Levitico 11:7 - Biblia Mixe de Quetzaltepec

⁷ Yë ëtsëm jyamëët yë tyekyxyooky axeeny, je'eyëp ko ka'ap y'apu'uyë, ëxëëkjëyujk yë näjyëtu'un xytyijtëty.

Levitico 11:7 ပူးပေါင်းရင်းမြစ်များ

Isaías 66:17

Jëtu'un yë Wintsën y'ënä'äny: Mëti'ipë näyaj'ëmaay'ijtëpën ets näpyujëpën ko t'ëwtata'any ja wiink tios jampë pëjykyamjotm yajpaatyën, mëti'ipë pyaye'epyën ja tu'u itkujkpyë nyijkxyën, mëti'ipë tsyu'typyën ëtsëmtsu'utsy, tsuk tsu'utsy ets wiinkëtypë jëyujk ka'apë yajtsu'utyën, tu'ktonyë nëjkx kyutëkooytya'atë, jä'ä ko nija'apës wi'ix myäytyën tyajtën ets wi'ix tii tuntën.

Isaías 66:3

E tää yë ja'ay mëti'ipë tu'uk yë tsajpkaa yaj'o'kpyën, ets tu'uk näjyëtu'un ja'ay tyaj'ooky; ko tyaj'ooky tu'uk kupixyny, tu'uk uk tyo'kwiity; ko tyäky yë ujtspajk, näjyëtu'un tyäky yë ëtsëm ne'pny; nyo'ktëp xyaamtëp yë poom ets y'ëwtajtëp awinax. Mëti'ipë ja'ay jëtu'un ëtëtstëpën, oy nyäyjyawëtë ko jëtu'un y'ëtë'ëtstë.

Isaías 65:4

mëti'ipë o'kpë jut akë'ëy ijty naaxwä'tspën, ets nyäxy tyëkë ma ka'ap pën y'ixëtëtyën; mëti'ipë ijty ëtsëmtsu'utsy tsyu'typyën ets yajxon tyaj'utsy ja tu'ts mëët ja tojkxnëë ka'apë wya'atsëtyën.

Deuteronomio 14:8

E ëtsëm näjyëtu'un jyamëët'ajtyp axeeny yë tyekyxyooky, je'eyëp ko ka'ap y'apu'uyë, këtii xytsyu'utstëty. Tääpë jëyujk ëxëëkjëyujk mëpaat xyajnaxtë ets këtii yë nyi'kx kyopk xytsyoonëtëty ko ënäty muum të y'ooky.

Lucas 15:15

Ënät ja tuunk t'amëtooy ma tu'uk ja kukajpnën. Ets ja ja'ay kyäjxë kamjotm ëtsëm këwent'ajtpë.

Lucas 8:33

Tääts ja ku'oypyë pyëtsëëmtë ma ja ja'ayën ets tuktëjkëtyë ja ëtsëm. Ënät ja may ëtsëm kyupëyë'knajxtaaytyë ja'awjoty ets nëëjoty kyëtaktaaytyë. Japts jyi'kxtaaytyë.

Mateo 7:6

Këtii uk xymyo'otëty mëti'ipë tëë yajkënu'kxyën, këtiipë mnipëtë'ëkëtëty ets mtukwëtsëtëty. Näyjyëtu'un yë ëtsëm këtii xymyo'otëty mëti'ipë tsowëtyën, këtiipë je'eyë tnaaxtäänëty.

Levitico 11:3

mëti'ipë yë aay ujts jyë'kxtëpën, apu'uyëtëp ets xeeny yë tyekyxyookyëty.

Levitico 11:6

Ja kam tsuk, ja ujts'ojkp ijty ets ja apu'uyëp, je'eyëp ko ka'ap yë tyekyxyooky xyeenyëty, näjyëtu'un xytyijtëty ëxëëkjëyujk.

Levitico 11:8

Ya'atë jëyujkëty ka'ap mëpaat yë nyitsu'uty xytsyu'tsëtë, nijä'ä xykyatontëty ma ënäty të y'ookyën. Ëxëëkjëyujk jëtu'un xytyimtijtëty.