Levitico 14:10 - Biblia Mixe de Quetzaltepec

¹⁰ Kom tëtujk xëëw mäjtsk tyakëty yë tsajppax ets tëtujk tsim yë tsajpmokway, mëti'ipë nëjkx yaj'oytyunyën mëët yë on ets jëtu'un yë Tios yajmo'ojëty, tä tu'uk yë ayajk ako'onën ets tu'k a'ukën ja on.

Levitico 14:10 ပူးပေါင်းရင်းမြစ်များ

Éxodo 29:40

Ja mëtu'ukpë ja kupixyny yë'ë mëët xyakëty yë tsajpmokway mäjtsk tsim, olivë on ets xypyikëty tu'ktsim yë tsatym nyëë.

Levitico 1:10

Pën Tios mtukwintsë'këtyëp yë kupixyny ëkë ja tsajppax, yë'ë myaktëp yë yä'äypyë

Levitico 1:3

Pën yë'ë tsajpkaa yakäämpy tä tu'uk yë wintsë'kënën, yë'ë yakëp yë oypyë mëkpë ets mëti'ipë kä'pxyën, jam tyaj'ookëty ma yajnitëkën yë wit tëjk ma näpyaatë y'ityën ets jam ja wintsë'kën tyakëty ets Wintsën tkupëkëty.

Levitico 14:11

Ja teety mëti'ipë ënäty tunaanpën ma ja ja'ay wya'atsa'anyën, jam ja ja'ay twoownëjkxëty ma yajnitëkën ja wit tëjk ma näpyaatë y'ityën, mëët tëkokyë mëti'ipë myëët'ajtypyën. Jëtu'un jam nyäpyuj nyäjyä'ätsëtëty Tios wintum;

Levitico 14:12

Ënät tyaj'ookëty tu'uk ja kupixyny ets tukwintsë'ëkëty ja Tios mëët tu'k'a'ukën ja on, yë'ë nätyuknikëpäjtu'utëtëp mëëtkyëjxm ja pyoky ets jëtu'un tkë'ëmo'ojëty ja Tios ja wintsë'kën tä tyuny'ätyën.

Levitico 14:15

Ënät wäänë tpëjkë'ëkëty yë on ets tuk'onëty yë y'anajnykyë'ë.

Levitico 14:21

Pën ja ja'ay mëti'ipë pëjkëpën ka'ap nëkooyë ja wit meeny tmëëtëty, oy yë'ë'ajty tyakëty tu'uk yë kupixyny mëti'ipë tyukwintsë'ëkëpën yë Tios, mëët ko ënäty tii tëkatsy të tuny ets tpaatëty ja pokymyä'kxën, näjyëtu'un tyakëty mäjtsk tsim yë tsajpmokway mëti'ipë xëpinyën mëët yë on. Tääts yë'ë tyakëty ets ëpëky tu'k'a'ukën yë on,

Levitico 2:1

Ko pën yë Tios tuknimina'anëty yë aaypyajk ujtspajk, yë'ë mëpaat tmëminy yë oyëtypë tsajpmokway ets mëët tukmëpëkëty yë on ets poom.

Levitico 2:11

Këtii yë tsajpkääky tsyooy xypyëjkta'aktëty ma ja m'ujts tëëm m'ujts pajkën, mëti'ipë ja Tios mooytyëpën ets yë'ë näjyëtu'un nikajpxäämpyës, ko yë tsajpkääky tsyooy ets uuxpa'ak këtii xyaktëty jam ma Tiosën nino'oky nixämy.

Levitico 2:13

Tëkokyë yë m'aaytyëëm m'ujts tëëm mtukmëxëpinëp yë kaan, mëti'ipë yë Tios mo'ojëpën ets kaan ka'ap tyëkoy'atëty ma ja m'aaytyëëm m'ujts tëëmën, mëët ko ja käjpxytyu'unën ojts mëët ja Tios yajtuny. Ko yë m'ayajk m'ako'onën xyaka'anëty mëët yë nyikaan xyajkëty.

Levitico 23:13

Nëjkxëp näjyëtu'un tyajmintë yë tsajpmokway me'eypyë mëti'ipë onmëëtën, taxk tsim ja kujkm. Ets yë'ë yë Tios yajtukwinno'okëty ets jya'tëty jam ma yë'ëjën, tä tu'uk yë xu'kën jojkënën oypyë tsujpë.

Levitico 4:32

Pën tääpë ja'ay yë'ë tu'uk myëmiinpy yë kupixyny ets yë'ë pyoky tyukunaxäämpy, yë'ë mëpaat tmëminy yë to'oxypyë, mëti'ipë oy mëkën ets kä'pxyën.

Levitico 9:1

Kom tëtujk xëëw ojts yë Moisés tmëkäjpxy yë Aarón mëët yë y'u'unk y'ëna'k ets näjyëtu'un ja mëjja'aytyëjkëty mëti'ipë jam yajpatëpën ma ja Israel kajpnën.

Números 28:20

Mëët ya'atë wintsë'kën ëpëky nëjkx xytyukmëyakëtë ja ayajk ako'onën mëti'ipë aaypyajk ujts pajkën. Tëtujk tsim nëjkx xytyukmëyakëtë ja tsajpmookway mëti'ipë wo'okëtityën mëët yë on ma tu'ukpë ja tsajpkaayä'äy ayääkën ets taxk tsim ma tu'ukpë ja kupixyny yä'äy tëëpë yä'kpetyën.

Números 6:14

Ets Tios tukwintsë'ëkëty tu'uk yë kupixyny yä'äy mëti'ipë yë jyëmëjtën tu'uk ets yë'ë ja oypyë mëkpë, mëti'ipë ja nëë poky kyunaxëpën. Tu'uk yë kupixynytyo'oxy mëti'ipë jyëmëjtën tu'uk, oypyë mëkpë mëti'ipë wintsë'kën'atëpën ma ja näy'ëëw'oy näykyajpx'oyë y'ityën.

Números 7:43

Ets näjyëtu'un ojts yë y'ayajk y'ako'onën tyäky tä ja mëjëyëjpë ja jyä'äjëty të tyajktën.

Mateo 8:4

Tääts ja Jesús jyaak'ënany: Ix, ka'ap pën xytyuk'ëwaanëty. Nëjkx ma teety wyintsënën ets xytyuk'ixëty ko tëë mtso'oky ets mënëjkxëp ja mwintsë'kën mëti'ipë ja Moisés nyi'ënä'ämëyën, jëtu'un ja ja'ay nijawëtëty ko tëë mtso'oky ets të mwa'atsy.

Lucas 5:14

Ojts ja Jesús tyuk'ëne'emyë: Ka'ap pën xytyuk'ëwaanëty. Nëjkx yë teety wintsën tuk'ix ko tëë mtso'oky ets xytyukmëyoxëty ja Tios ja wyintsë'kën, jëtu'un ja ja'ay nijawëtëty ko tëë mtso'oky.

Juan 1:29

Komjëpom ja Juan t'ijxy ko ja Jesús myëwinkonyë ets y'ënäny: Ixtë, ya'atë jëtu'un ijxtëm ja kupixyny u'unkën, Tios wyintsë'kën mëti'ipë ja naaxwiinyëtë ja'ay yajpokywyätsëpën.

Juan 6:33

Ja tsajpkääky mëti'ipë Tios yäjkpyën, jä'ä tsajpjotm tso'omp ets ja naaxwiinyëtë ja'ay ja juukyajtën tpaaty.

Juan 6:51

Ëjts ja tsajpkääky mëti'ipë juukyajtën yäjkpyën ets tsajpjotmëpë të tsyoonyën, ko pën ya'atë tsajpkääky tkay, xëmëkyëjxm jyuuky'ata'any. Ja tsajpkääky mëti'ipës nyakäämpyën, ni'kx nkopkës ntijpy, mëti'ipës nyakäämpyën ets ja naaxwiinyëtë ja'ay tmëët'atëty ja juukyajtën xëmëkyëjxmëpë.

1 Pedro 1:19

yë'ë mëët ja Kristë nye'pyny, mëti'ipë të wyintsë'kën'atyën ijxtëm tu'uk ja kupixyny u'unkën mëti'ipë ka'ap tii ma'atpë ëxëëkpë tmëëtëtyën.