Levitico 12:3 - Biblia Mixe de Quetzaltepec

³ Pën ye'etyëjk ënäty të myiny të jyä'ty naaxwiiny, kom tuktujk xëëw nëjkx yajtsuky ja ye'etyëjkajtën.

Levitico 12:3 ပူးပေါင်းရင်းမြစ်များ

Lucas 2:21

Kom tuktujk xëëw ja mëxu'unk yajnatsujk'ëwtijty ja ye'etyëjkajtën ets xyëëwpejty Jesús, nän yë'ë xëëw pyëjktaktë mëti'ipë ënäty ja tsajpjotmëtë kukäjpxy të tuk'ëwaanën ja Maria ma ënäty ka'ap ja y'u'unk nëkëjxm'atynyëmën.

Lucas 1:59

Kom tuktujk xëëw ja mëxu'unk ojts tyajnëjkxtë ets yajnatsujk'ëwëtitëty ja ye'etyëjkajtën, näjyëtu'un ojts tjatukxëëwata'antë Zacarías ijxtëm ja tyeety txëëwatyën.

Colosenses 2:11

Ko mëët ja Kristë m'itë tu'ukyë, tëë ja tpëjktä'äky ja ijxwë'ëmën ma miitsëtyën këtiipë yë'ë xytyuntëty mëti'ipë mkë'ëm mmaaytyëp mtajtëpën; ka'ap yë'ëjëty jëtu'unpë ja ijxwë'ëmën mëti'ipë yajpatpën ma ja jutiis ja'ayëtyën, ijxtëm ko yajnatsujk'ëwtity ja ye'etyëjk'ajtënëty.

Filipenses 3:5

jä'ä koos nmëxu'unk'ajty, kom tuktujk xëëwës ojts ja nye'etyëjk'ajtën yajnatsujk'ëwtity, jutiis ja'ayës ëjts, Benjamínkës nteety'äjtyp n'ap'ajtyp, hebreo ja'ayës ëjts xy'u'unk'ajtp. Ets ijxtëm ja jutiis ja'ay ja y'ënä'ämënëty y'ityën, ëjts ojtsës n'ijxpëjkë ja fariseë ja'ay ja y'ijxpëjkënëty.

Gálatas 5:3

Tyam miits jatëkok ntuk'ëwaanëtë: Oypyënëty pën kyupëjkpy ets ja ye'etyëjkajtën yajnatsujk'ëwtitëty, atsip tpatuunta'ajëty ja Moisés ja y'ënä'ämën.

Gálatas 3:17

Ya'atës jëtu'un ntijpy: Tios ojts tuny ja käjpxytyu'unën mëët ja Abraham ets ojts nikajpxë. Paatykyëjxm ja Moisés ja y'ënä'ämën mëti'ipë ojts myinyën kom taxk mëko'px ja i'px majk jëmëjt, ka'ap tjëkyepy tyëkoyëty ets nyatëkë'atëty mëti'ipë ja Tios wyaantakën.

Romanos 3:19

Nnija'awëm ko tu'kë'ëyë mëti'ipë nyimëtyäkpyën ja ënä'ämën, yë'ëkyëjxm nimëtyä'äky ets twinmëtowtëty ja ja'ay mëti'ipë ja ënä'ämën yajmëjnajxtëpën ets amonyë y'itëty ni'ëmukë ets tku'ëtsowtëty ja pyokyëty jam Tios wyintum.

Deuteronomio 30:6

Nëjkxëp jap tpëjktä'äky ja oy'aaw oy'ayuk ma ja mjot mwinma'anyëtyën ets ma ja m'u'unk m'ok ja jyot wyinma'anyëtyën. Yë'ë nëjkx tu'ukyë xytsyoktë xyjyawëtë winë aaw winëjot, tu'ukyë jot tu'ukyë winma'any ets nëjkx jotkujk mjuuky'ajnëtë.

Hechos 15:1

Näy jä'ä tiempo, ja ja'ayëty tsyo'ontë Judea ets nyëjkxtë jam Antioquía mëti'ipë yaj'ijxpëjktëpën ko ka'ap pën tpaatëty ja nitsokën pën ka'ap yajnatsujk'ëwtitë ja ye'etyëjkajtën ijxtëm ja Moisés ja y'ënä'ämën y'ënä'änyën.

Éxodo 22:30

Näyjyëtu'un ja më''ëka'anypë tyajja'tyën ja y'u'unk myääy ja mtsajpkaato'oxy, ëkë mtsajppax mkupixyny nëjkx xymyo'oyës. Jyëkyäpëp je'eyë wëxtujk xëëwën myëët'atëtëty yë tyaak, e ma ënäty tuktujk xëëw y'apäjnë, jää xymyooynyëtyës.

Levitico 12:4

E ja tyaak winjëpom nyäpyuj nyäjyä'ätsëtëty ets jëtu'un y'itëty tu'kpo'o ja tëkëëk xëëw ja taxkxëëwën. Nitii mëpaat tkatony mëti'ipë wa'atsën ets ka'ap mëpaat tyëkë ma ja tsajptëjkën, koonëm ënäty të tuunta'ay mëti'ipë jëtu'un mëpaat tunyën.

Levitico 15:3

Ëxëëk wyë'ëmëty oy jyääjëty ma ënäty ja myëjaaw të pyëtsimyën ma ye'etyëjk'ajtënën ets oy jyääjëty ma ënäty të y'ëtukyën, yë'ë ëxëëkëm jëtu'un wyë'ëmëty.