Levitico 15:5 - Biblia Mixe de Quetzaltepec

⁵ Pën tyoompy ja it naaxwiinyëtë ma tääpë ja'ay të myä'äyën, nëjkxëp tpujy yë wyit ets tsyi'iwëty ets jä'ä nëjkx yajtijy ëxëëk.

Levitico 15:5 ပူးပေါင်းရင်းမြစ်များ

Levitico 11:25

Pën tääpë jëyujk'ooky tyoompy, ëxëëk wyë'ëmëty, kopkpëky ko yë wyit tpujëty yajxon ets ëxëëk wyë'ëmëty jëtu'un kootspaat.

Levitico 17:15

Ko tu'uk yë Israel ja'ay ëkë jaaypyaat jaaypyo'kxy tsu'utsëty yë jëyujk, mëti'ipë najts'ookën, nëjkxëp yë wyit tpujy ets nëjkxëp kë'ëm nyäpyujy nyäjye'etsyë wa'ats ets ëxëëk jëtu'un wyë'ëmëty tyimkutsu'ujëty, oknëm wa'ats jatëkok wyë'ëmëty.

Levitico 16:26

E ja ja'ay mëti'ipë ënäty ojts të tnajtsmatsën ja tsajppax jam të'ëts itjotm, mëti'ipë ja Azazel jyä'ä'ajtypyën, yajxon ja wyit tpujëty wa'ats ets näjyëtu'un kë'ëm nyäpyuj nyäjyä'ätsëtëty wa'ats, täänëm tyëkëty ma ja naax kajpnën.

Apocalipsis 7:14

Ets n'ëtsooyës: Wintsën, mijts mnija'ap. Ets xynyëmaayës: Yë'ë mëti'ipë mëj ëyo'on të tyajnaxtën ets të pyokywya'atstën mëët ja nye'pyny ja Kupixyny U'unk.

Santiago 4:8

Mëwinkontë ja Tios ets näjyëtu'un mmëwinkonëtëty. Pokytyuunpë ja'ayëty, ëxmatstë ja mka'oy juukyajtënëty; ets miitsëty mëti'ipë mäjtsk aaw mäjtsk jot ja Tios mtsojktëpën, nänyajwa'atsëtë.

Hebreos 10:22

Tsojk nmëwinko'onëm ja Tios ëmuumtu'ukjot ets tsojk nmëpëjkëmë; wa'ats ja jot winma'any nmëët'ajtmëty ets ja jot nini'kx.

Hebreos 9:26

Ko jeexyë jyëtu'unëty, kanaak'ok jeexyë ja Kristë të y'o'knë maju'unëm tsyo'otä'äkyën ja naaxwiinyëtë. E tyaa ma ja xëëw jëmëjt ntuk'ijt ntuktsëna'ayëmën, tëë tu'k'ok ja Kristë myiny ets xëmëkyëjxm yajpaata'any, ko të nyäxy ijxtëm tu'uk ja wintsë'kënën mëti'ipë ja poky jyëpëkäämpyën.

Hebreos 9:14

Pën jëtu'un, ni'ik ja Kristë ja nye'pyny. Jä'ä ko mëët ja Kënu'kxymyëkajtën xëmëkyëjxmëpë y'ityën, ojts ja Kristë nyäkyë'ëyäkyë ets wyintsë'kën'atëty ma Tiosën wa'ats pëk, ets ja nye'pny yë'ë yajwatsyp ja njoot'ajt nwinma'any'ajtëmë oy ënäty të njatu'unëmë mëti'ipë yaj'o'kpën, ets jëtu'un npatmëty ja juukyajtën.

Ezequiel 36:29

Nëjkxëp jap njuutë ma ënäty ka'ap oy mjuuky'atën. Nëjkxëp nmo'otë nkäxtë may'äämpy yë tsajpmok ets ka'ap nëjkx nijëna'a yuu xëëw xy'ëkyajnajxnëtë.

Ezequiel 36:25

Mëët yë wa'ats nëë mpuja'an njä'ätsä'äntë ets nyajwatsta'aja'anyës ja ëxëëkajtën ets ntuknipëjktuta'aja'antë mëti'ipë të xypyaye'eyë'ëktën ko të xypyanëjkxtëkëtë wiink wintsën;

Isaías 22:14

Yë Wintsën mëti'ipë maaytyääyëpën winë, tëëjës xy'ënëëmë: Ëjts ka'apës tääpë ja'ayëty npokymyä'kxa'any; miits jëyëjp m'ookantëp ok yë'ëjëty. Jëtu'un y'ënä'äny ja Wintsën mëti'ipë maaytyääyëpën winë.

Isaías 1:16

Näypyuj näjyä'ätsëtë, näyajwa'atsëtë. Ka'apës n'ëk'ixanë ja mpokyëty. Ja ëxëëk tu'u jä'ä m'ëxmatstëp.

Salmos 51:7

Yajwatskës yë njot nwinma'any mëët yë po'tn ets jëtu'un wa'ats nwë'ëmëtyës, pujkës ets poop nwë'ëmëtyës tä tsajp o'pkyën.

Salmos 51:2

Pujkës jä'tskës ja n'ëxëëk'ajtën. Tukniwijtstutkës ja nnëë npoky.

Salmos 26:6

Wa'atsës yë nkë'ë nmëëtëty ets ka'apës tii poky të ntuuntëkoy. Yë'ëjës nmëwinkonäämpy yë mwintsë'këntyakn,

Números 19:22

Pën yë ja'ay ëxëëk yajpaaty Tios wintum ets tii tnixajëty ëkë tonëty, näjyëtu'un ënäty winë tyaj'ëxëëkë. E pën tu'uk yë ja'ay wa'ats yajpaaty ets tonëty yë myëku'uk, mëti'ipë ëxëëk yajpatpën, nëjkxëp y'ëxëëktëkë ets tsuupaat wyë'ëmëty ëxëëk.

Números 19:10

Pën ja kuyjaam ënäty të tyajmuky nëjkxëp ja wyit tpujy ets ëxëëk wyë'ëmëty tyimkutsu'ujëty jëtu'un. Ya'atë ënä'ämën kë'ëyxyëëw kë'ëyjyëmëjt y'itëty ma miitsëtyën ets ma jaaypyaat jaaypyo'kxëtyën, mëti'ipë yajpatëp ma miitsëtyën.

Levitico 16:28

Ja ja'ay mëti'ipë ënäty të tnino'okyën, kopkpëky ko nëjkx ja wyit tpujy tje'etsy ets wa'ats tsyi'iwëty xyëtsëty, täänëm tyëkëty ma ja naax kajpnën.

Levitico 14:27

Ets mëët ja kyë'ëwa'axy ja a'oypyë nëjkx txijkxjëtity ja on jam Tios wintum.

Levitico 13:34

Kom tëtujk xëëw jatëkok ja teety t'ixëty ja pa'amja'ay, pën ja pu'uts ka'ap nëkooyë të kyëjääjë ets ka'ap nëkooyë të kyëktëkë, ënät ja teety tnikajpxëty, ko tääpë ja'ay wa'ats yajpaaty. Je'eyëp ko wyit tpujëty ets jëtu'un wyë'ëmëty wa'ats.

Levitico 13:6

E kom wëxtujk xëëw jatëkok t'ijxkojnëpëty, ko t'ixëty kujk ja pu'uts tyëkooytyä'äy ets ka'ap nëkooyë të kyëjääjë, ënät ja teety tnikajpxëty ko tääpë ja'ay wa'ats yajpaaty, je'eyë ënäty nëkoopë ja nyi'ak të nyëtetsy. Ja pa'amja'ay je'eyë tjaakpujëty ja wyit ets jëtu'un wyë'ëmnëty wa'ats.

Levitico 11:32

Ja it naaxwiinyëtë ma ënäty jëtu'unpë ja jëyujk'ooky yajpaatyën, ëxëëk wyë'ëmëty: wä'än kyepykyijxyëty, wyitkëjxyëty, pyo'okëjxyëty, xya'këjxëty, ëkë oy tyuunpäjnkëjxmëty, jap mëpaat yaj'apëkë nëëjoty ets jëtu'un ëxëëk wyë'ëmëty koonëm kyootsëty, ko jëtu'un y'itëty, tääts jatëkok wa'ats wyë'ëmëty.

Levitico 11:28

Näyjyëtu'un pën muum yajpëtë'kpyën jëtu'unpë jëyujk'ooky, kopkpëky ko yë wyit tpujëty ets jëtu'un wyë'ëmëty ëxëëk koonëm kyootsëty, jä'ä ko miitsëty ëxëëk mëpaat tääpë jëyujk xytyijtë.

Éxodo 19:10

ets ojts ja Tios y'ënë'ëmxëty: Nëjkx ënëëmë yë naax kajpn, wä'än tyam ets jopy nänyipëjktaakëtë etsës ëjts xytyukxoonta'aktëty ets xymyëjjawëtëtyës. Yajxon yë wyit tyujkxëty tpujtëty tjä'ätstëty,

Levitico 15:4

Ma tääpë ye'etyëjk ja'ay nyäkyo'okyën, ëxëëk jam y'awinpitëty, ma ënäty tyukjënäkyë ja myëjaaw ëxëëk jam y'awinpitëty. Ma näjyëtu'un kyëxweetsyë, nän ëxëëk jam y'awinpitëty.

Levitico 15:6

Pën jam këxwä'tsp ma tääpë ja'ay të y'u'unyën, kopkpëky ko yë wyit tpujëty ets tsyi'iwëty yajxon wa'ats ets jä'ä nëjkx yajtijy ëxëëk, tu'kxëëw jëtu'un y'itëty koonëm kyootsëty.

1 Samuel 20:26

Jä'ä xëëw yë Saúl ka'ap ojts niwi'ix y'ënä'äny. Jä'ä ko tyaa ënäty myäy tyäjy ko yë David wä'änxyëp ënäty tii të jyäty të kyëpetyë mëti'ipë të y'ëxëëktunyën, paatykyëjxm ka'ap të myiny

Levitico 11:24

E miitsëty ëxëëk nëjkx mwë'ëmtë: Ko pën tonëty yë jëyujk'ooky, ets jëtu'un tyimkutsu'ujëty.

Levitico 15:18

Pën yë ye'etyëjk ets to'oxytyëjk näymyëët'ajtëtëp, nimäjtskëty kopkpëky ko nyäpyuj nyäjyä'ätsëtëty ets ëxëëk wyë'ëmtëty tyimkutsu'ujëtëty jëtu'un.