Levitico 14:54 - Biblia Mixe de Quetzaltepec

⁵⁴ Yaa jëtu'un të yajnimëtyä'äky wi'ix ja pu'ts pa'am ets ja pa'ayë mëpaat yaj'ixyën.

Levitico 14:54 ပူးပေါင်းရင်းမြစ်များ

Levitico 15:32

Yaa jëtu'un të yajnimëtyä'äky, ko yë naaxwiinyëtë ja'ay tyukjënakëtëty yë jyot myëjaaw ma ye'etyëjk'ajtënën. Ko jëtu'un xëmë jyatëty kyëpätëty ets jëtu'un ëxëëk wyë'ëmëty.

Levitico 14:32

Yaa jëtu'un yajnimëtyä'äky yë ja'ayëty, mëti'ipë yë pu'uts pa'am pëjkëtëpën ets mëti'ipë ka'ap ja wit meeny mëj këjää tmëët'atën. Wi'ix mëpaat tyäkyën ja wintsë'kën, ko ënäty ja näypyuj näjyä'ätsë tuny ets wa'ats wyë'ëmnë.

Deuteronomio 24:8

Ko pën pyëkëtëty ja ëxëëk pu'uts pa'am, jëtu'un mëpaat xytyuntë, tä ja ënä'ämën myinyën mëti'ipë ja Leví ja'ayëty nyikajpxtëpën mëti'ipë teety'ajtëpën. Jëtu'un xytyuntëty, tä yë'ë të ntuk'ënä'ämtënës xytyuntëty.

Números 19:14

Ko pën y'ookëty ma tu'uk yë wit tëjkën, tyaa myiny yë ënä'ämën tii mëpaat yajtunyën: tëkokyë yë ja'ayëty, mëti'ipë ënäty jap yajpatëpën ma ja wit tëjkën ets näjyëtu'un pën jap tëjkëpën, ëxëëk nëjkx wyë'ëmta'atë jam Tios wintum, wëxtujk xëëw ëxëëk yajpaatëty.

Números 6:13

Ko ënäty kyä'pxy ja xëëw jëmëjt ma ja wyaantakën y'ëtukyën, ja nazareo ja'ay kënu'kxypyë jam mëpaat nyijkxy ma yajnitëkën ja wit tëjk ma ja näpyaatë y'ityën mëët yë Tios.

Números 5:29

Yaa tnikäjpxy wi'ix mëpaat yajnijawën, ko yë to'oxytyëjk ka'ap tmëj'ix tmëjpëjkta'akëty yë nyiye'etyëjk ets yë'ë nyi'akë'atëtëty.

Levitico 14:2

Yaa yajnimëtyä'äky wi'ix mëpaat jatëkok yë ja'ay wyä'ätsyën mëti'ipë yë pu'uts pa'am të pyikyën, ja pa'amja'ay jam yajmënëjkxëty ma ja teetyën,

Levitico 11:46

Yaa jëtu'un të yajnikäjpxy mëti'ipë ja jëyujkëty ëxëëkëtyën ets wa'atsëtyën, tä yë joonën ets mëti'ipë nëëjoty juukyajtëpën ets tëkokyë mëti'ipë jëtu'unyë naaxwin'a'tstëpën.

Levitico 7:37

E yaa jëtu'un yajnimëtyä'äky, wi'ix mëpaat yajyäkyën ja wintsë'kën mëti'ipë yajnino'okëpën, ja aaypyajk ujtspajk mëti'ipë ayajkën'at ako'onën'atëpën, ja nyiwintsë'kën ko pën tii poky tunëty ets ko pën tyuuntëkoyëty, ja nyi'ayajk nyi'ako'onën ko pën nyäpyuja'an nyäjyä'ätsa'anëtëty ets ja nyiwintsë'kën ko pën ja nay'ëëw'oy näykyajpx'oyë tuna'anëty.

Levitico 7:1

Ja wintsë'kën mëti'ipë yajtukuyajkpën ja nëë poky, yë'ë tu'uk yë wintsë'kën janty wa'atspë. Yaa yajnikäjpxy wi'ix mëpaat yajtunyën.

Levitico 6:25

Tukmëmëtya'ak yë Aarón yë y'u'unk y'ëna'k ya'atë ënä'ämën; ko ënäty tyaktë ja wintsë'kën, mëët ko të pyokytyuntë, ja jëyujk tsajpkaa yo'kkumy tyaj'ooktëty Tios wintum, jam ma y'ooktën ja jëyujkëty mëti'ipë yajnino'ktëpën. Yë wintsë'kën wa'ats kënu'kxy yë'ë.

Levitico 6:14

Yaa jëtu'un myiny kuja'ay ma yajnimëtyä'äkyën, wi'ix mëpaat yajmo'oyën yë Tios yë aaypyajk ujtspajk; yë teetytyëjkëty jam mëpaat tpëjkta'aktë ma wintsë'këntyaknën ma jam yë Tios yajpaatyën.

Levitico 6:9

Tukmëtow ja Aarón ets y'u'unk y'ëna'k tii mëpaat tuntën ko ja jëyujk tno'oka'antëty, ja jëyujk mëti'ipë të wyintsë'kën'atyën tu'ktsu'um mëpaat jam tsyuunaxy ma ja jëënpajkën ets jam nyitoyëty.

Levitico 14:53

Tääts ok t'ëxmatsëty ja muuxy mëti'ipë juukyën jam kajpnpë'am. Jëtu'un ënäty ja tu'unën kajpxën të yajtuny ma ja tëjk yajpujy yaje'etsyën ets jëtu'un të wyä'ätsy.

Levitico 13:3

Ja teety yë'ë y'ixëp pën tii ënäty ja ja'ay myëët'ajtyp ma nyini'kxën, ko y'akëxë'ëkëty poop ma ja nyi'u'kxyën ets tëë kyëktëkë, yë'ë ënäty ja pu'uts pa'am. Ko jëtu'un ja teety t'ixëty tääts tnikajpxëty ko tääpë ja'ay ëxëëk yë'ë.