Levitico 13:13 - Biblia Mixe de Quetzaltepec

¹³ Yë teety yë'ë y'ixëp, ko t'ixëty ko ja pu'uts tëë tyajnitujkta'ay ja nyini'kx ja pa'amja'ay, ënät nëjkx ja teety y'ënä'äny ko ja ja'ay wa'ats jä'änë, jä'ä ko ja pa'am tsokp jatëkok, paaty të y'awinpity poop ets tääpë yë ja'ay wa'ats jatëkok yajpaaty.

Levitico 13:13 ပူးပေါင်းရင်းမြစ်များ

Juan 9:41

Ets ja Jesús y'ëtsooy: Ko jeexyë miits mwiints'atë, ka'ap jeexyë miits myajpoky'ixtë. Yë'ë ko m'ëna'antë ko m'ixtë paaty myajpoky'ixtë.

Isaías 64:6

Tëkokyë ëëtsajtëm aak ëxëëk ja'ay nyajpatëmë; oy njanäjya'awëmëty oy yowë winë ntu'unëmë ma yë'ëjën, jëtu'un nyaj'ijxëmë tukwit tukpatsyën; aakjëtu'un ëëts'ajtëmë tä aaykyëta'akën poj'ampë xyëëwtsa'ayën, mëët ko je'eyë xëmë njëëky'ajt nmëku'uk'ajtëm nyaj'o'këmë, tä ënät ëëtsajtëm jëtu'un njajt nkëpäjtëmë tä jeexyë je'eyë nwinpapojëmën.

Levitico 13:12

E ko ja pu'uts pa'am nëkooyë kyëjääjëty ets ja nyini'kx nyitujkta'ajëty mëët ja pa'am, jëtu'un tä mëpaat t'ixyën ja teety.

Levitico 13:14

Ko jatëkok ja pu'uts nyë'ptëkëty ets ja u'unk xixy jap tpaatëty, ja ja'ay ëxëëk jatëkok y'awinpitëty.

Números 12:10

Ko ja yoots jam jyëwä'ky ma ja wit tëjkën ma ja Tios kyëtä'äkyën. Ënät ja Maria ojts ja leprë pu'uts tyukpëtsëëmta'ayë, poop ja nyini'kx ojts y'awinpity. Ko ja Aarón y'ijxwinpijty, ënät t'ijxy ko tëëtëm ja pu'uts pa'am ja Maria nyatukpëtsëëmtaayënë.

Deuteronomio 24:8

Ko pën pyëkëtëty ja ëxëëk pu'uts pa'am, jëtu'un mëpaat xytyuntë, tä ja ënä'ämën myinyën mëti'ipë ja Leví ja'ayëty nyikajpxtëpën mëti'ipë teety'ajtëpën. Jëtu'un xytyuntëty, tä yë'ë të ntuk'ënä'ämtënës xytyuntëty.