Levitico 14:52 - Biblia Mixe de Quetzaltepec

⁵² Jëtu'un ënäty ja tëjk ja näypyuj näjyä'ätsë tpaaty, mëët ja nye'pny ja muuxy mëti'ipë ënäty të y'ookyën, ja nëë mëët ja muuxy mëti'ipë juukyën, mëët ja ajë kepy, mëët ja tsaptswit ets mëët ja hisopo ujts apity.

Levitico 14:52 ပူးပေါင်းရင်းမြစ်များ

Levitico 14:4

Ënät tuk'ënä'ämëty yë ja'ay, mëti'ipë ënäty wa'atsaanpën ets tmëminëty mäjtsk yë joon, mëti'ipë juukyën ets wa'atsën ets tmëminëty näjyëtu'un yë ajë kepy, witëty mëti'ipë tsapts yë y'ujkën ets hisopo ujts.

Levitico 14:51

Tääts tkajpë'ëkëty ja ajë kepy, ja hisopo ujts, ja tsaptswit ets ja muuxy mëti'ipë juukyën. Ënät ne'pnykyutijta'ajëty ets näjyëtu'un mëët ja nëë ets txijkxëty jap tëkoty wëxtujk'ok.

Levitico 14:53

Tääts ok t'ëxmatsëty ja muuxy mëti'ipë juukyën jam kajpnpë'am. Jëtu'un ënäty ja tu'unën kajpxën të yajtuny ma ja tëjk yajpujy yaje'etsyën ets jëtu'un të wyä'ätsy.