Levitico 15:21 - Biblia Mixe de Quetzaltepec

²¹ Pën jam najxp ma ënäty yë'ë të myä'äy të pyo'kxyën, kopkpëky ko wyit tpujëty ets kë'ëm nyäpyujëtëty wa'ats mëët yë nëë ets ëxëëk wyë'ëmëty tyimkutsu'ujëty jëtu'un.

Levitico 15:21 ပူးပေါင်းရင်းမြစ်များ

Apocalipsis 7:14

Ets n'ëtsooyës: Wintsën, mijts mnija'ap. Ets xynyëmaayës: Yë'ë mëti'ipë mëj ëyo'on të tyajnaxtën ets të pyokywya'atstën mëët ja nye'pyny ja Kupixyny U'unk.

Hebreos 9:26

Ko jeexyë jyëtu'unëty, kanaak'ok jeexyë ja Kristë të y'o'knë maju'unëm tsyo'otä'äkyën ja naaxwiinyëtë. E tyaa ma ja xëëw jëmëjt ntuk'ijt ntuktsëna'ayëmën, tëë tu'k'ok ja Kristë myiny ets xëmëkyëjxm yajpaata'any, ko të nyäxy ijxtëm tu'uk ja wintsë'kënën mëti'ipë ja poky jyëpëkäämpyën.

2 Corintios 7:1

Jëtu'un, mëku'uktëjkëty, yë'ë jëtu'un ya'atë waantä'äky nmëët'ajtëmë. Paaty nyaj'ijtmëty wa'ats ja ni'kx'ajt nkopk'ajtëm ets ja njoot'ajt nja'awën'ajtëmë näjyëtu'un ets ntsë'këmëty ja Tios, tsojk ntu'unëm ja oypyë ets ja wa'atspë Tios wyintuuy.

Isaías 22:14

Yë Wintsën mëti'ipë maaytyääyëpën winë, tëëjës xy'ënëëmë: Ëjts ka'apës tääpë ja'ayëty npokymyä'kxa'any; miits jëyëjp m'ookantëp ok yë'ëjëty. Jëtu'un y'ënä'äny ja Wintsën mëti'ipë maaytyääyëpën winë.

Levitico 15:20

Pën maa yë'ë nyaaxweetsy ma ënäty tyukjënäkyën ja jyot myëjaaw, ëxëëk y'awinpitëty; näjyëtu'un ma myä'äy pyo'kxyën ëxëëk jam y'awinpitëty.

Levitico 15:22

Pën tyoompy ja ënyääypyäjn, ma ënäty yë'ë të y'u'unyën, kopkpëky ko wyit tpujëty ets kë'ëm nyäpyuj nyäjyä'ätsëtëty wa'ats mëët yë nëë ets ëxëëk wyë'ëmëty tyimkutsu'ujëty jëtu'un.

Levitico 11:24

E miitsëty ëxëëk nëjkx mwë'ëmtë: Ko pën tonëty yë jëyujk'ooky, ets jëtu'un tyimkutsu'ujëty.

Números 19:22

Pën yë ja'ay ëxëëk yajpaaty Tios wintum ets tii tnixajëty ëkë tonëty, näjyëtu'un ënäty winë tyaj'ëxëëkë. E pën tu'uk yë ja'ay wa'ats yajpaaty ets tonëty yë myëku'uk, mëti'ipë ëxëëk yajpatpën, nëjkxëp y'ëxëëktëkë ets tsuupaat wyë'ëmëty ëxëëk.