Levitico 13:40 - Biblia Mixe de Quetzaltepec

⁴⁰ Pën nëka'ap yë ja'ay yë wyääy ets kutë'kx wyi'imy, wa'ats yë'ë.

Levitico 13:40 ပူးပေါင်းရင်းမြစ်များ

Gálatas 4:13

Ijxtëm xynyijawëtën, pa'amkyëjxmës ojts ëka'any nkajpxwä'kxy ja oy aaw oy ayuk ma miitsëtyën.

Romanos 8:10

Pën yajpatp ja Kristë ma miitsëtyën, tam xymyëët'atë ja juukpyë ja kënu'kxymyëk'ajtën, jä'äkyëjxm ko m'itë jotkujk mëët ja Tios, oy ja jot nini'kx të jyayajpëjktä'äky o'kp mëët ko jyääjëty ja poky.

Romanos 6:19

Jëtu'unës nmëtyä'äky ijxtëm miits mja'ay'atën yaa naaxwiiny, ko ëmaay paki'ix myajpaatë, ko ka'ap oy xyjyä'äkyukëtë ya'atë jëtu'unpë winma'any. Jëtu'un ijxtëm miits ijty xykyë'ëyaktën ja mjot mnini'kxëty ma ja ëxëëkpën; jëtu'un tyam xykyë'ëyaktëty ja mjot mnini'kxëty ma ja oypyë ja nipaye'eyënën ets wa'ats mjuuky'attëty.

Romanos 6:12

Paaty nëëmëtë, këtii xy'ëwa'atstëty ets ja poky yë'ë m'ënä'ämëtëty ma mjot mnini'kxëtyën mëti'ipë o'kpën, këtii xykyupëktëty ets mtuk'atsip'atëtëty ets xytyuntëty ja ëxëëkpë ma mjot mnini'kxëtyën.

Amós 8:10

Ma ënäty ja xëëw tyunyën jää nëjkx ja'ay tyëkëtë yaxpë mëët ko ënäty t'ixtë may ja ja'ay y'o'knëtë, ja mëti'ipë ënäty ëëwtëpën nän nëjkxëp tyëjkënëtë yaxpë mëët ko ënäty may ja o'kpë; nëjkxëp ja wit xytyuktëkëtë monpë tukpë ets nëjkxëp ja mkuwaay xynyëkääptë mëët ko ënäty ja ëyo'on jotmay të y'ity. Jëtu'un nëjkx mya'axtë tä ja'ay yä'äxyën mëti'ipë ja y'u'unk të y'ookyën tu'kpajkpë t'u'unk'atyën ets jëtu'un nëjkx jyëjpkukëxë mëët ja monyëtukyë.

Isaías 15:2

Jëëpy yaxp yë Dibón ja'ay jam nyëjkxtë kopkëjxm ma yajpaatyën ja tsyajptëjkëty. Yajxon yë Moab tmëmony tmëtuky ko yë Nebo ets Medebá të kyutëkoy. Tu'kë'ëyë ja naaxwiinyëtë ja'ayëty tëë ja wyinwaay y'awaay tjäjpta'atë.

Cantares 5:11

Yë kyëpajk jëtu'un tä pu'ts pujxnën; axy wäänjaty yë wyääy ets jëtu'un yëkëty tä wëëkyën;

2 Reyes 2:23

Ënät ojts ja Elisejë jam tsyo'onë ets jam nyëjkxnë Betel. Jam ënäty jëtu'un tu'ujotm wyimpety, ko jam nimay ëna'ktëjk kyu'ujtë ets tyëjkëtyë xikpë, jä'ä tyukxiktëp ja Elisejë, tä tjanty ënëëmëtë: Kutë'kx tsojk winpät.

Levitico 13:41

E pën nëka'ap yë wyääy wintuuytsyow ets winpoktë'kx wyi'imy, wa'ats näjyëtu'un.

Levitico 13:39

Ko ja teety t'ixëty ko ja pu'uts je'eyë wäänjaty tyukmëjojy, ënät yajnijawëty ko tääpë ja'ay ëtëyë pu'uts je'eyë pëjkëp ets wa'ats yë yajpaaty.