëti'ipë ënäty ja Tios tuka'ajëpën yë'ë ja Aarón tyukwintsë'ëkëp ja Tios mëëtkyëjxm ja nëë poky.

Romanos 3:25

Tios ojts jëtu'un tuknipëjktaakë ko ja Kristë mëët ja nye'pyny yajpaatëty ja pokynyimyä'kxën. Ya'atë pyokynyimä'kxën ënät yajpaaty ko yajmëët'aty ja mëpëjkën. Jëtu'un ja Tios tyajnikëxë'ëky wi'ix xyajnaxa'anëmë wa'ats, ko të tme'kxy ja nëë poky mëti'ipë ënäty të ntu'un të nkajpxëmën,

Romanos 4:25

Jesús, ojts yajkë'ëyäky ets y'ookëty mëët ko ënäty ëëtsajtëm npokymyëët'ajtëmë, e ojts jyuukpyiky ets ëëtsajtëm wa'ts nwë'ëmëty.

2 Corintios 5:21

Kristë nitii poky ojts tkatuny, je'eyë ko ëëtskyëjxm ja Tios pyëjktakë ijxtëm jeexyë ja poky tmëët'atyën, jëtu'unts ja Tios xyaj'ëwaatsëpëtsë'emëty mëët ja Kristë.

1 Juan 2:2

Tëë ja Jesukristë y'ëyoy kruutskëjxm ets ja npoky'ajtëm yajmä'kxëty ets ka'ap yi'iyëty npoky'ajtëm, näjyëtu'un ni'ëmukë ja naaxwiinyëtë ja'ay.

1 Juan 3:16

Nnija'awëm wi'ix ja Jesukristë xytsyojkëmën ëmuumtu'ukjot, paaty të xykyu'o'këmë. Näyjyëtu'un ëëts nkë'ëyajkmëty ja njuukyajtën'ajtëm ets nku'o'këmëty ja nmëku'uk'ajtëmë.