Levitico 11:8 - Biblia Mixe de Quetzaltepec

⁸ Ya'atë jëyujkëty ka'ap mëpaat yë nyitsu'uty xytsyu'tsëtë, nijä'ä xykyatontëty ma ënäty të y'ookyën. Ëxëëkjëyujk jëtu'un xytyimtijtëty.

Levitico 11:8 ပူးပေါင်းရင်းမြစ်များ

Hebreos 9:10

Ka'ayën ukën ja je'eyë nyikäjpxyp ets wi'ix ja ja'ay wa'ats nyäyaj'itëtëty, nëkëjxypyë ënä'ämën yë'ë, yë'ë tyuuntëp xëmë koonëm ja Tios tyajtëkatsëty.

Colosenses 2:16

Këtii xymyëjpëjkta'aktëty ko ja'ay mnikajpx mnimëtya'akëtëty pën tii mkaaytyëp mjë'kxtëp, mëti'ipë xëëw m'ëmaay'ajtëp mka'ëmaay'ajtëp, pën yë'ë jempyo'o ëkë po'kxënxëëw.

Oseas 9:3

Wimpitäämpy yë Efraín jatëkok jap Egiptë ets jam Asiria jyë'kxäämpy yë ëxëëkpë jë'kxy pëky. Ka'ap y'ëktsëënëjanë jam ma Wintsën yë kyajpnën,

Isaías 52:11

Tso'onta'atë, tso'onta'atë jam ni'ëmukë Babilonyë, këtii nëkoo tii xy'ëktuuntëkooynyëtë, pëtsëmtë jam Babilonyë. Wa'ats mnäyaj'itëtëty miitsëty mëti'ipë mënëjkxantëpën yë Wintsën y'apëjk y'atu'unën.

Levitico 5:2

Ko pën tonëty oy tii, mëti'ipë ënäty ëxëëkën, tä yë jëyujk'ookyën mëti'ipë ka'ap wya'atsëtyën. Wä'än yë'ëjëty mëti'ipë aayjoty ujtsjoty juukyajtpën, ëkë mëti'ipë ma jëën ma tëjkën ijtpën, ëkë tä yë tsa'anyën mëti'ipë ëxëëkën. Ko pën yë jëtu'unpë tonëty, ëxëëk nëjkx wyi'imy, oy ënäty të tka'ixy ëkë të tkajawë.

Efesios 5:11

Ka'ap xytyuntëty mëti'ipë ka'ap y'oyëtyën, ijxtëm mëti'ipë ja Kristë ka'ap tmëpëktën; yë'ë mtuntëp wi'ix xyajnikëxë'ëkëtyën ko ka'ap y'oyëty mëti'ipë yë'ë tyuuntëpën.

Efesios 5:7

Paaty ka'ap mëët mnämyäyëtëty mëti'ipë ja Tios ja y'oyajtën ka'ap tsojkëtën.

2 Corintios 6:17

Paaty näjyëtu'un ja Wintsën y'ënä'äny: Puye'eytyu'utë yë'ëjëty, ets näjyëpëkëtë, ka'ap xytyontëty ja ëxëëkpë, ets miits nkupëktëty.

1 Corintios 8:8

Ka'ap yë'ëkyëjxm ja Tios xykyakupëjkmëty ko tii një'kxmëty, ni yë'ëkyëjxm ja Tios xykyakupëjkmëty ko tii nkajë'kxmëty.

Romanos 14:21

Nikë oy ko tsu'utsy nkatsu'tsmëty, ni ja tsatsym nyëë nka'ukmëty, ëkë oytyiijëty ka'ap mëpaat yë'ë ntu'unëm mëti'ipë ja nmëku'uk'ajtëm yajpokykya'ajëtëpën.

Hechos 15:29

ka'ap ja jëyujk xytsyu'utstëty mëti'ipë tsaamëxan të yajtukwintsë'ëkën, ka'ap ja ne'pyny xyjyë'kxtëty, ka'ap ja jëyujk xytsyu'utstëty mëti'ipë ka'anëm wyintaxynyëmën, ets ka'ap mëpaat xytyuunk'atë ja pëjkën ukën ka'apë myëtëyëtyën, ma ja wiink ye'etyëjk ëkë ja wiink to'oxytyëjk xymyëët'ajnëtën. Pën mpatuuntëp ya'atë, oypyë ënäty mtuuntëp. Tios mkënu'kxëtëp.

Hechos 10:28

Ënät ja Pedro y'ënäny: Ejxtëm xynyijawëtën, ka'apës ëjts yë n'ënä'ämën kyutuky ets jutiis ja'ay mëët ye'eymyuk nyajxmuktëty ja ja'ay mëti'ipë ka'ap jyutiisëty, nän ka'ap tjëkyepy tyëkëty ma tyëjkën. E tëëjës ja Tios xytyuknijawë ko ka'ap y'oyëty koos pën ntijëty ëxëëk.

Marcos 7:18

Tääts t'ënëmaay: ¿Näyjyëtu'un miits ka'ap të xyjyä'äkyukëtë? ¿këtiijën xyjyä'äkyukëtë ko tii tyëkë aawjoty jootjoty, ka'ap yë'ëkyëjxmëty ja ja'ay y'ëxëëkë?,

Marcos 7:15

Mëti'ipë aawjoty jootjoty tëjkëpën, ka'ap yë'ëjëty yaj'ëxëëktëkë. Yë'ë tëy mëti'ipë pëtsëëmpën aawjoty jootjoty yë'ë ni'ik ëxëëktuump.

Marcos 7:2

yë'ë y'ijxtë ko ja Jesús ja y'ijxpëjkpëtëjk ka'ap kyë'ëpujtë, ka'ap tpatuntë ja aptëjk ja y'ënä'ämën, paaty ojts twiink'ixtë.

Mateo 15:20

Yë'ëkyëjxm ja ja'ay wyë'ëmtë pokyjoty ets ka'ap yë'ëjëty ko ja'ay jaaykyë'ëpujy kyäy.

Mateo 15:11

Mëti'ipë aawjoty tëjkëpën ka'ap yë'ëjëty ja'ay yaj'ëxëëkëty; yë'ë tëy mëti'ipë jap aawjoty pëtsëëmpën.

Levitico 11:7

Yë ëtsëm jyamëët yë tyekyxyooky axeeny, je'eyëp ko ka'ap y'apu'uyë, ëxëëkjëyujk yë näjyëtu'un xytyijtëty.

Levitico 11:9

E ja nëë jëyujkëty yi'iyë mëpaat xytsyu'utstë mëti'ipë jam yë nyimeenyën ets mëti'ipë jam yë y'äjkën.