Levitico 11:5 - Biblia Mixe de Quetzaltepec

⁵ Yë tsik, ujts jyajë'kxyp ets ja apu'uyëp ets ka'ap yë tyekyxyooky xyeenyëty, ëxëëk näjyëtu'un tääpë jëyujk nyäxy.

Levitico 11:5 ပူးပေါင်းရင်းမြစ်များ

Proverbios 30:26

Näyjyëtu'un yë tsik, ka'ap nëkooyë nyimay'atë ets jap jyuuky'atë tsaajoty.

Salmos 104:18

Ma këjxmëtypë kopkën yë'ë jam jë'kxypyatëp yë tsajppax, e jap tsaajoty jap nyäyu'utsëtë ju'k.

Tito 1:16

Jëtu'un y'ëna'antë ko Tios t'ixy'atë, je'eyëp ko tii tuntë jëtu'un yaj'ixy ka'ap yowë t'ixy'atë, ëxëëk'ijxtëp ets käjpxy kumëtoownajxtëp, ka'ap tukjatë wi'ix tii oy tuntëtyën.

2 Timoteo 3:5

Jëtu'un nyäpyëjkta'aka'anëtë ijxtëm jeexyë myëpëktën, je'eyëp ko ma winë tuntën aakjä'ä ma'atpë ets tëkatsypë. Këtii jëtu'unpë ja'ay xykyutëkëtëty. Janty mëpëjkpë ja'ay nyäyajnaxa'anëtëty, jëtu'unpë ja'ay këtii xymyëjwa'kpätëty.

Mateo 7:26

Temë pën y'amëtoow'ijtyp ja n'ayukës ets ka'ap tpatuny mëti'ipës nkäjpxypën, jëtu'un jä'ä ijxtëm tu'uk ja tsuuja'ayën mëti'ipë ja tyëjk kyojën pu'ujoty jinjoty.

Job 36:14

Ëna'knëm y'ooktë; wintsëtyu'un jëjptsëtyu'un yë jyuukyajtën kyëxtë.

Levitico 11:3

mëti'ipë yë aay ujts jyë'kxtëpën, apu'uyëtëp ets xeeny yë tyekyxyookyëty.

Levitico 11:4

E yë'ëts ka'ap xytsyu'utstëty, mëti'ipë ja aay ujts tjajë'kxtëpë ets tyekyxyooky jyaxeeny'atën. Tä yë jëyujk jëku'uxën, ujts jyajë'kxyp, ja apu'uyëp ets ka'ap tmëëtëty axeeny yë tyekyxyooky. Yë tääpë jëyujk ëxëëk yë mëpaat xytyijtë.

Levitico 11:6

Ja kam tsuk, ja ujts'ojkp ijty ets ja apu'uyëp, je'eyëp ko ka'ap yë tyekyxyooky xyeenyëty, näjyëtu'un xytyijtëty ëxëëkjëyujk.

Deuteronomio 14:7

E ja jëyujk mëti'ipë mëpaat ka'ap xytsyu'utstën, oy jya''apu'uyëtë, ëkë oy ja tyekyxyookyëty jyaxeenyëty. Yë'ë jëyujk jëku'ux, mëj tsuk ets tsik ka'ap mëpaat xytsyu'utstë oy jya''apu'uyëtë ets oy yë tyekyxyooky jya''axeeny'atë.