Levitico 13:25 - Biblia Mixe de Quetzaltepec

²⁵ Yë teety yë'ë y'ixëp pën ja nyi'u'kxy akëxë'këp poop ma ojts tyoyën ets tëë nyë'ptëkë, tääpë pu'uts pa'am të pyëtë'knë ma ja tooyën. Paaty ja teety jä'ä nëjkx tnikäjpxy, ko tääpë ja'ay ëxëëk yajpaaty mëët yë pu'uts pa'am.

Levitico 13:25 ပူးပေါင်းရင်းမြစ်များ

Levitico 13:4

E pën ja pu'uts akëxë'këp poop ets näjyëtu'un ja nyi'u'kxy, e ka'ap nëkooyë të kyëktëkë. Tääts ja teety tyajku'ëtukëty ja pa'amja'ay ets jëtu'un jap tyaj'itëty wëxtujk xëëw.

Éxodo 4:6

Ënät ja Tios ojts näjyëtu'un y'ënë'ëmxëty, tyam këtiijë ënät jap yë mkë'ë ma mxëkätën. Ënät ja Moisés ojts ja kyë'ë tkutijë ma xyëkätën, ko ojts tjuuty ënät t'ijxy ko tëëtëm ja kyë'ë y'ujtsta'ay mëët yë pu'uts pa'am, je'eyë janty poop kyëxë'knë jëtu'un tä kyëxë'ëkyën yë tsajp'o'pyky.

Levitico 13:24

Ko pën nyätsya'ajëtëty ets kyëxë'ëkëty jam ma të tyoyën tsapts ëkë poop.

Levitico 13:26

Pën ja teety ka'ap ma poop ja ni'u'kxy t'ixy ets ka'ap nëkooyë të kyëktëkë ja pu'uts ma ja xixyën, jëtu'unyë kë'ëm ëtyä'äkyë'äämpy tyëkoy. Ënät ja teety tyajku''ëtukëty ja pa'amja'ay ets wëxtujk xëëw tyaj'itëty ku'ëtuky.

Números 12:10

Ko ja yoots jam jyëwä'ky ma ja wit tëjkën ma ja Tios kyëtä'äkyën. Ënät ja Maria ojts ja leprë pu'uts tyukpëtsëëmta'ayë, poop ja nyini'kx ojts y'awinpity. Ko ja Aarón y'ijxwinpijty, ënät t'ijxy ko tëëtëm ja pu'uts pa'am ja Maria nyatukpëtsëëmtaayënë.

2 Reyes 5:27

Paaty, mëët ko jëtu'un ja winma'any të xypyääty, ja pu'uts pa'am mëti'ipë ja Naamán të tmëët'atyën jam ënät pyäjta'ajëty ma mnini'kxën ets ma m'u'unk m'ëna'kën winë xëëw. E paaty ko ja Guehazí, tim je'eyë jam tsyo'ony, tëë ënäty ja pu'uts pa'am nyäpyataayënë, je'eyë yaj'ijxkojnë poop këëynyë jä'ä yowë pixyny.