Levitico 14:34 - Biblia Mixe de Quetzaltepec

³⁴ Ko ënäty miitsëty jam myajpatnëtë Canaán, ma ja it naaxwiinyëtën mëti'ipë nmooytyëpën etsës ajotkumonë nkäxëty yë pa'am mëti'ipë xyëëwajtypyën pu'uts pa'am, ma mjëën mtëjkëtyën oymyëti'ipë naax myëti'ipë kajpnëty.

Levitico 14:34 ပူးပေါင်းရင်းမြစ်များ

Deuteronomio 32:49

Nëjkx jam Abarim ets mpätëty jam Nebo kopkkëjxm. Yë y'itjot yë Moab ja'ayëty, mëti'ipë mëët nyäwyinku'ixëtyën yë Jericó, jamts mku'ijxnaxëty ets xynyinas'ixëty Canaán itjot, mëti'ipës nmo'ojäämpyën yë Israel ja'ayëty ets yë'ë tjä'ä'atëty.

Génesis 17:8

Mijts ets yë'ëjëty nmo'ojantëp yë naaxwiinyëtë jampë Canaán ma mijts tyam mtsëënën ets yë'ë tkuma'ayën'atëty, etsës ëjts nTios'atëty.

Números 32:22

ets koonëm ënäty të tmëmëtä'äky ja naax kajpn, jää tëy, oy jää mwinpijtnëtëty jam Wintsën wintum ets näjyëtu'un ma ja Israel ja'ayëtyën. Tääpë naax miits nëjkx xyjyä'ä'atë ets Wintsën nëjkxëp t'a'ixë.

Miqueas 6:9

Yë'ë yë Wintsën myëkäjpxyp yë naax kajpn, wijyajtën ënäty yajmëët'ajtp ko yaj'amëtoow'itëty mëët yë winkutsë'kën. Mëtoow'itë miitsëty naax kajpn ets miitsëty näs'ë'ëw mnaskajpxëtë.

Amós 6:11

Jä'ä ko ja Tios kyäxäämpy ja nätyiytyunë ma ja jëën tëjkën mëjatyëtypë ets mutskjatyëtypë ets nëjkx jyajta'ay axit ako'owë.

Amós 3:6

ko yajtukxu'uxy yë tsajpkaawaj, ënätyë ja'ay tsyë'ëkëtë; ko tii ëyo'on kyëtä'äky ma naax kajpnën Wintsënën të tnipëjktaakë.

Isaías 45:7

Ëjts nyajtë'kxyp nyajjäjpy ets ëjts nyajkoots'ajtyp, nyaj'oy'ijtypyës winë ets nyaj'ëyo'onpatypyës tii. Ëjts, maas nWintsën'atyën, ntuuntääpyës oy tyimtiijëty.

Proverbios 3:33

Yë Tios pyojkpy yë ëxëëk ja'ay yë jyëën tyëjk, ets kyënu'kxyp yë oyjyä'äy yë jyëën tyëjk.

1 Samuel 2:6

Yë Wintsën yë'ë yäjkpy yë juukyajtën, ets yë'ë pyijkpy jatëkok; yë'ë yajkutujkpy ets o'ktëy njajtmëty nkëpäjtmëty, ets yë'ë yajkutujkpy ets jotkujk nyajpatmëty.

Josue 13:1

Josué mëjja'ay ënätynyë ko ja Wintsën y'ënëmaayë: Mijts Josué tëë mmëjja'ayënë ets tää yë it naaxwiinyëtë mëti'ipë jaakwë'ëmpën ka'apë xynyiwa'aktënëm.

Deuteronomio 27:3

Jam yajkëxja'ajëty tëkokyë mëti'ipës yam të nikäjpxyën. Mtuntëp jëtu'un ijxtëm yam yajni'ënä'ämën, ko ënäty jam mjajnëtë, ma ja it naaxwiinyëtën ma ka'ap ja jë'kxy pëky y'ëmaaytyä'äkyën, mëti'ipë yë Wintsën mo'ojanëtëpën, mëti'ipë tyukwinwa'anëyën ja m'ap m'okëty.

Deuteronomio 26:1

Ko ënäty jam të mja'ajnë ma ja it naaxwiinyëtën, mëti'ipë yë mWintsën mmo'ojanëpën ets xyjyä'ä'atëty ets ënäty jam të mtsënaaytyaknpëjknë.

Deuteronomio 19:1

Ko ënäty ja Wintsën të tyajkutëkooytyä'äy ja naax kajpn, mëti'ipë jam yajpatëpën ma ja it naaxwiinyëtë mëti'ipë miits mjä'ä'atantëpën ets jam ja mnaax mkajpnëty ets ja mjëën mtëjkëty ënäty të xypyëjktaknëtë.

Deuteronomio 12:1

Ya'atës jëtu'un ënä'ämën'ajtp tëy'ajtën'ajtp, mëti'ipë mtuntëpën ko ënäty jam mjuuky'ajnëtë ma ja it naaxwiinyëtën mëti'ipë ja Wintsën mo'ojanëtëpën, mëti'ipë y'ëwtajtën yë mteety m'apëty.

Deuteronomio 7:15

Yë Wintsën jyëpëkäämpy yë pëjkën ato'onën ma miitsëtyën ets ja ëyo'on jotmay jëtu'unpë tä ja mëti'ipë jap këtakën Egiptë, e jä'ä tëy ja mëti'ipë mëtsip'ajtëtëpën, nëjkxëp ja mëk tyaj'ëyoy mëët ja ëyo'on jotmay.

Números 35:10

Jëtu'un xy'ënëëmëty yë Israel ja'ayëty: ko ënäty miitsëty të xytyuknajxnëtë ja Jordán mëjnëë ets jam mja'ajtnëtëty ma ja it naaxwiinyëtë yajtijyën Canaán.

Números 32:32

Ëëts nëjkxantëpës tsiptuunpë jam Canaán ets nmëmëtowantëpës yë Wintsën. Yi'iyës tëy ntsojktëp etsës xymyo'otëty tääpë naax, mëti'ipë yaatsow yajpatpën ma Jordán mëjnëë nyäxyën.

Levitico 25:2

Tyaa xy'ënëëmëty yë Israel ja'ayëty: ko ënäty miitsëty jam të mjajnëtë ma ja naax kamën mëti'ipë nmo'ojantëpën, yë naax kam nëjkxëp näjyëtu'un xyajpo'kxtë, mëët ko ja Tios yë'ë yajmëjjawë.

Levitico 23:10

Jëtu'un xy'ënëëmëty yë Israel ja'ayëty: ko ënäty miitsëty jam të mjajnëtë ma ja itjotmën, mëti'ipë nmo'ojantëpën ets xynyiyu'ujëtëty ja tsajpmok ets y'itëty wyintëwëty, ko nëjkx xyajpëtë'knëtë ja pëjktä'äky, ja më''ëka'anypë xyajpëtë'ëktën, tu'k'atsumy nëjkx ja teety jëyëjp xymyo'otë.

Éxodo 15:26

Ets t'ënëmaay: Pën mijts mja'akyujkëtyëp tëkokyë mëti'ipë yam ntuk'ënëmaaytyëpën, mëët koos ëjts nWintsën'aty, mëti'ipë miitsëty mTiosajtëpën. Pën mtuuntëp jëtu'un mëti'ipës ntukjotkëtäkpyën, ko ënäty xypyatuntë ja n'ënä'ämënës ntëyajtënës, ka'ap ntuknikäxtëty ja ëyo'on jotmay mëti'ipës jap të nkexyën Egiptë, jä'ä ko ëjts Wintsën mëti'ipë miits myajtsokëtëpën.

Génesis 13:17

Ëkpëtë'ëk ets tukye'eyëtya'a ya'atë it naaxwiinyëtë, jënu'un y'ayenyëty ets jënu'un myëjwiinëtyën. Jä'ä ko ya'atë it naaxwiinyëtë mijts yam ntukë'ëtëkëjäämpy.

Génesis 12:7

Ënät ojts jam yë Tios nyänikëxë'ëky ma Abramkën ets y'ënëmaayë: Ya'atë naaxwiinyëtë yë'ëjës yë m'u'unk m'ok nmo'ojäämpy. Ënät ojts yë Abram pojën t'oytyuny tu'uk ja wintsë'këntyakn, jä'ä ko ënäty jam yë Tios të nyänyikëxë'ëkyë.

Levitico 14:33

Ënät ja Tios ojts tmëkäjpxy ja Moisés ets ja Aarón ets t'ënëmaay:

Zacarías 5:4

Yë Wintsën mëti'ipë maaytyääyëpën winë jëtu'un y'ënä'äny: Jamës ya'atë pojkën nyajkëta'aka'any mëti'ipë miinpën kuja'ay ma ja'ayën mëti'ipë toonp mä'tspën ets mëti'ipë nëkoo je'eyë wyäämpyën yë nxëëwës ëëwpäjn kajpxpäjn. Ets ya'atë pojkën ënätnëm jyëwa'aka'any ko ënäty tëë kyëjxta'ay mya'ta'ay ja tëjkwitsë ets ja tsaa.

Levitico 14:55

Ko pyätëty muum witkëjxy, ëkë ko kyëxë'ëkëty muum ma jëën tëjkën,

Levitico 20:24

Tyam jëtu'un ntukwinwanëtë, ko miits nëjkx xynyiwintsën'atë ja naax kajpn, mëti'ipë yë'ëjëty kyajpn'ajtëpën, ëjts jëtu'un miitsëty kë'ëm ntimmyo'ojantëp tääpë yë naax kajpn, ma ja jë'kxy pëky ka'ap y'ëmaaytyä'äkyën. Ëjts jëtu'un Wintsën mëti'ipë miits mTiosajtëpën ets mëj'äämpy miitsëty mpëjkta'aktë ma ja naax kajpnën ja wiinkëtypë.