Levitico 14:5 - Biblia Mixe de Quetzaltepec

⁵ Ënät tni'ënä'ämëty ets y'ookëty tu'uk ja joon tu'tsnëkëjxy mëti'ipë myëëtën yë nëë.

Levitico 14:5 ပူးပေါင်းရင်းမြစ်များ

Hebreos 2:14

Jëtu'un ijxtëm ja ja'ay tu'kjëëky tu'kmëku'ukpë ja jot ne'pyny tmëët'atën, jëtu'un ja Jesús y'ijty mëët ja Tios ets mëët ja o'kën tmëmëtaktaay ja ëxëëkpë, mëti'ipë ijty o'kën tëko'oyën myëët'ajtypyën.

Levitico 14:50

Ënät tyaj'ookëty tu'uk ja muuxy tu'tsnëkëjxy, mëti'ipë myëët'ajtypyën yë nëë.

2 Corintios 13:4

Tëy ko jëtu'un ojts kyëruutspety ijxtëm jeexyë tkamëët'atyën ja mëk'ajtën, je'eyëp ko juuky'ajtp ja tyam mëët ja Tios Teety ja myëk'ajtën. Näyjyëtu'un ëëtsëty yë Kristë nmë'ëyoowpättës, je'eyëp ko Tios xymyëk'ajtënmooytyëpës ets njuuky'attës mëët ja Kristë ets miits nputëkëtëty.

2 Corintios 5:1

Jëtu'un ëëtsajtëm tä tu'uk ja tëjkën naaxwiinypë yajpaatyën, tä wit tëjkën mëti'ipë ka'ap jeky y'ityën; je'eyëp ko nnija'awëm pën ya'atë tëjk wintëkoopy, tap ja Tios xytyukjëjp'ijxëm tu'uk ja tëjk tsajpjotm mëti'ipë xëmëkyëjxm ijtpën, mëti'ipë ka'ap jyä'äyëty të tkojyën.

2 Corintios 4:7

Ijxtëm ja ja'ay ja myeeny tpëjkë'ëkyën naax tu'tsjoty, jëtu'un ya'atë oyajtën nmëët'ajtëmë ma ja ni'kx'ajt nkopk'ajtëmën ets nyikëxë'ëkëty ko jam tsyoony ma Tiosën.

Números 5:17

Tääts wäänë yë kënu'kxynyëë tjä'pëtsëmëty jap tu'tsjoty ets jap tkuwookëty yë naaxway mëti'ipë ënäty të two'okë'ëkyën naaxkëjxy japë yajpaatyën ma Tios yë wyittëjkën.

Levitico 14:4

Ënät tuk'ënä'ämëty yë ja'ay, mëti'ipë ënäty wa'atsaanpën ets tmëminëty mäjtsk yë joon, mëti'ipë juukyën ets wa'atsën ets tmëminëty näjyëtu'un yë ajë kepy, witëty mëti'ipë tsapts yë y'ujkën ets hisopo ujts.

Levitico 14:6

Ënät tmatsëty ja joon mëti'ipë juukyën ets tkajpë'ëkëty ja ajë kepy ets tpëjkë'ëkëty ja tsaptswit ets ja hisopo ujts ets nëjkx tukpatijta'ay ja nye'pny ja joon mëti'ipë ënäty të y'ookyën.