Levitico 14:21 - Biblia Mixe de Quetzaltepec

²¹ Pën ja ja'ay mëti'ipë pëjkëpën ka'ap nëkooyë ja wit meeny tmëëtëty, oy yë'ë'ajty tyakëty tu'uk yë kupixyny mëti'ipë tyukwintsë'ëkëpën yë Tios, mëët ko ënäty tii tëkatsy të tuny ets tpaatëty ja pokymyä'kxën, näjyëtu'un tyakëty mäjtsk tsim yë tsajpmokway mëti'ipë xëpinyën mëët yë on. Tääts yë'ë tyakëty ets ëpëky tu'k'a'ukën yë on,

Levitico 14:21 ပူးပေါင်းရင်းမြစ်များ

Levitico 5:7

Pën kajts ja ja'ay nëkooyë ja wit meeny tmëëtëty, mëti'ipë tyukjuyëpën ja tsajppax ëkë kupixyny. Jyëkyäpëp yë'ë tyakëty Wintsën wintum mäjtsk yë muuxy ëkë yë kuuk mëti'ipë kyunaxëpën ja pyoky. Tu'uk mëti'ipë wintsë'kën'atëpën mëëtkyëjxm ja poky ets tu'uk mëti'ipë yajnino'okëpën.

Levitico 12:8

Pën yë u'unktaak ka'ap nyäy'a'ixëty tjuyëty tu'uk yë kupixyny, jyëkyäpëp je'eyë mäjtsk tyakëty yë muuxy ets mäjtsk yë pak, tu'uk mëti'ipë nyino'okëpën ets tu'uk mëti'ipë yakëpën, tääts ja pokymyä'kxën tpaatëty. E ja teety yë'ë y'amëtowëp ja pokymyä'kxën mëët ja to'oxytyëjk ets ja to'oxytyëjk wyë'ëmëty wa'ats.

Proverbios 17:5

Pën nyëxikpy tyukxikpy yë ëyoopëja'ay, yë'ë myëtëkoopy mëti'ipë winë yajkojën; mëti'ipë tyukxoontäkpyën ko tyuuntëkoy ka'ap jëtu'unyë nyinaxa'any, koonëm tkumëtowëty.

2 Corintios 8:12

E pën winë aaw winëjot yoxäämpy ja myeeny, kyëwentëpëkäämpy ja Tios wi'ix pën myëtä'äkyën, Tios ka'ap pën t'amëtoy mëti'ipë ka'ap tii tmëëtëtyën.

2 Corintios 8:9

Jä'ä ko miitsëty tëë xynyijawëtë wi'ix ja Wintsën Jesukristë mëyajtën të tunyën. Jesús jam y'ity tsajpjotm, myëët'ajtääpy tu'kë'ëyë winë, je'eyëp ko ojts myiny yaa naaxwiiny; jëtu'un ojts nyäpyëjktä'äkyë ijxtëm tu'uk ja ëyoopëja'ayën mëët jä'äkyëjxm ko të xytsyojkëm ets npatmëty ja jotkujk'ajtën.

Lucas 6:20

Ënät ja Jesús twin'ijxpejty ja y'ijxpëjkpëtëjk ets t'ënëmaay: Akujk jotkujk miitsëty myajpaatë mëti'ipë ëyoowtëpën, jä'ä ko miits mjä'ä'ajtëp ja Tios ja kyutujkën.

Proverbios 22:2

Yë kumeenyjyä'äy ets ëyoopëja'ay tu'knax yë'ëjëty; Tios të yajkojëtë nimäjtskëty.

Job 34:19

Yë'ë ka'ap tpukajpxë yë yajkutujkpëtëjk ets ka'ap yë kumeenyjyä'äytyëjk ni'ik tputëkë këtiinëm yë ëyoowpëja'aytyëjk, jä'ä ko yë'ë yajkojtaay wä'än tpënëty.

1 Samuel 2:8

Tios yajkumeenytyäkpy yë ja'ay mëti'ipë ëyoop jotëkoopyën, ets yajjotkujktäkpy yë ja'ay mëti'ipë o'ktëy yajpatpën. Jam tyajnaaxweetsy ma ja'ay mëj'äämpyëtypë kyäytyën y'uuktën. Jä'ä ko yë Wintsën yë'ë nyiwintsën'ajtyp yë naaxwiinyëtë ets yë'ë kyuwäämpy kyë'ëjotm

Levitico 14:22

mäjtsk yë pak ëkë mäjtsk yë muuxy, yë'ë nyija'ap jënu'un naje'eyë myëtä'äky yë myeeny. Tu'uk mëti'ipë wintsë'kën'atëpën ma ja nëë pokyën ets tu'uk mëti'ipë yajnino'okëpën.

Levitico 5:11

E ko ja nyimeeny tkëpätëty ets jeexyë mäjtsk tjuy ja muuxy ëkë ja pak, jyëkyejpy yë'ë tmënëjkxëty mäjtsk tsimën yë tsajpmokway mëti'ipë jä'ä tyukunaxëpën ja nyëë pyoky. Ka'ap tjëkyepy t'onëty ets ni poom mëpaat tkapëjktä'äky, jä'ä ko ya'atë ayajk ako'onën yë'ë ënäty të yajtuknipëjktaakë ma nëë poky yajmä'kxëtyën.

Levitico 1:14

Pën tyukwintsë'ëkëjäämpy yë Tios tu'uk yë joon ets nino'oky tyaka'any, yë'ë yajtunëp tu'uk yë muuxy ëkë yë kuuk.

Levitico 14:10

Kom tëtujk xëëw mäjtsk tyakëty yë tsajppax ets tëtujk tsim yë tsajpmokway, mëti'ipë nëjkx yaj'oytyunyën mëët yë on ets jëtu'un yë Tios yajmo'ojëty, tä tu'uk yë ayajk ako'onën ets tu'k a'ukën ja on.

Levitico 27:8

E pën ja ja'ay ëyoop ets ka'ap tjëkyepy jëtu'un nyäkyuyakëtëty, tä jyapaatë'atyën, yë'ë nëjkx tyajtëy ja teety, e yë'ëts nyikajpxëp pën jënu'un mëpaat ja ja'ay nyäkyuyäkyë ets jënu'un mëpaat naje'eyë tpaaty ets ja wyaantakën tyaj'ëtukëty.

Ezequiel 46:7

Tu'ukjatypë tsajpkaa ayääkë tyäkyën, i'px tsim tukmëyakëty yë ujtspajk ets näjyëtu'un tukmëyakëty tu'ukjatypë yë kupixyny ayääkë, e yë kupixyny mëjpë yë'ë nyijawëp kë'ëm jënu'un tyaka'any. E i'px tsimjatypë tyäkyën ja ujtspajk tëkëëk tsim ja kujkm tukmëyakëty yë on.