Levitico 15:32 - Biblia Mixe de Quetzaltepec

³² Yaa jëtu'un të yajnimëtyä'äky, ko yë naaxwiinyëtë ja'ay tyukjënakëtëty yë jyot myëjaaw ma ye'etyëjk'ajtënën. Ko jëtu'un xëmë jyatëty kyëpätëty ets jëtu'un ëxëëk wyë'ëmëty.

Levitico 15:32 ပူးပေါင်းရင်းမြစ်များ

Ezequiel 43:12

Ya'atë ënä'ämën jap tunaanp ma tsajptëjkën: Ja naax mëti'ipë nya'ëwtijtypyën ja tsajptëjk wa'ats nëjkx y'ity.

Números 19:14

Ko pën y'ookëty ma tu'uk yë wit tëjkën, tyaa myiny yë ënä'ämën tii mëpaat yajtunyën: tëkokyë yë ja'ayëty, mëti'ipë ënäty jap yajpatëpën ma ja wit tëjkën ets näjyëtu'un pën jap tëjkëpën, ëxëëk nëjkx wyë'ëmta'atë jam Tios wintum, wëxtujk xëëw ëxëëk yajpaatëty.

Números 6:13

Ko ënäty kyä'pxy ja xëëw jëmëjt ma ja wyaantakën y'ëtukyën, ja nazareo ja'ay kënu'kxypyë jam mëpaat nyijkxy ma yajnitëkën ja wit tëjk ma ja näpyaatë y'ityën mëët yë Tios.

Números 5:29

Yaa tnikäjpxy wi'ix mëpaat yajnijawën, ko yë to'oxytyëjk ka'ap tmëj'ix tmëjpëjkta'akëty yë nyiye'etyëjk ets yë'ë nyi'akë'atëtëty.

Levitico 14:54

Yaa jëtu'un të yajnimëtyä'äky wi'ix ja pu'ts pa'am ets ja pa'ayë mëpaat yaj'ixyën.

Levitico 14:32

Yaa jëtu'un yajnimëtyä'äky yë ja'ayëty, mëti'ipë yë pu'uts pa'am pëjkëtëpën ets mëti'ipë ka'ap ja wit meeny mëj këjää tmëët'atën. Wi'ix mëpaat tyäkyën ja wintsë'kën, ko ënäty ja näypyuj näjyä'ätsë tuny ets wa'ats wyë'ëmnë.

Levitico 14:2

Yaa yajnimëtyä'äky wi'ix mëpaat jatëkok yë ja'ay wyä'ätsyën mëti'ipë yë pu'uts pa'am të pyikyën, ja pa'amja'ay jam yajmënëjkxëty ma ja teetyën,

Levitico 13:59

Yaa jëtu'un të yajnimëtyä'äky wi'ix yaj'ixëtyën yë wit, po'oxuy ëkë wit tä'äky, ko yë pu'uts pa'am pyaatëtëty ets yajnijawëty pën wa'ats ënäty ëkë pën ëxëëk.

Levitico 11:46

Yaa jëtu'un të yajnikäjpxy mëti'ipë ja jëyujkëty ëxëëkëtyën ets wa'atsëtyën, tä yë joonën ets mëti'ipë nëëjoty juukyajtëpën ets tëkokyë mëti'ipë jëtu'unyë naaxwin'a'tstëpën.

Levitico 15:16

Ko tu'uk yë ye'etyëjk tyukjënakëtëty yë myëjaaw ma ye'etyëjk'ajtënën, yajxon nyäpyuj nyäjyä'ätsëtëty ets tpujta'ajëty tëkokyë yë jyot nyini'kx ets ëxëëk yajtijëty tyimkutsu'ujëty.

Levitico 15:31

Jëtu'un'äämpy jëtu'un ja ëxëëkajtën jëkäm yajpaatëty ma Israel ja'ayëtyën, këtiipë y'ooktëty, mëët ko ënäty tyaj'ëxëëkëtë ja it naaxwiinyëtë maas ëjts n'ityën.

Levitico 15:33

Näyjyëtu'un ko ja to'oxytyëjk tyukjënakëtëty ja jyot myëjaaw ma ja u'unk maay tyajja'tën naaxwiiny. Wä'än yë'ëjëty yë ye'etyëjk ëkë to'oxytyëjk ya'atë jëtu'un tyunëp, ko jëtu'unpë ja jotmay tmëët'atëty ets näjyëtu'un ko ja ye'etyëjk tmëëtko'knëty tu'uk ja to'oxytyëjk mëti'ipë tukjënajkëpën ja jyot myëjaaw ma ja u'unk maay tyajminy tyajja'tyën.