Levitico 14:16 - Biblia Mixe de Quetzaltepec

¹⁶ Ja kyë'ë ja a'oypyë mëët tpaxajë'ëkëty ja on mëti'ipë jam myëët'ajtypyën ma ja y'anajnykyë'ëjën ets wëxtujk'ok txijkxjëtitëty jam Tiosën wyintum.

Levitico 14:16 ပူးပေါင်းရင်းမြစ်များ

1 Corintios 10:31

Jëtu'unës yam n'ëna'any, pën mkaaytyëp m'uktëp, ëkë pën tii mtuuntëp mkajpxtëp, jëtu'un winë tuntë ijxtëm ja Tios yajtukmëjjawëtyën.

Lucas 17:18

¿Ya'atë mëti'ipë ka'ap jyutiis ja'ayëty yë'ë nätyu'uk të wyimpity ets ja Tios të tmëjjaw të tjaantyjyawë?

Levitico 4:17

Tääts jap tpaxajë'ëkëty ets txijkxjëtitëty wëxtujk'ok jam Tios wintum, winkon ma jam wyit'atëëytyukëtyën.

Levitico 4:6

ënät ja kyë'ëjëjp näjyëtu'un tukpaatëty ja ne'pny ets yë'ë mëët jam txijkxjëtitëty Tios wintum wëxtujk'ok, jam winkon ma jam ja tsajptëjk mëët ja wit y'atëëytyukëtyën.

Levitico 14:15

Ënät wäänë tpëjkë'ëkëty yë on ets tuk'onëty yë y'anajnykyë'ë.

Levitico 14:17

Ja on mëti'ipë ënäty natëjkëpën ma ja kyë'ëjën, yë'ë ja teety pyaxajë'ëkëp ets tuktatskuutsëty ja ja'ay, mëti'ipë ënäty ja näypyuj näjyä'ätsë tyuunpyën. Jam tukuutsëty ma ja a'oypyë ja tyatskpa'ajën, näjyëtu'un ma ja a'oypyë ja kyë'ëkaajën ets ma ja a'oypyë ja tyekykyaajën. Nëkëjxy tkëxkuutsy ma ja ne'pny të t'ëkkëxku'tspën, ja nye'pny ja wintsë'kën ko pën tii tëkatsy tuny.

Levitico 8:11

Yë'ë ojts mëët ja kënu'kxy on tukënu'kxy ja tsajptëjk wëxtujk'ok. Ojts jam txijkxjëtity ma ja wintsë'këntyaknën ets ma ja apëjk atu'unën ets näjyëtu'un ma ja pujxn kë'ëpujtakn mëët ja nyitënaaypyäjn, jëtu'un'äämpy ojts tkënu'kxy.