Levitico 14:17 - Biblia Mixe de Quetzaltepec

¹⁷ Ja on mëti'ipë ënäty natëjkëpën ma ja kyë'ëjën, yë'ë ja teety pyaxajë'ëkëp ets tuktatskuutsëty ja ja'ay, mëti'ipë ënäty ja näypyuj näjyä'ätsë tyuunpyën. Jam tukuutsëty ma ja a'oypyë ja tyatskpa'ajën, näjyëtu'un ma ja a'oypyë ja kyë'ëkaajën ets ma ja a'oypyë ja tyekykyaajën. Nëkëjxy tkëxkuutsy ma ja ne'pny të t'ëkkëxku'tspën, ja nye'pny ja wintsë'kën ko pën tii tëkatsy tuny.

Levitico 14:17 ပူးပေါင်းရင်းမြစ်များ

1 Pedro 1:2

mëti'ipëjaty ja Tios Teety ojts wyinwitsëtën tëëyëp ijxtëm yë'ë të tuknipëjktaakën. Ja Tios ja myëk'ajtën miits të mwinma'anymyo'ojëtë ets xymyëmëtowtëty ja Jesukristë ets wa'ats mwë'ëmtëty mëët ja nye'pyny. Wä'än ja Tios ni'ik mmo'ojëtë ja kënu'kxën ets ja jotkujk'ajtën.

Juan 1:16

Ni'ëmukë yë Tios të xykyënu'kxëmë kanaak ok mëjwiin këjää.

Ezequiel 36:27

Mpëjkta'akäämpyës jap ma miitsëtyën ëjts yë njot nwinma'any ets xypyatuntëty ja n'ënä'ämënës ntëyajtënës ets ja mëti'ipës të nkäjpxyën;

Levitico 14:14

Ënät ja teety wäänë tpëjkë'ëkëty yë wintsë'kën ja nye'pyny, mëti'ipë ënäty të yajyäkyën, mëët ko tii tëkatsy të yajtuny ets tuktatskuutsëty ja ja'ay mëti'ipë ja näypyuj näjyä'ätsë tyuunpyën, ma a'oy'äämpyë yë tyatskën ets ma ja tyekykyaajën ja a'oy'äämpyë näjyëtu'un.

Levitico 8:30

Ënät ja Moisés ojts tpëjkë'ëky ja on wäänë, mëti'ipë mëët winë yajkënu'kxyën ets näjyëtu'un ja ne'pny mëti'ipë ënäty jamën ma ja wintsë'këntyaknën, tä ojts tuknixijkxy ja Aarón ets ja y'u'unk y'ëna'k, näjyëtu'un ma ja wyitëtyën, mëti'ipë myëteety'ajtëpën, jëtu'un ojts ja Aarón yajkënu'kxtë mëët ja y'u'unk y'ëna'k ets ja wyit tyujkxyëty.

Levitico 14:16

Ja kyë'ë ja a'oypyë mëët tpaxajë'ëkëty ja on mëti'ipë jam myëët'ajtypyën ma ja y'anajnykyë'ëjën ets wëxtujk'ok txijkxjëtitëty jam Tiosën wyintum.

Levitico 14:18

Ja on mëti'ipë natëjkëpën, jä'ä tyukujaaxëp ma kyëpajkën, mëti'ipë ënäty ja näypyuj näjyä'ätsë tyuunpyën. Jëtu'un ja teety tpaatëty ja pokymyä'kxën Wintsën wintum ma tääpë ja'ay ja nyëë pyokyën.

Levitico 8:23

Ënät ja Moisés ojts ja kupixyny yä'äy tyaj'ooky ets ojts ja nye'pyny tpëjkë, yë'ë ja Aarón ojts tuktatskuutsy ma ja y'a'oytyatskën, ma ja kyë'ëkaajën ja a'oypyë ets ma ja tyekykyaajën ja a'oypyë näjyëtu'un.