Levitico 14:18 - Biblia Mixe de Quetzaltepec

¹⁸ Ja on mëti'ipë natëjkëpën, jä'ä tyukujaaxëp ma kyëpajkën, mëti'ipë ënäty ja näypyuj näjyä'ätsë tyuunpyën. Jëtu'un ja teety tpaatëty ja pokymyä'kxën Wintsën wintum ma tääpë ja'ay ja nyëë pyokyën.

Levitico 14:18 ပူးပေါင်းရင်းမြစ်များ

Levitico 4:26

Ets ja nyi'on jam tnino'ktaayëty ma ja wintsë'këntyaknën, jëtu'un tä näjyëtu'un yajtunyën ja wintsë'kën mëti'ipë yajyajkpën, ko ja nay'ëëw'oy näykyajpx'oyë y'ity. Jëtu'un'äämpy ja teety tpaatëty ja pokymyä'kxën, mëti'ipë jyä'ä'atëpën ja ja'ay mëti'ipë wintsën ijtpën ets ja pokymyä'kxën tpaatëty.

Levitico 8:12

Tä ja Moisés tukuja'axnë ja kënu'kxy on ja Aarón ets ojts tukmëkënu'kxë ja teety'ajtk.

Levitico 5:16

Ya'atë ja'ay kopkpëky ko jatëkok tkë'ëyakëty mëti'ipë ënäty të tonyën ets ëpëky tjaaknikëjuuypyätëty, tu'kpëky ma ja mëkoxkpën. Yë teety yë'ë nëjkx tmo'oy. Ja teety ënät nëjkx ja pokymyä'kxën tpaaty mëët ko ënäty të tyäky ja kupixyny ayääkë mëti'ipë wintsë'kën'ajtpën, mëti'ipë ja ja'ay jä'ä jyä'ä'atëpën, mëti'ipë ënäty të pyokytyunyën.

Levitico 4:31

Näyjyëtu'un nëjkx yë y'on yajnëtsujkta'ay, tä ja mëti'ipë wintsë'kën'ajtpën ko ja nay'ëëw'oy näykyajpx'oyë y'ity. Jam tnino'okëty ma ja wintsë'këntyaknën mëti'ipë ja Tios yajtukwino'kp yajtukwinxaanpën ets oy xyuuky jyoky. Jëtu'un'äämpy ja teety ja pokymyä'kxën tpaatëty mëti'ipë tääpë ja ja'ay jyä'ä'atëpën.

Éxodo 29:7

Tääts xypyëjkë'ëkëty ja on mëti'ipë yajtukkënu'kxpën ets xykyënu'kxëty ja Aarón ko tyeetyëjkënë, jam kyëpajkëjxm jam ja on xykyëxtämëty.

Hebreos 2:17

Paatykyëjxm näjyëtu'un kopkpëky yajpëjktäky ijxtëm ja myëku'uktëjkën ets jam Tios wyintuuy y'itëty teety wintsën oypyë ets pa'ëyoopë ets ja Tios ja ja'ay tpokmyä'kxëty mëët ja wintsë'kën.

Levitico 14:17

Ja on mëti'ipë ënäty natëjkëpën ma ja kyë'ëjën, yë'ë ja teety pyaxajë'ëkëp ets tuktatskuutsëty ja ja'ay, mëti'ipë ënäty ja näypyuj näjyä'ätsë tyuunpyën. Jam tukuutsëty ma ja a'oypyë ja tyatskpa'ajën, näjyëtu'un ma ja a'oypyë ja kyë'ëkaajën ets ma ja a'oypyë ja tyekykyaajën. Nëkëjxy tkëxkuutsy ma ja ne'pny të t'ëkkëxku'tspën, ja nye'pny ja wintsë'kën ko pën tii tëkatsy tuny.

Números 15:28

Yë teety yë'ë kyë'ëyakëp ja wintsë'kën, mëët ko tääpë ja'ay të pyokytyuny ets ja pokymyä'kxën tpaatëty.

Levitico 4:20

Ko näjyëtu'un yajyakëty ya'atë tsajpkaa ëna'k tä ja mëti'ipë yajkë'ëyajkpën ko ja nëë poky yajtukunaxy. Jëtu'un'äämpy ja teety ja pokymyä'kxën tpaatëty mëti'ipë ja naax kajpn jyä'ä'atëpën ets ja nyëë pyokyëty yajnimä'kxtëty.

Levitico 4:35

Tääts ënät tnëtsujktaayëty ja y'on, jëtu'un tä të yajnëtsujkta'ayën ja y'on ja kupixyny mëti'ipë wintsë'kën'ajtpën, ko ja nay'ëëw'oy näykyajpx'oyë y'ity ets jam tnino'oktëty ma ja wintsë'këntyaknën, tu'kmukyë mëët ja ayajk ako'onën mëti'ipë nino'oky yajtukwintsë'këpën ja Tios. Jëtu'un'äämpy ja teety tpaatëty ja pokymyä'kxën, mëti'ipë ja ja'ay jyä'ä'atëpën mëti'ipë ënäty të pyokytyunyën ets ja nyëë pyoky jëtu'un yajmä'kxëty.

Levitico 15:15

Tu'uk ja teety tyakëty mëti'ipë ja nëë poky tyukunaxëpën ets tu'uk mëti'ipë yajno'okëpën. Jëtu'un ënäty yajtuny, ma ja ja'ay ja näypyuj näjyä'ätsë tpaatyën Wintsën wintum, mëti'ipë ja myëjaaw tukjënajkëpën ma ja ye'etyëjk'ajtënën.