Levitico 12:7 - Biblia Mixe de Quetzaltepec

⁷ e ja teety yë'ë myo'ojëp ya'atë wintsë'kën ja Tios, mëëtkyëjxm ja to'oxytyëjk ja pyoky ets yajpokymyä'kxëty. Jëtu'un ënäty wa'ats wyi'imy ya'atë to'oxytyëjk, mëët ja ëxëëkajtën mëti'ipë të tmënaxy të tyajnaxyën. Ya'atë mëtyä'äky yë jëtu'un nyikäjpxyp, wi'ix mëpaat yajtunyën, ko tu'uk yë u'unk maay myëxu'unk'atëty ye'etyëjkpë ëkë to'oxytyëjkpë.

Levitico 12:7 ပူးပေါင်းရင်းမြစ်များ

Gálatas 3:28

Ka'ap ma y'ëktuunnë pën jutiis kajutiis, mëtuunpë ëkë kamëtuunpë, ye'etyëjk ëkë to'oxytyëjk, jä'ä ko tu'ukyë miitsëty ijxtëm ja ja'ay tu'ukpën, jä'äkyëjxm ko tu'ukyë mëët ja Kristë Jesús m'itë.

1 Corintios 7:14

Ja ye'etyëjk mëti'ipë ja Jesukristë ka'ap tmëpëkyën, kënu'kxëtëp ja Tios ko ja tyo'oxytyëjk mëpëjkp; ets ja to'oxytyëjk mëti'ipë ja Jesukristë ka'ap tmëpëkyën, kënu'kxëtëp ja Tios ko ja nyiye'etyëjk mëpëjkp. Pën ka'ap jyëtu'unëty, jëtu'un jeexyë ja m'u'unk m'ëna'k y'itë ijxtëm mëti'ipë tyaak tyeety kamëpëjktëpën; je'eyëp ko ja m'u'unk m'ëna'këty, Tios ja kënu'kxëtëp.

Romanos 3:26

jä'ä ko yë'ë mä'kxtujkp yajpaaty. Yë'ë, jëtu'un ënäty tyajknikëxë'ëka'any ko pyaye'ey ijxtëm pyaat'atyën ets oy wyi'im mëët ja Tios mëti'ipë myëpëjktëpën ja Jesús.

Romanos 3:23

ni'ëmukë ja'ay të pyokytyunta'atë paaty tmëjëkäm'atë ja Tios ja myëj'ajt y'oyajtën.

Job 14:4

Ni pën tkayajpëtsëmëty yë wa'atspë ma mëti'ipë ëxëëkën.

Job 1:5

Ko xyëëwtuunta'atë, tääts ja Job tmëkajpxmuky yë y'u'unk y'ëna'k, jopyëp pyëtë'kojy ets tmo'oy yë Tios yë wyintsë'kën nino'oky nixämpyë, tyajwa'atsy ja y'u'unk y'ëna'k ma ja nyëë pyokyëtyën. Yë Job xëmë ijty jëtu'un tuny, jä'ä ko yë'ë myëmääpy myëtäjpy ko muum yë y'u'unk y'ëna'k tmëkajpxtëkoytyë yë Tios ëkë muum tëkatsy myäytyë tyajtë.

Levitico 4:35

Tääts ënät tnëtsujktaayëty ja y'on, jëtu'un tä të yajnëtsujkta'ayën ja y'on ja kupixyny mëti'ipë wintsë'kën'ajtpën, ko ja nay'ëëw'oy näykyajpx'oyë y'ity ets jam tnino'oktëty ma ja wintsë'këntyaknën, tu'kmukyë mëët ja ayajk ako'onën mëti'ipë nino'oky yajtukwintsë'këpën ja Tios. Jëtu'un'äämpy ja teety tpaatëty ja pokymyä'kxën, mëti'ipë ja ja'ay jyä'ä'atëpën mëti'ipë ënäty të pyokytyunyën ets ja nyëë pyoky jëtu'un yajmä'kxëty.

Levitico 4:31

Näyjyëtu'un nëjkx yë y'on yajnëtsujkta'ay, tä ja mëti'ipë wintsë'kën'ajtpën ko ja nay'ëëw'oy näykyajpx'oyë y'ity. Jam tnino'okëty ma ja wintsë'këntyaknën mëti'ipë ja Tios yajtukwino'kp yajtukwinxaanpën ets oy xyuuky jyoky. Jëtu'un'äämpy ja teety ja pokymyä'kxën tpaatëty mëti'ipë tääpë ja ja'ay jyä'ä'atëpën.

Levitico 4:26

Ets ja nyi'on jam tnino'ktaayëty ma ja wintsë'këntyaknën, jëtu'un tä näjyëtu'un yajtunyën ja wintsë'kën mëti'ipë yajyajkpën, ko ja nay'ëëw'oy näykyajpx'oyë y'ity. Jëtu'un'äämpy ja teety tpaatëty ja pokymyä'kxën, mëti'ipë jyä'ä'atëpën ja ja'ay mëti'ipë wintsën ijtpën ets ja pokymyä'kxën tpaatëty.

Levitico 4:20

Ko näjyëtu'un yajyakëty ya'atë tsajpkaa ëna'k tä ja mëti'ipë yajkë'ëyajkpën ko ja nëë poky yajtukunaxy. Jëtu'un'äämpy ja teety ja pokymyä'kxën tpaatëty mëti'ipë ja naax kajpn jyä'ä'atëpën ets ja nyëë pyokyëty yajnimä'kxtëty.

Levitico 1:4

Ets tkëxkonëty yë kyë'ë ma ja tsajpkaa ja kyëpajkën jëtu'un yajkupëkëty, mëti'ipë ënäty tyukunaxäämpyën ja nyëë pyoky.

Levitico 12:6

Ko ënäty të kyä'pxy ja xëëw po'o mapaat nyäyajwa'atsëtëtyën, pën yë'ë të tyajmëxu'unk'aty yë ye'etyëjk, ëkë pën to'oxytyëjk, yë'ë myënëjkxëp jam ma wit tëjkën tu'uk yë kupixyny tëëpë jyëmëjtën ets tmo'ojëty yë Tios no'oky xämy ets tu'uk yë pak ets tu'uk yë muuxy mëti'ipë tyukwintsë'ëkëpën ja Tios mëët pyokykyëjxm. Tëkokyë ya'atë yë'ë tyukë'ëtëjkëtya'ajëp yë teety,

Levitico 12:8

Pën yë u'unktaak ka'ap nyäy'a'ixëty tjuyëty tu'uk yë kupixyny, jyëkyäpëp je'eyë mäjtsk tyakëty yë muuxy ets mäjtsk yë pak, tu'uk mëti'ipë nyino'okëpën ets tu'uk mëti'ipë yakëpën, tääts ja pokymyä'kxën tpaatëty. E ja teety yë'ë y'amëtowëp ja pokymyä'kxën mëët ja to'oxytyëjk ets ja to'oxytyëjk wyë'ëmëty wa'ats.

Levitico 15:15

Tu'uk ja teety tyakëty mëti'ipë ja nëë poky tyukunaxëpën ets tu'uk mëti'ipë yajno'okëpën. Jëtu'un ënäty yajtuny, ma ja ja'ay ja näypyuj näjyä'ätsë tpaatyën Wintsën wintum, mëti'ipë ja myëjaaw tukjënajkëpën ma ja ye'etyëjk'ajtënën.