Levitico 11:45 - Biblia Mixe de Quetzaltepec

⁴⁵ Ëjts jëtu'un Wintsën, mëti'ipë ojts myajpëtsëmëtën jap Egiptë etsës xyTios'atëty. E paaty jëtu'un mëpaat wa'ats mnäyaj'itëtë, jä'ä ko ëjts wa'atsës yë'ë.

Levitico 11:45 ပူးပေါင်းရင်းမြစ်များ

Levitico 11:44

Ëjts jëtu'un mWintsën Tiosëty, miitsëty wa'ats mëpaat mnäyaj'itëtë, jä'ä ko ëjts wa'atsës n'ity. Këtii mnätyukyaj'ëxëëkëtëty nimëti'ipë jëyujk mëti'ipë naaxwin'a'tspën.

Éxodo 20:2

Ëjts jëtu'un Wintsënajtp, mëti'ipë mijts mTios'ajtypyën, mëti'ipë ojts mjuutyën jap Egiptë, ma ënäty mmëtuny m'ëyoyën.

1 Pedro 1:16

Jëtu'un ja Tios ja y'aaw y'ayuk këxja'aypyë y'ënä'äny: näjyëtu'un miits wa'ats itë ijxtëmës ëjts nwa'atsëtyën.

Éxodo 6:7

Jëtu'un miitsëty n'ëxajëja'antë, tääjës yë ntimnyaax ntimkyajpnën etsës miits xyTios'atëp ets xynyijawëtëty, ko ëjts Wintsën, mëti'ipë miits mTiosajtëpën, mëti'ipë të myajpëtsëmëtën, ma ënäty miitsëty je'eyë mëtun m'ëyowtën, mëët ja mëkëtypë ja tuunk, mëti'ipë mooyëtëpën ja Egiptë ja'ayëty.

1 Tesalonicenses 4:7

Ka'ap ja Tios yë'ëjëty të xytyuknipëjktakëmë ets ëxëëk njuuky'ajtmëty, yë'ë të xytyuknipëjktakëmë ets oy wa'ats nyajpatmëty.

Oseas 11:1

Ko yë Israel kajpn ënäty pyi'k'atynyëm, ntsojkpy nja'apës ijty; yë'ëkyëjxm ko ënäty n'u'unk'atyës, ojtsës nyaxtsoy ets tsyoonëty jap Egiptë.

Levitico 25:38

Ëjts jëtu'un Wintsën, miits yë mTiosëty mëti'ipë ojts mjuutëtën jap Egiptë ets mo'oja'anëtë ya'atë naax kam yaapë yajpaatyën Canaán etsës xyTios'atëty.

Génesis 17:7

Yë käjpxytyu'unën mëti'ipës ntuunpyën mëët mijts ets mëët yë m'u'unk m'ok. Yë'ë koos jëtu'un mijts xyTios'ataanpës ets tu'kë'ëyë m'u'unk m'ok ets ja y'u'unk y'okëty näjyëtu'un.

Éxodo 19:10

ets ojts ja Tios y'ënë'ëmxëty: Nëjkx ënëëmë yë naax kajpn, wä'än tyam ets jopy nänyipëjktaakëtë etsës ëjts xytyukxoonta'aktëty ets xymyëjjawëtëtyës. Yajxon yë wyit tyujkxëty tpujtëty tjä'ätstëty,

Levitico 11:46

Yaa jëtu'un të yajnikäjpxy mëti'ipë ja jëyujkëty ëxëëkëtyën ets wa'atsëtyën, tä yë joonën ets mëti'ipë nëëjoty juukyajtëpën ets tëkokyë mëti'ipë jëtu'unyë naaxwin'a'tstëpën.

Levitico 19:2

Jëtu'un xy'ënëëmëty yë naax kajpn: Wa'ats mëpaat myajpaatë, jä'ä ko ëjts Wintsën mëti'ipë mijts mTiosajtëpën, wa'atsës yë'ë.

Levitico 22:33

Ets të nyajpëtsëmtë, jap ma Egiptë kajpnën, ëjts näjyëtu'un miits xyTios'ajtëp. Ëjts jëtu'un Wintsën.

Levitico 26:45

Tiits ni'ikyës jatëkok nja'amyätsa'any ja nkäjpxytyu'unënës, mëti'ipës ojts mëët ntuntën, koos jap nju'të jap Egiptë, ma t'ijxtën ja mayjyä'äyëty ets ja wiink naax wiinkajpnëty, tääts ëjts xyTios'ata'antë. Ëjts jëtu'un Wintsën.

Números 15:40

Jëtu'un'äämpy xyjyä'ämyätstëty ets xypyatuntëty tëkokyë yë n'ënä'ämënës ntëyajtënës. Kënu'kxy nëjkx mwë'ëmtë ets njä'ä'atëty. Ëjts Tios'ajtp ma miitsëtyën.

1 Samuel 6:20

Paaty y'ënantë ja Bet-semes ja'ayëty: Pën jëtää jampaat jeky y'ëk'ity juuky Tios wintum mëti'ipë wa'atsën? ¿Pën jëtää jam ëxëëk winë y'ëktuunpy ko yaa tsyoonëty ma ëëtsajtëmën?

Éxodo 19:6

Miitsëty aakjëtu'un nëjkx mja'ay'atë tä yë teetytyëjkëtyën ma Wintsën yë kyutujktaknën, jëtu'un nëjkx njawëtë tä tu'uk yë kajpnën mëti'ipës të natyuknikënu'kxëtyën. Tukmëmëtyakta'a ya'atë aaw ayuk yë Israel ja'ayëty.

Éxodo 22:30

Näyjyëtu'un ja më''ëka'anypë tyajja'tyën ja y'u'unk myääy ja mtsajpkaato'oxy, ëkë mtsajppax mkupixyny nëjkx xymyo'oyës. Jyëkyäpëp je'eyë wëxtujk xëëwën myëët'atëtëty yë tyaak, e ma ënäty tuktujk xëëw y'apäjnë, jää xymyooynyëtyës.

Levitico 19:36

Ka'pxy mëpaat winë xykyijpxtë ets kä'pxy mëpaat winë xytyiytyë. Ëjts jëtu'un Wintsën, mëti'ipë miits mTiosajtëpën, mëti'ipë myajpëtsëëmëtën jap Egiptë.

Levitico 20:7

Ni'ikyë miitsëty mnäyajwa'atsëtëty ets jëtu'un itë wa'ats. Jä'ä ko ëjts Wintsën, mëti'ipë miits mTiosajtëpën.

Josue 24:19

E ja Josué tyaa y'ëtsoowëtë: Miitsëty ka'ap xyjyëkyäptë Tios xymyëtuntëty. Jä'ä ko wa'ats yë'ë ets ni'äkë'ajtp; ko pën je'eyë kyäjpxykyutëjy ets pyokytyuny, ka'ap jëtu'unyë tnani''ijxnaxy.

1 Samuel 2:2

Ni pën jëtu'un kyawa'atsëty tä mijtsën Wintsën. Ni pën jëtu'un kyakëwent'aty, tä mijtsën, Tios mëti'ipës n'ëwtajtëpën, ka'ap ma wiinkpë jëtu'unpë tä mijtsën.