Levitico 14:31 - Biblia Mixe de Quetzaltepec

³¹ Tu'uk ja muuxy ëkë ja pak nëjkx yajyäky, mëti'ipë nyiwintsë'kën'atëpën ja nëë poky ets tu'uk mëti'ipë yajnino'okëpën, ëpëky yajyajkpëty ja aaypyajk ujtspajk tä yë ayajk ako'onën. Jëtu'un ja teety tpaatëty ja pokymyä'kxën ma Tiosën, mëti'ipë jyä'ä'ajtypyën ja ja'ay mëti'ipë ja näypyuj näjyä'ätsë pyätypyën.

Levitico 14:31 ပူးပေါင်းရင်းမြစ်များ

Levitico 14:18

Ja on mëti'ipë natëjkëpën, jä'ä tyukujaaxëp ma kyëpajkën, mëti'ipë ënäty ja näypyuj näjyä'ätsë tyuunpyën. Jëtu'un ja teety tpaatëty ja pokymyä'kxën Wintsën wintum ma tääpë ja'ay ja nyëë pyokyën.

Levitico 5:7

Pën kajts ja ja'ay nëkooyë ja wit meeny tmëëtëty, mëti'ipë tyukjuyëpën ja tsajppax ëkë kupixyny. Jyëkyäpëp yë'ë tyakëty Wintsën wintum mäjtsk yë muuxy ëkë yë kuuk mëti'ipë kyunaxëpën ja pyoky. Tu'uk mëti'ipë wintsë'kën'atëpën mëëtkyëjxm ja poky ets tu'uk mëti'ipë yajnino'okëpën.

Levitico 14:30

Tääts ja teety tyakëty tu'uk ja pak ëkë ja muuxy, ëkë tii ënäty pën yakäämpyë mëti'ipë ja näypyuj näjyä'ätsë pyätypyën.

Levitico 14:32

Yaa jëtu'un yajnimëtyä'äky yë ja'ayëty, mëti'ipë yë pu'uts pa'am pëjkëtëpën ets mëti'ipë ka'ap ja wit meeny mëj këjää tmëët'atën. Wi'ix mëpaat tyäkyën ja wintsë'kën, ko ënäty ja näypyuj näjyä'ätsë tuny ets wa'ats wyë'ëmnë.

Levitico 15:15

Tu'uk ja teety tyakëty mëti'ipë ja nëë poky tyukunaxëpën ets tu'uk mëti'ipë yajno'okëpën. Jëtu'un ënäty yajtuny, ma ja ja'ay ja näypyuj näjyä'ätsë tpaatyën Wintsën wintum, mëti'ipë ja myëjaaw tukjënajkëpën ma ja ye'etyëjk'ajtënën.