Levitico 12:6 - Biblia Mixe de Quetzaltepec

⁶ Ko ënäty të kyä'pxy ja xëëw po'o mapaat nyäyajwa'atsëtëtyën, pën yë'ë të tyajmëxu'unk'aty yë ye'etyëjk, ëkë pën to'oxytyëjk, yë'ë myënëjkxëp jam ma wit tëjkën tu'uk yë kupixyny tëëpë jyëmëjtën ets tmo'ojëty yë Tios no'oky xämy ets tu'uk yë pak ets tu'uk yë muuxy mëti'ipë tyukwintsë'ëkëpën ja Tios mëët pyokykyëjxm. Tëkokyë ya'atë yë'ë tyukë'ëtëjkëtya'ajëp yë teety,

Levitico 12:6 ပူးပေါင်းရင်းမြစ်များ

Lucas 2:22

Ko ja xëëw po'o tpaty jëna'a ja José ets ja Maria näypyuj näjyä'ätsë tpaata'antën, ijxtëm ja Moisés ja y'ënä'ämën nikäjpxyën, tääts ja mëxu'unk ojts tyajnëjkxtë jam Jerusalén ets ja Wintsën tukkë'ëtëkëja'antë.

Hebreos 7:26

E jëtu'un yë Jesús, të nyäxy Mëj teety wintsën mëti'ipë ënäty nyajmëyajtëmën. Yë'ë kënu'kxy, wa'ats, ka'ap poky tmëëtëty, ka'ap pyokyjä'äyëty ijxtëm ëëtsajtëmën, wäänë këjxm yë'ë y'ity këtiinëm ja tsajp.

2 Corintios 5:21

Kristë nitii poky ojts tkatuny, je'eyë ko ëëtskyëjxm ja Tios pyëjktakë ijxtëm jeexyë ja poky tmëët'atyën, jëtu'unts ja Tios xyaj'ëwaatsëpëtsë'emëty mëët ja Kristë.

Juan 1:29

Komjëpom ja Juan t'ijxy ko ja Jesús myëwinkonyë ets y'ënäny: Ixtë, ya'atë jëtu'un ijxtëm ja kupixyny u'unkën, Tios wyintsë'kën mëti'ipë ja naaxwiinyëtë ja'ay yajpokywyätsëpën.

Levitico 15:29

Kom tëtujk xëëw mäjtsk t'ixëty yë muuxy ëkë yë pak, tääts nëjkx ja teety tmo'oy jam ma yajnitëkën ja wit tëjk ma näpyaatë y'ityën.

Números 6:10

E kom tuktujk xëëw mäjtsk tmënëjkxëty yë muuxy ma teetyën, jam ma yajnitëkën yë wit tëjk ma ja näpyaatë y'ityën mëët yë Tios.

Levitico 15:14

Kom tëtujk xëëw yë'ë myënëjkxëp jam ma ja teetyën mäjtsk yë muuxy, mäjtsk yë pak ets jëtu'un jam tyakëty ma ja wit tëjkën ma ja näpyaatë y'ityën.

Levitico 14:22

mäjtsk yë pak ëkë mäjtsk yë muuxy, yë'ë nyija'ap jënu'un naje'eyë myëtä'äky yë myeeny. Tu'uk mëti'ipë wintsë'kën'atëpën ma ja nëë pokyën ets tu'uk mëti'ipë yajnino'okëpën.

Levitico 12:2

Jëtu'un xy'ënëëmëty yë Israel ja'ayëty: Ko tu'uk yë to'oxytyëjk wyë'ëmëty u'unk mëët ets tyajmëxu'unk'atëty yë y'u'unk myääy, wëxtujk xëëw wyë'ëmëty ëxëëk.

Génesis 15:9

Tä yë Tios y'ënëmaayë: Yajmin tu'uk yë tsajpkaa ayääkë to'oxypyë, tu'uk yë tsajppax ets tu'uk yë kupixyny yä'äy yä'k'apetypë, mëti'ipë tëkëëkëty yë jyëmëjtën; näjyëtu'un xyajminëty tu'uk yë muuxy ets tu'uk yë kuuk.

Levitico 12:5

E pën yë'ëts tu'uk ja to'oxytyëjk të tyajminy naaxwiiny. Jä'ä nëjkx ja u'unktaak y'ëxëëk'ity mäjtsk sëmaan ets nyäyajwa'atsëtëty tëkë'px tëtujk xëëw.

Levitico 12:7

e ja teety yë'ë myo'ojëp ya'atë wintsë'kën ja Tios, mëëtkyëjxm ja to'oxytyëjk ja pyoky ets yajpokymyä'kxëty. Jëtu'un ënäty wa'ats wyi'imy ya'atë to'oxytyëjk, mëët ja ëxëëkajtën mëti'ipë të tmënaxy të tyajnaxyën. Ya'atë mëtyä'äky yë jëtu'un nyikäjpxyp, wi'ix mëpaat yajtunyën, ko tu'uk yë u'unk maay myëxu'unk'atëty ye'etyëjkpë ëkë to'oxytyëjkpë.