Levitico 11:40 - Biblia Mixe de Quetzaltepec

⁴⁰ Pën ja nyitsu'uty tsyu'tsëp ja jëyujk, mëti'ipë kë'ëm të y'ookyën, nëjkxëp tpujy ja wyit ets wyë'ëmëty ëxëëk tyimkootsëty jëtu'un. E pën näjyëtu'un jyu'tpëtsëëmpyën jutjoty ja jëyujk'ooky, ëxëëk näjyëtu'un nëjkx wyi'imy ets nëjkxëp tpujy ja wyit.

Levitico 11:40 ပူးပေါင်းရင်းမြစ်များ

Ezequiel 44:31

Yë teetytyëjkëty ka'ap nëjkx nijëna'a tsu'utstë yë jëyujk najts'ookë, ëkë mëti'ipë jëyujk të yaj'ookyën.

Levitico 22:8

Ka'ap mëpaat tsu'utsy yë jëyujk tsajpkaa yë nyitsu'uty, mëti'ipë jëtu'unyë muum të y'ookyën, ëkë mëti'ipë yë jëyujk të yaj'ookyën. Këtiipë yë'ë mëët nyäyaj'ëxëëkëtëty. Ëjts jëtu'un Wintsën.

Deuteronomio 14:21

Yë jëyujk najts'ookë këtii xytsyu'utstë. Wa'ats mnäyaj'itëtëty, jä'ä ko miitsëty yë'ë yë Wintsën mkajpn'ajtëtëp. Pën yajpatp yë jaaypyaat jaaypyo'kxy ma miitsëtyën, yë'ë jyëkyäjptëp tsu'utstëty, nän jyëkyejpy xytyukmëtooktëty ja jaaypyaat jaaypyo'kxy mëti'ipë tu'u'am'ajtëpën. Yë tsajppax u'unk tsu'utsy këtii xyajkëëwjëtitëty mëët yë tyaak yë tyi'tsk nëë.

Ezequiel 4:14

Ënätës n'ëtsooy: Wintsën ëjts ka'apës nijëna'a jëtu'unpë ëxëëkpë një'kxy; ëjts ka'apës nijëna'a ntsu'uty yë jëyujk tok mëti'ipë kë'ëm o'kpën, ëkë mëti'ipë jëyujk yaj'o'këpën ets ka'apës nijëna'a ntsu'uty yë jëyujk ka'apë tsyu'utsyëtyën.

1 Juan 1:7

E ko njuuky'ajtmëty ma jyäjy tyi'kxyën, ënät nixim niyam ja winma'any tu'knax nmëët'ajtmëty ets ja Jesukristë ja jyot nye'pyny xyajwatsmëty.

1 Corintios 10:21

Ka'ap tjëkyepy miits xytyuk'uukëtëty ja Wintsën ja y'a'ukën ets näjyëtu'un xytyuk'uukëtë ja ku'oypyë ja jyä'ä. Ets ka'ap tjëkyepy näjyëtu'un jam myajpaatëty ma ja Wintsën ja kyääypyäjnën ets myajpaatëty näjyëtu'un ma ja ku'oypyë ja kyääypyäjnën.

1 Corintios 6:11

Ets jëtu'un ijty jam pënëty ma miitsëtyën jënaakën mja'ay'atë; je'eyëp ko tyam, tëë ja Tios myajwa'atsëtë, tëë mnätyukë'ëtëkëtë ja Tios. Oy të mwë'ëmtë mëët ja Tios ets mëët ja Wintsën Jesukristë.

Zacarías 13:1

Jä'ä xëëw tu'uk yë nëëkopk kyupëja'any ets nëjkx jam yë pyoky ets y'ëxëëk'ajtënëty t'ixtsi'iwtë yë David yë y'u'unk y'ok mëti'ipë jam Jerusalén tsënaaytyëpën.

Ezequiel 36:25

Mëët yë wa'ats nëë mpuja'an njä'ätsä'äntë ets nyajwatsta'aja'anyës ja ëxëëkajtën ets ntuknipëjktuta'aja'antë mëti'ipë të xypyaye'eyë'ëktën ko të xypyanëjkxtëkëtë wiink wintsën;

Isaías 1:16

Näypyuj näjyä'ätsëtë, näyajwa'atsëtë. Ka'apës n'ëk'ixanë ja mpokyëty. Ja ëxëëk tu'u jä'ä m'ëxmatstëp.

Números 19:19

Ja ja'ay mëti'ipë ënäty wa'ats yajpatpën, yë'ë mëpaat tuknixijkxy ja kënu'kxynyëë, ja mëti'ipë ëxëëk yajpatpën, ko kyomtëkëëk xëëwpätëty ets ko wyëxtujkxëëwpätëty. Kom wëxtujk xëëw tëë ënäty wa'ats wyi'imy. Ënät ja ja'ay wyit tpujëty mëti'ipë ënäty ëxëëk të yajpaatyën ets näjyëtu'un tsyi'iwëty xyëtsëty, ëxëëk jyaak wë'ëmëty jëtu'un kyutsu'ujëty.

Levitico 16:28

Ja ja'ay mëti'ipë ënäty të tnino'okyën, kopkpëky ko nëjkx ja wyit tpujy tje'etsy ets wa'ats tsyi'iwëty xyëtsëty, täänëm tyëkëty ma ja naax kajpnën.

Levitico 16:26

E ja ja'ay mëti'ipë ënäty ojts të tnajtsmatsën ja tsajppax jam të'ëts itjotm, mëti'ipë ja Azazel jyä'ä'ajtypyën, yajxon ja wyit tpujëty wa'ats ets näjyëtu'un kë'ëm nyäpyuj nyäjyä'ätsëtëty wa'ats, täänëm tyëkëty ma ja naax kajpnën.

Levitico 15:27

Pën ya'atë tyoompy, ëxëëk nëjkx wyi'imy, kopkpëky ko yë wyit tpujëty ets kë'ëm nyäpyujëtëty mëët yë nëë ets ëxëëk nëjkx yajtijy tyimkutsu'ujëty jëtu'un.

Levitico 11:28

Näyjyëtu'un pën muum yajpëtë'kpyën jëtu'unpë jëyujk'ooky, kopkpëky ko yë wyit tpujëty ets jëtu'un wyë'ëmëty ëxëëk koonëm kyootsëty, jä'ä ko miitsëty ëxëëk mëpaat tääpë jëyujk xytyijtë.

Levitico 11:25

Pën tääpë jëyujk'ooky tyoompy, ëxëëk wyë'ëmëty, kopkpëky ko yë wyit tpujëty yajxon ets ëxëëk wyë'ëmëty jëtu'un kootspaat.

Éxodo 22:31

Miitsëty wa'ats mëpaat m'itë maas ëjtsën, këtii xytsyu'utstëty yë jëyujk, mëti'ipë muum ja jëyujk ëxëëk të tyunyën, ëkë të yaj'ookyën, yë'ë tëy mo'otëp yë uk, wä'än tsu'utsy.

Levitico 11:39

Ko tu'uk yë mjëyujkëty y'ooktëty, mëti'ipë ënäty miitsëty mtsu'utsantëpën ets pën tonëty ja jëyujk'ooky, ëxëëk nëjkx wyi'imy ets tyimkootsëty jëtu'un.

Levitico 14:46

Ets jëtu'un jap tëkoty ma ënäty ja teety të tnikäjpxyën ets ëtuky y'itëty. Ëxëëk ja ja'ay wyë'ëmëty tu'kxëëw ets jëtu'un tyimkutsu'ujëty.

Levitico 15:15

Tu'uk ja teety tyakëty mëti'ipë ja nëë poky tyukunaxëpën ets tu'uk mëti'ipë yajno'okëpën. Jëtu'un ënäty yajtuny, ma ja ja'ay ja näypyuj näjyä'ätsë tpaatyën Wintsën wintum, mëti'ipë ja myëjaaw tukjënajkëpën ma ja ye'etyëjk'ajtënën.

Levitico 22:6

Ëxëëk nëjkx yajtijy tyimtsu'ujëty jëtu'un ets ka'ap tjëkyäpëty tjë'kxëty, mëti'ipë wa'atsën, pën ka'ap jëyëjp nyäpyujy nyäjye'etsyë.