Levitico 15:31 - Biblia Mixe de Quetzaltepec

³¹ Jëtu'un'äämpy jëtu'un ja ëxëëkajtën jëkäm yajpaatëty ma Israel ja'ayëtyën, këtiipë y'ooktëty, mëët ko ënäty tyaj'ëxëëkëtë ja it naaxwiinyëtë maas ëjts n'ityën.

Levitico 15:31 ပူးပေါင်းရင်းမြစ်များ

Números 19:20

Pën ja ja'ay mëti'ipë ëxëëkën ka'ap nyäpyujy nyäjye'etsyë, nëjkxëp yajjo'otsy ma ja kyajpnën. Jä'ä ko ja Wintsën ja tyëjk yaj'ëxëëktëjkëyëp. Mëëtkyëjxm ko ja kënu'kxynyëë ka'ap të yajtuknixijkxy, paaty yë'ë ëxëëk yajpaaty.

Ezequiel 5:11

Ëjts mëti'ipë Wintsën'ajtpën, ëjts ënaanp ets nkë'ëmjuukyajtënës yam ntukajpxpejtyp: Jä'ä ko miitsëty tëë yë ntsajptëjkës xyaj'ëxëëkëtë mëët yë awinax ka'apë ëxëëkpë ets aakjä'ä të xytyuunëtë, mëti'ipë yaj'ëxëëk'ijxpën, näjyëtu'un miitsëty nyajkutëkoyantëp yam ka'ap mpa'ëyowa'antë.

Números 19:13

Pën tyoompy yë o'kpë ets ka'ap ja wa'atsajtën tpaaty Tios wintum, yë Tios yë wyittëjk yaj'ëxëëktëjkëp, e paaty nëjkxëp yajjo'otsy ja xyëëw ma ja Israel kajpnën, jä'ä ko ka'ap ja kënu'kxynyëë të yajtuknixijkxy.

Ezequiel 23:38

Ko jëtu'un winë të tuntë ëjts jëtu'un të xytyuntë, jä'ä ko yë'ëjëty tu'kxëëyë ojts yë njëën ntëjkës tyaj'ëxëëkëtë ets tu'kxëëyë ojts yë npo'kxën nxëëwës tukxi'iktë.

Números 5:3

Yajpëtsëmtë tääpë ja'ayëty ma miits m'itën mtsëënëtën, ye'etyëjk to'oxytyëjk. Jëtu'un ka'ap jyam'atëty ëxëëkpë ma miitsëtyën, maas näjyëtu'un nyajpaatyën.

Judas 1:4

Jä'ä ko tëë ja ja'ay jya'të mëët ja näwyin'ë'ënën mëti'ipë ja Tios ojts tëëyëp tnikäjpxyën ko nyëjkxa'antë ëyo'ontum. Ëxëëk ja'ay yë'ëjëty, je'eyë nëkoo ja Tios ja y'aaw y'ayuk tyajnaxtë kajpxpäjn ma ëxëëkajtën tuntën. Ka'ap tmëjpëjkta'aktë ja Tios ja y'oyajtën, ni'ikyënëm t'ixtijtë ja Tios ja myëj'ajtën ets ja Jesukristë ja kyutujkën.

Hebreos 10:29

¿wi'ix jëtää tkapaatëty ja tëytyu'unën mëti'ipë ja Tios U'unk kyamëjpëjktäkpyën, mëti'ipë jëtu'un tyuuntëpën ijxtëm jeexyë t'atään tuktääntën; mëti'ipë pyäjxtëpën ja Jesús ko të y'ooky ets ka'ap t'oyjya'awëtë ja Kënu'kxymyëkajtën, mëti'ipë tsojkëtëpën? Tääpë ne'pny yë'ë myë'ijtyp ja käjpxytyu'unën ets yë'ë mëët të yajkënu'kxtë.

1 Corintios 3:17

Pën yajkwintëkoopy ja Tios ja tsyajptëjk, yajwintëkoopy näjyëtu'un ja Tios; jä'ä ko wa'ats ja Tios ja tsyajptëjk ets miitsëty Tios mtsajp tëjk'ajtëtëp.

Ezequiel 44:23

Yë teetytyëjkëty kopkpëky ko yë nnaax nkajpnës tukni''ixëtëty mëti'ipë kënu'kxyën ets mëti'ipë ka'ap kyënu'kxyëtyën, mëti'ipë wa'atsën ets mëti'ipë ka'ap wya'atsëtyën.

Daniel 9:27

E ja tu'k sëmaanpë wyi'imyën, jää nëjkx mëët kanaak yë naax kajpn käjpxytyu'unën tuny, e sëmaanjoty jää t'akajpxtuka'any këtiipë wintsë'kën yajyäkyën. Ets tu'uk yë mëjpoky yajtuna'any ma ja wintsë'kënytyaknën ma yajyäkyën ja wintsë'kën, koonëm ja o'kën tyukja'tëtëty ja mëti'ipë ënäty ja ëxëëkajtën tyuuntëkoopyën.

Salmos 66:18

Ko jeexyë y'ëxëëkëty yë nwinma'anyës, kajxyëp yë Wintsën të tmëtoow'ity yë n'aaw n'ayukës;

Deuteronomio 24:8

Ko pën pyëkëtëty ja ëxëëk pu'uts pa'am, jëtu'un mëpaat xytyuntë, tä ja ënä'ämën myinyën mëti'ipë ja Leví ja'ayëty nyikajpxtëpën mëti'ipë teety'ajtëpën. Jëtu'un xytyuntëty, tä yë'ë të ntuk'ënä'ämtënës xytyuntëty.

Levitico 21:23

Je'eyëp ko ka'ap tjëkyepy jap nyëjkxëty jëxkë'p'äämpy ma wyit'atëëytyukëtyën ets ma ja wintsë'këntyaknën. Këtiipë jëtu'un ja y'oyajtën ja ntëjkës kyayajwinkutsë'ëkëty, ko ënäty yë'ë ka'ap y'oyëty myëkëty ets kyakä'pxyëty. Ëjts jëtu'un Wintsën mëti'ipë yë'ëjëty kënu'kxëtëpën.

Levitico 20:3

Ëjts ntëytyunäämpyës ets nyaj'ookäämpyës tääpë ja'ay, mëët ko ënäty të t'ëxëëktuny ja n'ijtaknës ets ko ënäty ja nxëëwës ja wa'atspë të tjaamteeny të tnaaxteeny. Ko ja y'u'unk të tkë'ëyajkpë ma ja wiink tiosën mëti'ipë xyëëwajtypyën Moloc.

Levitico 19:30

Wintsë'ëkëtë yë nxëëwës ma po'kxënxëëw y'ityën. Wintsë'ëkëtë yë njëën ntëjkës. Ëjts jëtu'un Wintsën.

Levitico 13:59

Yaa jëtu'un të yajnimëtyä'äky wi'ix yaj'ixëtyën yë wit, po'oxuy ëkë wit tä'äky, ko yë pu'uts pa'am pyaatëtëty ets yajnijawëty pën wa'ats ënäty ëkë pën ëxëëk.

Levitico 11:47

Ets jëtu'un yajnijawëty mëti'ipë wa'atsën ets mëti'ipë ka'ap wya'atsëtyën, mëti'ipë jëyujk jyëkyejpy yajtsu'utsëtyën ets mëti'ipë ka'ap tjëkyepyën yajtsu'utstsëtyën.

Levitico 15:32

Yaa jëtu'un të yajnimëtyä'äky, ko yë naaxwiinyëtë ja'ay tyukjënakëtëty yë jyot myëjaaw ma ye'etyëjk'ajtënën. Ko jëtu'un xëmë jyatëty kyëpätëty ets jëtu'un ëxëëk wyë'ëmëty.

1 Samuel 3:14

Paatyës yajxon ntimkyajpxwë'ëmy mëëtpë yë Eli y'u'unk tyo'oxytyëjk, ko yë nyëë pyokyëty ka'ap nijëna'a nimä'kxëtyës, oyxyëp tjayajktëpë kanaak yë wintsë'kën.

Ezequiel 36:17

Ko yë Israel ja'ayëty jam tsyënaaytyë ma nyaax kyajpnëtyën, ojts tyaj'ëxëëkëtë mëët y'ëxëëktu'un y'ëxëëk kajpxënëty. Ëxëëk ja jyuukyajtën ojts n'ijxëtës ets ka'ap myëtënaaynyëty.