Levitico 14:57 - Biblia Mixe de Quetzaltepec

⁵⁷ Jëtu'un'äämpy tjëkyäpëty yajnijawëty mëti'ipë ëxëëkën ets mëti'ipë wa'atsën. Yaapaat jëtu'un yajmëtyakta'ay ja pa'am mëti'ipë xyëëwajtypyën pu'uts pa'am.

Levitico 14:57 ပူးပေါင်းရင်းမြစ်များ

Levitico 10:10

Jëtu'un wyinkëxë'ëkëty ko miitsëty mkënu'kxy'atë, mëët ja mëti'ipë ka'ap kyënu'kxëtyën ets ko mwa'ats'atë mëët ja mëti'ipë ka'ap wya'atsëtyën.

Ezequiel 44:23

Yë teetytyëjkëty kopkpëky ko yë nnaax nkajpnës tukni''ixëtëty mëti'ipë kënu'kxyën ets mëti'ipë ka'ap kyënu'kxyëtyën, mëti'ipë wa'atsën ets mëti'ipë ka'ap wya'atsëtyën.

Jeremias 15:19

Jëtu'un yë Wintsën y'ënä'äny: Pën mijts mwinpijtp jatëkok maas ëjtsën, mijts nkupëkäämpy etsës xymyëtunëty. Pën mijts mmajts'ijtyp ja mwiin m'aaw ets ka'ap nëkoo ayuk xy'ixkäjpxy, yi'iyë mnikäjpxyp mëti'ipë tëy jaantyën; jyëkyäpëp xynyikajpx xynyimëtya'akëty ëjts yë n'aaw n'ayukës. Yë'ë, nëjkxëp mniminyë ets mijts, nëjkxëp xynyinëjkxy.

Deuteronomio 24:8

Ko pën pyëkëtëty ja ëxëëk pu'uts pa'am, jëtu'un mëpaat xytyuntë, tä ja ënä'ämën myinyën mëti'ipë ja Leví ja'ayëty nyikajpxtëpën mëti'ipë teety'ajtëpën. Jëtu'un xytyuntëty, tä yë'ë të ntuk'ënä'ämtënës xytyuntëty.

Levitico 14:56

ko muum ma nini'kxën kyëxë'ëkëty, ko muum pyu'utsëty ëkë ko muum tiipa'ayë pyëtsëmëty.

Levitico 15:1

Ënät yë Tios ojts tmëkäjpxy yë Moisés ets Aarón ets t'ënëmaay:

Levitico 13:59

Yaa jëtu'un të yajnimëtyä'äky wi'ix yaj'ixëtyën yë wit, po'oxuy ëkë wit tä'äky, ko yë pu'uts pa'am pyaatëtëty ets yajnijawëty pën wa'ats ënäty ëkë pën ëxëëk.