Levitico 15:14 - Biblia Mixe de Quetzaltepec

¹⁴ Kom tëtujk xëëw yë'ë myënëjkxëp jam ma ja teetyën mäjtsk yë muuxy, mäjtsk yë pak ets jëtu'un jam tyakëty ma ja wit tëjkën ma ja näpyaatë y'ityën.

Levitico 15:14 ပူးပေါင်းရင်းမြစ်များ

Levitico 12:8

Pën yë u'unktaak ka'ap nyäy'a'ixëty tjuyëty tu'uk yë kupixyny, jyëkyäpëp je'eyë mäjtsk tyakëty yë muuxy ets mäjtsk yë pak, tu'uk mëti'ipë nyino'okëpën ets tu'uk mëti'ipë yakëpën, tääts ja pokymyä'kxën tpaatëty. E ja teety yë'ë y'amëtowëp ja pokymyä'kxën mëët ja to'oxytyëjk ets ja to'oxytyëjk wyë'ëmëty wa'ats.

Hebreos 10:14

Jä'ä ko tu'ukyë ja wintsë'kën të y'ity ets xëmëkyëjxm të tyajwatsta'ay tëkokyë mëti'ipë ja Tios të kyënu'kxëtën.

Hebreos 10:12

E ja Kristë tëë tyäky ja wintsë'kën tu'k'okyë ko ja ja'ay pyokymëët'atë, tääts nyaaxwe'tsy Tios y'aka'any'äämpy.

Hebreos 10:10

E tëë ja Tios xykyënu'kxëmë jä'ä ko ja Jesukristë të tuny mëti'ipë ja Tios tsyojkpyën, tëë tkë'ëyäky ja nyi'kx kyopk ets të wyintsë'kën'aty je'eyë tu'ktëkokyë.

Hebreos 7:26

E jëtu'un yë Jesús, të nyäxy Mëj teety wintsën mëti'ipë ënäty nyajmëyajtëmën. Yë'ë kënu'kxy, wa'ats, ka'ap poky tmëëtëty, ka'ap pyokyjä'äyëty ijxtëm ëëtsajtëmën, wäänë këjxm yë'ë y'ity këtiinëm ja tsajp.

2 Corintios 5:21

Kristë nitii poky ojts tkatuny, je'eyë ko ëëtskyëjxm ja Tios pyëjktakë ijxtëm jeexyë ja poky tmëët'atyën, jëtu'unts ja Tios xyaj'ëwaatsëpëtsë'emëty mëët ja Kristë.

Números 6:10

E kom tuktujk xëëw mäjtsk tmënëjkxëty yë muuxy ma teetyën, jam ma yajnitëkën yë wit tëjk ma ja näpyaatë y'ityën mëët yë Tios.

Levitico 12:6

Ko ënäty të kyä'pxy ja xëëw po'o mapaat nyäyajwa'atsëtëtyën, pën yë'ë të tyajmëxu'unk'aty yë ye'etyëjk, ëkë pën to'oxytyëjk, yë'ë myënëjkxëp jam ma wit tëjkën tu'uk yë kupixyny tëëpë jyëmëjtën ets tmo'ojëty yë Tios no'oky xämy ets tu'uk yë pak ets tu'uk yë muuxy mëti'ipë tyukwintsë'ëkëpën ja Tios mëët pyokykyëjxm. Tëkokyë ya'atë yë'ë tyukë'ëtëjkëtya'ajëp yë teety,

Levitico 1:14

Pën tyukwintsë'ëkëjäämpy yë Tios tu'uk yë joon ets nino'oky tyaka'any, yë'ë yajtunëp tu'uk yë muuxy ëkë yë kuuk.