Levitico 13:2 - Biblia Mixe de Quetzaltepec

² Ko pën kyiixë'ëkëty ëkë nyëtäjtë'ëkëty, ëkë pyëtsëmëty jëtu'un tä pa'ayën ma nyini'kxën, ëkë pu'utsën yaj'ixëty, ënätyë tmënëjkxëty ma teety Aaronkën, ëkë ma nitu'uk yë y'u'unk y'okën.

Levitico 13:2 ပူးပေါင်းရင်းမြစ်များ

2 Samuel 3:29

Yë'ë tëy yë Joab, pokymyëët të wyi'imy ets y'u'unk y'ëna'k, jyëën tyëjk; yë ëyo'on jotmay ets pa'am ëyo'on ka'ap nëjkx y'ëxmatsëtë, tä yë ki'ix pa'amën pu'uts pa'amën, ixtëj pa'am, ëkë wä'än nëjkx pën yë y'u'unk y'ëna'k yaj'o'kxëtë, ëkë yuu xëëw jam y'itëty.

2 Reyes 5:1

Jam ijty tëëyëp tu'uk yë ja'ay txëëwaty Naamán, yë'ë nyiwintsën'ajtyp ja tsiptuunpëtëjkëty mëti'ipë myëtuuntëpën ja yajkutujkpë jampë y'ëne'emyën Sirië, mëk ijty ja yajkutujkpë tsyokyë jä'ä ko mëët yë'ëkyëjxm ënäty may ja tsip të tuknaxtë ets të myëta'aktë ma ja Wintsën të yajmëta'akëtën Wintsën xyëëwkyëjxm. Je'eyëp ko ya'atë ja'ay pëjkëp ijty, yë'ë pya'am'ajtyp yë pu'uts pa'am mëti'ipë tyijtëpën amëxan lepra.

2 Reyes 5:27

Paaty, mëët ko jëtu'un ja winma'any të xypyääty, ja pu'uts pa'am mëti'ipë ja Naamán të tmëët'atyën jam ënät pyäjta'ajëty ma mnini'kxën ets ma m'u'unk m'ëna'kën winë xëëw. E paaty ko ja Guehazí, tim je'eyë jam tsyo'ony, tëë ënäty ja pu'uts pa'am nyäpyataayënë, je'eyë yaj'ijxkojnë poop këëynyë jä'ä yowë pixyny.

Isaías 1:6

Ma mtekyjyëjpën ets jampaat ma mkëpajkën aak pëjkp atoonëp, aak tsëtyut, aak tuk'ookë, aak putsp yaj'ijxnë; ni pën tkayajtsooypyetsy, ni pën tkakupä'änë ets ni pën tkapujy.

Isaías 3:17

yë'ëjës mëët ntëytyuna'any ja pa'am mëti'ipë yajkutë'kxëpën ets ja wyääy kya'ata'atëty ets niwa'ats ëxwa'ats wyë'ëmtëty.

Levitico 13:1

Ënät yë Tios ojts tmëkäjpxy yë Moisés ets Aarón ets t'ënëmaay:

Levitico 13:3

Ja teety yë'ë y'ixëp pën tii ënäty ja ja'ay myëët'ajtyp ma nyini'kxën, ko y'akëxë'ëkëty poop ma ja nyi'u'kxyën ets tëë kyëktëkë, yë'ë ënäty ja pu'uts pa'am. Ko jëtu'un ja teety t'ixëty tääts tnikajpxëty ko tääpë ja'ay ëxëëk yë'ë.

Levitico 13:8

Ko ja teety t'ixëty ja pa'amja'ay tëë ja xyi'ipyë kyëjääjë ma ja nyini'kxën, ënät nikajpxëty ko tääpë ja'ay ëxëëktum ënäty yajpaaty, jä'ä ko yë'ë pëjkëp ja pu'uts pa'am.

Levitico 14:3

ets jam kajpnpë'am yaj'ixëty. Ko ja teety t'ixëty ko ja pu'uts pa'am tëë tsyo'oky.

Levitico 14:35

Ënät ja kutëjk nëjkx t'ixy ja teety ets t'ënëëmëty: Jëtu'unës n'ixy tam yowë yë pa'am kyëxë'ëky mëti'ipë xyëëwajtypyën pu'uts pa'am maas yë ntëjkën.

Levitico 14:56

ko muum ma nini'kxën kyëxë'ëkëty, ko muum pyu'utsëty ëkë ko muum tiipa'ayë pyëtsëmëty.

Malaquías 2:7

Kopkpëky ko yë teetytyëjkëty jëtu'un mëpaat tyuntë ets ja'ay tuk'ëwaanëtëty wi'ixës mëpaat xy'ixy'atën ets ja'ayëty kopkpëky ko tyajtëwtëty yë teetytyëjkëty wi'ix mëpaat tnijawëtën ëjts yë n'ijxpëjkënës, jä'ä ko yë'ëjëty, yë'ë nyikajpx nyimëtyaktëp yë aaw ayuk mëti'ipë yë Wintsën, mëti'ipë maaytyääyëpën winë y'aaw'ajtyp y'ayuk'ajtypyën.

Números 12:10

Ko ja yoots jam jyëwä'ky ma ja wit tëjkën ma ja Tios kyëtä'äkyën. Ënät ja Maria ojts ja leprë pu'uts tyukpëtsëëmta'ayë, poop ja nyini'kx ojts y'awinpity. Ko ja Aarón y'ijxwinpijty, ënät t'ijxy ko tëëtëm ja pu'uts pa'am ja Maria nyatukpëtsëëmtaayënë.

Números 12:12

Këtii xyajkutukëty ets jëtu'un wyë'ëmëty tä u'unk maayën ka'apë oy myëxu'unk'atyën ets piw nuuk yë nyini'kx jyaak yajpaatëty.

Mateo 8:4

Tääts ja Jesús jyaak'ënany: Ix, ka'ap pën xytyuk'ëwaanëty. Nëjkx ma teety wyintsënën ets xytyuk'ixëty ko tëë mtso'oky ets mënëjkxëp ja mwintsë'kën mëti'ipë ja Moisés nyi'ënä'ämëyën, jëtu'un ja ja'ay nijawëtëty ko tëë mtso'oky ets të mwa'atsy.

Lucas 17:14

Ko ja Jesús y'ijxpatëtë, tääts y'ënëmaayëtë: Nëjkx mwa'këxë'ëktë ma ja teetyën. Tääts ojts nyëjkxtë. Tamnëm ënäty tyu'uye'eytyë ko tsyoktaaytyë.

Lucas 5:14

Ojts ja Jesús tyuk'ëne'emyë: Ka'ap pën xytyuk'ëwaanëty. Nëjkx yë teety wintsën tuk'ix ko tëë mtso'oky ets xytyukmëyoxëty ja Tios ja wyintsë'kën, jëtu'un ja ja'ay nijawëtëty ko tëë mtso'oky.

Deuteronomio 24:8

Ko pën pyëkëtëty ja ëxëëk pu'uts pa'am, jëtu'un mëpaat xytyuntë, tä ja ënä'ämën myinyën mëti'ipë ja Leví ja'ayëty nyikajpxtëpën mëti'ipë teety'ajtëpën. Jëtu'un xytyuntëty, tä yë'ë të ntuk'ënä'ämtënës xytyuntëty.

Deuteronomio 28:27

Yë Wintsën nëjkxëp mëët myaj'ëyoyë yë pu'uts pa'am, jëtu'un tä jap Egiptë ja'ay jyajtë kyëpäjtën, nëjkxëp mpëkyë yë tsaamaxn, xi'ipyë pa'am ets tsajpnitooy; oy nëjkx mjanäyajtsooypyetyë ka'ap mtso'okëty.