Levitico 13:55 - Biblia Mixe de Quetzaltepec

⁵⁵ Ko ënäty tëë ja wit y'ëkyajpujy, ënät ja teety jatëkok t'ixëty, pën y'ijxyp ko ka'ap të jyënäky ja ëxëëkpë, jä'ä ënäty ja pu'uts pa'am. Kopkpëky ko nëjkx nyitoy, oy ënäty ja ëxëëkpë ka'ap të kyëjääjë, jä'ä ko tääpë ëxëëkpë yë'ë mëti'ipë ënäty winë yajma'typën, oynyëkëjxyëty ëkë oy pya'tkë'pëty.

Levitico 13:55 ပူးပေါင်းရင်းမြစ်များ

2 Pedro 1:9

Pën ka'ap tyajmëjtëkë ja jëtu'unpë oywyinma'any, jëtu'un ja jyatë ijxtëm tu'uk ja ja'ay wiintspën ëkë mëti'ipë ka'ap jëkämpaat y'ixyën, jä'äkyëjxm ko të tja'atyëkoytyë ko ja Kristë të yajpokywya'atsëtë ma ijty pyokytyuntë.

Ezequiel 24:13

Mijts Jerusalén tëë njayajwa'atsa'any ma të m'ëxëëkën ko naspëkë të mjuuky'äty, je'eyëp ko ka'ap mwa'atsy. Jäänëm tëy mwa'atsëty koos ënäty ntsip n'äkë nyajnaxy ma mijtsën.

Levitico 13:54

Ënät tni'ënä'ämëty ets ja wit tpujëty ets wëxtujk xëëw ni'ëtuky tjaakyaj'itëty.

Levitico 13:56

E ko t'ixëty ja teety tëë tyëkooytyä'äy ma ja wit xuy ëkë ma ja po'oxuyën, ënät je'eyë tnëkëëtsëty ja wit ma ënäty të y'ityën ja ëxëëkpë.